මගෙ යාලුවො සෙට් එකක් ඉන්නව a/l කරද්දි සෙට් උනු. සෙට් එකක් කිව්වෙ 5 දෙනෙක්. කොහෙ ගියත් මොන දේ කරත් අපි 5 දෙනා එකට. පස්සෙ කාලෙක එක යාලුවෙක්ගෙ මල්ලි කෙනෙකුත් සෙට් උනා අපිට.ඉතින් කොහෙහරි නාන්ඩ ගියත් කන්ඩ ගියත් බොන්ඩ ගියත් අපි ටික තමයි යන්නෙ.මේ කතාව වෙන්නෙ a/l කරන කාලෙ…..
A/l කරන කාලෙ ඉඳල අපි සෙට් එකට පුදුම විදියට රස්තියාදු ගැසීමෙ උන තිබ්බ. රස්තියාදු කියන්නෙ ඉතින් ටවුන් වල රවුන් ගහන්ඩ නෙමෙයි.කාගෙහරි යාලුවෙක්ගෙ ගෙදර යනවයි කොහෙහරි බලන්ඩ යනවයි නාන්ඩ යනවයි තමයි.ඔය කාලෙ මට තිබ්බ ඩිස්කවරියක්.දැනටත් ඒක තියෙයි.එක යාලුවෙක්ගෙ තිබ්බ ct100 එකක්. ලකාගෙ තිබ්බ හොන්ඩ කස්ටම් එකක්.පොර ඒක විකුනල ගත්ත tvs ෆ්ලේම් කියල බයික් එකක්. දැන් අපි කොහෙ ගියත් යන්නෙ ඔය බයික් තුනේ තමයි. හැබැයි ඔය tvs බයික් එකෙන් ලකාට සෑහෙන්න අපලයක් තිබ්බෙ. ඉස්සෙල්ලම සීන් එක උනේ නාන්ඩ ගිහින්.අපි පස් දෙනෙක් තමයි එදා සෙට් උනෙ. යාලුවෙක්ගෙ ගෙවල් ලඟකට නාන්ඩ ගිහින් නාල එහෙම ආයෙ එද්දී ඉතින් පොඩ්ඩක් හයියෙන් ආව සෙට් එක.කොල්ලොනෙ ඉතින්.ලකාගෙ බයික් එකේ හිටියෙ ඌ විතරයි.ඉස්සරහින්ම ගියෙ මම.මට පිටිපස්සෙන් ලකා.ඉටත් පිටිපස්සෙ අනිත් උන් දෙන්න.ඔහොම එද්දි එක තැනක වංගුවක් තියෙනව.මම ඉස්සරහින්ම ඇවිත් වංගුව හින්ද පොඩ්ඩක් බයික් එක ස්ලෝ කරා.ස්ලෝ කරා විතරයි පිටිපස්සෙන් ආපු ලකා මාවත් ඉස්සර කරල වංගුව නමල ගියා. තත්පරෙන් දහයෙන් එකක් යන්ඩ ඇති දඩස් ගෑව. බලද්දි මූ වංගුව කෙලින් කරල පාර අයිනෙ තිබ්බ තඩි ගලක වැදිල.ගල තිබුනෙ නැත්තන් මූ අඩි විස්සක් තිහක් පහල. බයික් එකටත් සෑහෙන්න ඩැමේජ්.පෝක් අත් දෙක නැමිල ටයර් එකේ ගෑවෙනව.ඊටත් වඩා මුට නැගිට ගන්ඩ ගන්ඩ බෑ මුගෙ බඩ කොර වෙලා. වැදිච්ච පාර මුගෙ බිත්තර දෙක ටැංකියට හිර වෙලා.ඉට පස්සෙ බයික් එකත් තල්ලු කරන් ගිහින් යාලුවෙක්ගෙ ගෙදරින් දාල අපි සෙට් එක ගියා යන්ඩ.පස්සෙ අරූ හිමීට ගෙදරින් බැනුනුත් අහගෙන බයික් එකත් හදාගෙන තිබ්බ…
