සමහර අයට තියන ලොකුම ප්‍රශ්නයක් තමයි රෑට නිදාගන්න ඇඳට ගියාට ගොඩාක් වෙලා යනකන් නින්ද යන්නෙ නැතිවීම. මේකට හේතුවෙන කරුණු ගොඩක් තියනවා. ඔයාගෙ දහවල් කාලයේ පුරුදු වගේම දවල්ට ගන්නා ආහාරත් රාත්‍රී නින්දට බලපානවා.
අද අපි ඔයාට කියන්නෙ රාත්‍රියට සුව නින්දක් ලබා ගැනීමට ඔයා අනුගමනය කරන්න ඕන වැදගත් පියවර 15 ක් ගැනයි. ඔන්න අදින් පස්සේ නම් රෑට නින්ද යන්නෙ නැති ප්‍රශ්නය ඇති වෙන එකක් නෑ…
15. කාලසටහනකට නිදාගන්න.
දිනපතා නින්දට යන වෙලාව පුරුද්දක් කරගන්න. ඒ නිසා හැමදාම එකම වෙලාවට නිදාගන්න යන්න.
14. විදුලි පහන් නිවන්න.
නින්දට යන්න අඩුම තරමේ පැයකටවත් කලින්, රාත්‍රී ලාම්පු හෝ ඉටිපන්දම් හැර අනෙකුත් සියලුම විදුලි පහන් නිවා දමන්න. එමඟින් ඔයාගෙ මොළයට දැනෙනවා, දැන් “නිදා ගන්න වෙලාව” කියලා.
13. කාමරය සිසිල්ව තබා ගන්න.
කාමරයේ උෂ්ණත්වය 18°C ත් 21°C (65-70°F) ත් අතර නම් ළදරුවන් පවා හොඳින් නිදාගන්නා බව විද්‍යාත්මකව ඔප්පු වෙලා තියනවා. මේ උෂ්ණත්වය ටිකක් සීතලයි කියලා හිතුණොත්, හැම විටම ජනේලයක් ඇරලා උණුසුම් බ්ලැන්කට් එකක් පොරවගෙන නින්දට යන්න.
12. නිල් තිර වලින් වළකින්න.
නිල් පැහැති තිර අපව වෙහෙසට පත් කරනවා. ඒත් ඒවා මගින් ඔයාග්‍ර් මොළය ක්‍රියාශීලීව තබා ගන්නවා. ඒ නිසා නින්දට යන්න පැයකට කලින්වත් ටීවී එක ඕෆ් කරලා ෆෝන් එකෙනුත් ඈත් වෙන්න.
11. කම්මැලි හිතෙන පොතක් කියවන්න.
නින්දය යන්න කලින් ඇඳේ ඉන්න ගමන්ම කම්මැලි හිතෙන පොතක් කියවන්න. එතකොට ඔයාට ඉක්මනින්ම නින්ද ලඟා කරගන්න පුලුවන්.
10. සුදු ශබ්ද ඇප් සහ යන්ත්‍ර භාවිතා කරන්න.
සුදු ශබ්දය ළදරුවන්ට වගේම වැඩිහිටියන්ටත් පුදුම සහගත ලෙස ක්‍රියා කරනවා. එතකොට නින්දට සුදුසු ශබ්ද තියන ඇප් එකකින් හෝ යන්ත්‍රයකින් එම ශබ්ද අසමින්ම නින්දට යන්න පුලුවන්.
09. මසාජ් එකක් සමගින් උණු වතුරෙන් නාන්න.
උණුසුම් වතුරෙන් ස්නානය කිරීමෙන් ඔයාගෙ මාංශ පේශි ලිහිල් වෙනවා. එමගින් ඔයාගෙ ශරීරය හොඳ නින්දක් සඳහා සූදානම් කරනවා. මසාජ් කිරීමෙනුත් ඇඟ සැහැල්ලු වෙනවා. මසාජ් කරමින් ඉන්න අතරතුරම ගොඩක් අයට නින්ද යනවා.
