කුස්සියේ රණ්ඩුවක් (වැල් වටාරම්)

හීන් සීරුවේ දොරටු ලං වෙලා අහගෙන හිටියා මේ වචන හුවමාරුව

බලන කොට වොෂින් මැෂින් එකයි වතුර මෝටරයයි සින්ක් එකේ ටැප් එකයි බරපතල විදිහට වචන හූවමාරුවක්

අහගෙන ඉන්න

දම්රී ( වොෂින් මැෂින්) : මොකද උඹ ඔරවලා බලන්නේ නාකි හම්පඩ ජිනයා ( ජිනසේන වතුර පොම්පය)

ජිනයා; ඔව් මම නාකි තමයි. ඒ වුණාට මම වැඩ නොකලොත් උඹට අගර දගර දාලා නටන්න ඇඹරෙන්න වෙන්නේ නෑ දැනගනින් දම්රී. උඹ ඔය ලොකු වට පුම්බා ගෙන හිටියට උඹ අනුන්ගේ කුණු හෝදන එකී.උඹ එන්න කලින් මේ ගෙදර උන්ට ජොබ් එක කරන්න අබානි කියලා එකියක් හිටියා නිතර ලෙඩ දුන්න නිසා මේ ගෙදර නෝනා කීප වරක්ම හදලා බැරිම තැන පරණ යකඩ එකතු කරන ලොරියකට දීලා ප්ලාස්ටික් බේසමක් ගත්තා. උඹටත් කව්ද හරි ඒ සෙතේම තමයි දැන් ගනින් පර දම්රී.

දම්රී; බලපං ජිනේ උඹේ හැටි

මිටිම මිටියි උඹ ඉන්න තැන බලපං ලිප් බොක්කේ යට.අපේ නෝනා මා ලවා රෙදි හෝද ගෙන මාව පිහදානවා. ඊට පස්සේ තව පිරිසිදු රෙදි කෑල්ලකින් මාව පොරවනවා. මම ලෑලි ස්ටෑන්ඩඩ් එකක් උඩ තියලා තියනවා. බලපං මට සලකන සැලකිල්ල. උඹෙන් වැඩ ගන්නවා විතරයි. උඹ වැඩ නොකලොත් විතරක් මහත්තයා ට කරදර කරලා ඉක්මනින් ම හදා ගන්නවා.

ජිනේ; උඹ දැනගනින් මේ ගේ හදපු දවසෙ ඉදලා මේ වනතුරු එක දිගට සේවය කරපු එකම කෙනා මම. උඹලා වගේ සූකුරුත්තන් එනවා යනවා. උඹ ඔය උස ස්ටෑන්ඩ් එකක් උඩ තියලා තියෙන්නේ වතුර බහින්න ඕනි නිසා මිසක් උඹට සලකන්න නෙවෙයි වැස්සියේ.

සින්ක් ටැපී: මම මේ ඔය දෙන්නගේ කතාව අහගෙන හිටියේ. අපේ නෝනා ඔය දෙන්නාටම වැඩිය ආදරේ මට, දවසේ පැය කීයක් මා දිහා බලාගෙන මා ලගට වෙලා ඉන්නවද?

ජිනේ: අනේ ඉතිං නෝනා උඹේ කණ ඇඹරුවහම උඹ ඉතින් කොච්චරවත් අඩන එකම වේ වැඩේ. මම වැඩ නොකලොත් උඹටයි දම්රිටයි හුලං තමයි

.

අනේ දැන් දවස් දෙක තුනක් නෝනව දැක්කෙ නෑ කියල සින්ක් ටැපී කරාමේ කරවාගෙන අඩන්න පටන් ගත්තා.

එක දිගටම වැඩ කරලා පුරුදු වෙලා මේ උපකරණත් වැඩ වලට ඇබ්බැහි වෙලා. ඔටෝ වැඩ කරන්න පටන් අරන්. මම විගහට කරාමේ වහලා මේන් ස්විච් ඒකත් ඕෆ් කරලා දැම්මේ මම නැති වෙලාවක මේ රණ්ඩුව ආයෙ ඇවිලෙයි කියන බයට

ඕන මගුලක් නටාපල්ල නෝනා ආපු දවසක කියල මම ගෙදරින් පිට වුණා..