ටික දවසක් ගිහින් ආයෙ දවසක අපි සෙට් එක සෙට් උනා යාලුවෙක්ගෙ ගෙදර. එදා කොහොමහරි එක යාලුවෙක් මගෙ බයික් එකත් අරන් පොරගෙ කෙල්ලව බලන්ඩ ගියා.ඌ ගෙදරින් ආවෙ අපිත් එක්ක රව්මක් දාන්ඩ යනව කියල.අපිට ඉතින් ඌත් එක්ක උගෙ කෙල්ලව බලන්ඩ යන්ඩ බැරි හන්ද ඌ ගිහින් එනකන් පාරට වෙලා හිටියා.ඒ ඉද්දි ලකා ගෙවල් ගාව මල්ලි කෙනෙක්වත් දාගෙන පොඩ්ඩක් අවිස්සාවෙල්ලට ගිහින් එන්නන් කියල ගියා. විනාඩි දහයක් යන්ඩ ඇති.කෝල් එකක් ආව බයික් එක හැප්පුනා වරෙන් කියල. අපිත් තියල ඇරිය විනාඩි පහෙන් එතන.. අරුන් දෙන්න පැත්තක වාඩි වෙලා ඉන්නව බයික් එක බස් එකක් ඇතුලෙ. බස් එක හෝල්ට් එකේ නැවැත්තුවම මුන් ගිහින් පස්සෙන් ඇනල. මුන් දෙන්නත් බස් එක යට ඉඳල ඇවිත් තියෙන්න්.වෙලාවට ලොකු තුවාල මුකුත්ම තිබ්බෙ නෑ.බයික් එක එවෙලෙ අරන් ගිහින් තිබ්බෙ ලකත් එක්ක ගිය මල්ලි.උගෙ තාත්තත් එවෙලෙ තමයි එතනට ආවෙ.ආපු ගමන් දුන්න චටාස් ගාල උගෙ කනට එකක් දුන් විසිවෙන්ඩ.ලකාට මුකුත් කිව්වෙ නෑ.ඒත් ඉතින් උටත් කනට ගැහුව වගේ තමයි. පස්සෙ ලකාගෙ පොඩි පොඩි තුවාල ටිකටත් බෙහෙත් දාගෙන උන්ගෙ ගෙදට්ට ගියාම තමයි හොඳම හරිය පටන් ගත්තෙ.උන්ගෙ ආච්චි පටන් ගත්ත බනින්ඩ බැනිල්ලක් ආයෙ නෑ කට උත්තර නැති වෙන්ඩ.
ඔය සීන් ඔහොම යද්දි ලකාට කෙල්ලෙක් සෙට් උනා.අපෙ වයසම.දවසක් ඒ කෙල්ලගෙ යාලුවෙක් ගෙදර එන්ඩ කියල සෙට් එකත් එක්ක එහෙ යන්ඩ පිටත් උනා.ලකයි කෙල්ලයි tvs එකේ ඉස්සරහින්ම යනව අපි හතර දෙනෙක් බයික් දෙකක පිටිපස්සෙන් යනව.ඒ පාර වැඩිය හයියෙන් යන්ඩ පුලුවන් පාරක් නෙමෙයි.අපිත් වටපිට බලබල කයියකුත් ගහගෙන ආතල් එකේ හිමීට ගියෙ.කිව්වට විස්වාස කරහන් බල්ලො දෙන්නෙක් ආව පාරෙ දුවගෙන.ඉස්සරහින් ආපු එකා පස්ස බල බල දුවන් ආවෙ.දුවන් ඇවිත් අරූගෙ බයික් එකේ වැදුන දඩස් ගාල.ලකයි කෙල්ලයි ගෙම්බ පොලේ ගැහුව වගේ පාර මැද.විලි ලැජ්ජාවෙ බෑ තීවිල් පාක් එකක් ඉස්සරහමයි වැටුනෙ.
ඔය සීන් වලින් පස්සෙ අපි කොහෙගියත් ඕකත් එක්ක බයික් එකේ ගියෙ පරාන බයෙන්.ආයෙ යාලුවෙක්ව දාගෙන රුවන්වැල්ල ටව්න් එක මැදදිම කැබ් එකක පිටිපස්සෙනුත් ඇනල තිබ්බා. ඔයින් මෙයින් පොර බයික් එක විකුනල දාල වෙන බයික් එකක් ගත්ත.ඉට පස්සෙත් අර පරන සීන් හන්ද අපි ඌත් එක්ක ගියෙ සෑහෙන්න කල්පනාවෙන්.ඒත් අලුත් බයික් එක ගත්තට පස්සෙ ඌ එකපාරක්වත් වැටුනෙ නෑ.පරන tvs බයික් එකේ තමයි අපලෙ තිබිල තියෙන්නෙ.හැබැයි පුතෝ ඌ බයික් එක විකුනන්නැතුව තියන් හිටියනන් මෙලහට ඌ මැරිල වලලපු තැන් වල රූස්ස ගස් තියෙන්නෙ….
උපුටා ගැනීම: Nipun S Wijesooriya