08. හොඳ පැරණි කිරි සහ මී පැණි උත්සාහ කරන්න.
නින්දට යන්න පැය භාගයකට කලින් මී පැණි සමඟ උණුසුම් කිරි කෝප්පයක් පානය කරන්න. ඉක්මනින් නින්ද ලඟා කරගන්න මේ ක්‍රමය ඔයාට ගොඩක් ප්‍රයෝජනවත් වෙනවා.
07. නින්දට පෙර වැඩිපුර කෑම කන්න එපා.
රාත්‍රී ආහාරය සඳහා ප්‍රෝටීන සහ සෞඛ්‍ය සම්පන්න කාබ් සහිත ආහාර වේලක් ගන්න. නින්දට කලිම් කැමොමයිල් තේ හෝ කිරි කෝප්පයක් පානය කරන්න.
06. දවල්ට කැෆේන් බොන්න එපා.
කෝපි වගේ කැෆේන් අඩංගු පාන වර්ග උදේට විතරක් පානය කරන්න. දවල් කාලයේදී මේ පාන වර්ග ගත්තොත් රාත්‍රී නින්දට බාධා ඇතිවෙනවා.
05. නවීන තාක්ෂණය භාවිතා කරන්න.
අලුත් තාක්ෂණයෙන් නිපදවා තිබෙම නින්දට උපකාරී වෙන හෙඩ්සෙට් හෙඩ්සෙට් මගින් භාවනා සංගීතය වාදනය කිරීමෙන් ඔයාව නින්දට සූදානම් කරවනවා.
04. පාද උණුසුම්ව තබා ගන්න.
අපි පොඩි කාලෙ ඉඳන්ම නිදාගන්නකොට බ්ලැන්කට් එකෙන් කකුල් දෙක වගහන්න පුරුදු වෙලා ඉන්නවා. එතකොට හොඳට නින්ද යනවා.
03. ගෙරවීමේ තරඟය
රෑට නින්දෙන් ගොරවන අයට වගේම නින්දෙන් ගොරවන අය ලඟ නිදාගන්න අයටත් නින්ද යන්නෙ නැති ප්‍රශ්න තියනවා. මේ කරදරෙන් මිදීමට හෙඩ්බෑන්ඩ් එකක් හෝ ගෙරවීම වළක්වන උපකරණයක් භාවිතා කරන්න. එමගින් නින්දේදී හොඳින් හුස්ම ගැනීමට සහ සුව නින්දක් ලබා ගැනීමට උපකාරී වෙනවා.
02. හොඳ මෙට්ටයක නිදාගන්න.
සුව පහසු මෙට්ටයක් කියන්නෙ සුව නින්දකට අත්‍යවශ්‍යම දෙයක්. ඒ නිසා පර්යේෂණවලින් හා භෞතිය විද්‍යාත්මකව සුදුසු බව ඔප්පු වුණු හොඳ මෙට්ටයක් තෝරගන්න.
01. දිවා කාලයේදී ව්‍යායාම කරන්න.
ව්‍යායාම කිරීමෙන් ශරීරය ලිහිල් කරනවා. ඒත් එය දිවා කාලයේ දී කිරීමට පුරුද්දක් කර ගන්න.
බෝනස්: ඔයාගෙ ඇඳ ක්‍රියාකාරකම් 2 ක් සඳහා පමණක් වෙන් කර ගන්න – නින්ද සහ ලිංගිකත්වය.
ඔයාගෙ නිදන කාමරය තියෙන්නෙ කාරණා 2 කට පමණක් බව විශ්වාස කිරීමට ඔබේ මොළයට පුරුදු කරවන්න. නින්ද සහ ආදර හැඟීම් සඳහා පමණක් ඇඳ භාවිතා කරන බව මොළයට වැටහෙනකොට අනිවාරෙන්ම ඇඳට ආවම හොඳින් නින්ද යනවා.
උපුටා ගැනීම: adobae