මාවන් අතපත්තු එයාගේ මංගල ටෙස්ට් ඉනිම සෙල්ලම් කළේ 1990 නොවැම්බර් 23 වැනිදා ඉන්දියාව එක්ක. එතකොට මාවන්ගේ වයස අවුරුදු 20 යි. මාවන්ගේ මුල් ටෙස්ට් ඉනිම් 6 දී එකම එක ලකුණයි ගත්තේ. බිංදුම 5 ක්. ඒ වගේම මංගල ටෙස්ට් තරගයේදි ඉනිම් දෙකේදි “පෙයාර්” එකක් එහෙමත් නැත්නම් බිංදු ජෝඩුවක් ගත්තු ශ්‍රී ලංකාවේ පළමුවැනි ටෙස්ට් ක්‍රිකට් ක්‍රීඩකයත් මාවන්.
පළවැනි ටෙස්ට් මැච් තුනේදී යන එනමං නැතිවුණු මාවන්ට, එයාගේ ඊළඟ ටෙස්ට් ඉනිම් 11 දිත් ලකුණු 29 ට වැඩියෙන් ගහන්න පුලුවන් වුණේ නැහැ. ඒත් අවුරුදු 7 කට පස්සේ, 10 වැනි ටේසට් මැච් එකේදී ඉන්දියාවට එරෙහිව මංගල ටේස්ට් ශතකය ගහන්න මාවන්ට පුලුවන් වෙනවා. මාවන් එයාගේ ටෙස්ට් ජීවිතයේදි මැචස් 22 කදී බිංඳුවට අවුට් වෙලා තියෙනවා වගේම හතර පාරක් බිංදු ජෝඩු (එක මැච් එකකදී ඉනිම් දෙකේදීම බිංදුවට අවුට් වීම) අරගෙන තියෙනවා. ඒ දෙකම ටොප් ඕඩර් බැට්ස්මන්ලා පැත්තෙන් ගත්තාම ලෝක වාර්තා.
මේ පොඩි විස්තරය කිව්වේ බුකියේ සමහරු කුසල් මෙන්ඩිස්ගේ බිංදු පෝළිම සාධාරණය කරන්න මාවන්ගේ නම ඇදලා ගන්න නිසා. මාවන් ඔය බිංදු පෝලිම ගත්තේ අවුරුදු 7 ක් ඇතුළත. ඒත් කුසල් මෙන්ඩිස් බිංදුවට යන එක දැන් කනවා බොනවා වගේ සාමාන්‍ය දෙයක්. මම දන්න තරමින් කුසල් මෙන්ඩිස් ට එක දිගට දීපු චාන්ස් ගොඩ ලංකාවේ කිසිම ක්‍රීඩකයෙක්ට දීලා නැහැ.
ඇත්ත මේ බිංදු පෝලිම නිසා කුසල් මානසිකව වැටිලා ඉන්නේ. ඉතින් එහෙම මනුස්සයෙක්ව දිගින් දිගටම ජාත්‍යන්තර තරගවලට දාන අපේ තේරීම් කමිටුවට තමයි ඉස්සෙල්ලම මනෝ වෛද්‍ය ප්‍රතිකාර දෙන්ඩ ඕනේ. කුසල් සම්බන්ධයන් විකල්ප දෙකක් තියෙනවා. එක්කෝ කුසල්ව යටින් ගස්සන්න ඕනේ. නැතිනම් මාවන්ට කළා වගේ, අසාර්ථක වෙන කොට ප්ලේස් එක නැති කරලා ඩොමැස්ටික් ගස්සලා ආයෙත් කන්ෆිඩන්ස් හදන්න ඕනේ.
ඒත් මේ දෙකම වෙන පාටක් නැහැ.
එක්කෝ කුසල්ට ඇතුළෙන් හෙනම සපෝට් එකක් තියෙනවා.
නැත්නම් මට හිතෙන විදිහට ඔය සෙල්ලම් කරන බැට්, බෝල, විකට් පොලු කුසල් ගෙදරින් ගෙනාපුවා වෙන්න ඇති. ඒ නිසා මිනිහව කපන්න බැරි සීන් එකක් ඇත්තේ…
උපුටා ගැනීම: Anil Karunarathne