රෑට කන්න ඉඳගත්තා,
සිත්‍ යාය මල් පිපේ කියලා ඇහුණා,
බැලින්නම් දෙවෙනි ඉනිම යනවා,
මමත් පෙති පාං පෙත්ත දෙකට කඩලා ඒ කෑල්ල පරිප්පුවල ඔබලා චිකන් කෑල්ලක් එක්ක කන ගමන් බැලුවා මේ කතාව,
මට පහත ගැටලු ටික පැණ නැඟුනා,
කතාව පටන් ගද්දීම ආනන්දයාගේ නංගි කයිය ගහ ගහ ඉන්නවානේ,
ඒකේ හොද්දනම් ඉදිලා තියෙන්නේ කමුද කියලා ආනන්දගේ නංගි නෑනාගෙන් ඇහුවට මට ආව ප්‍රශ්ණේ මේකයි,
එයාලා කයිය ගහ ගහ හිටියා විතරනේ හොද්ද හැඳිගෑවේත් නෑ,
හරි හොද්ද හැදුනාම කියමුකෝ,
එහෙම හැදුණත් බත් මුට්ටියක්වත් තිබුණ නැති හින්දා හොද්ද විතරක් කන්න ප්ලෑන්ක් කලාද?
බත් තිබුණත් තනි මාලුවක් එක්ක?
එහෙම නැත්නම් හොද්ද කන්න පාං ගෙඩියක්වත් තිබුණාද?
ආනන්දගේ නංගිගේ කුස්සියේ තිබ්බ පළතුරු ජූස් බාර් එකේ ඉතුරුවුණ ඒවද එහෙම නැත්නම් ගෙඩියක් රුපියල් 30 ගානේ පේමන්ට් එකේ තියන
ප්ලාස්ටික් පළතුරුද?
පුත්තලම් බූරුවෝ හත් අට දෙනෙක්ගේ වයස තියන අවන්ත ඔය කියන විදිහට පිස්සු කෙලින්නේ පාසල් කාලයේ නරක මිතුරු ඇසුරට වැටුණ හින්දද අධ්‍යාපන ක්‍රමයේ වැරැද්දක් හින්ද්ද?
උමාරියාටයි පුබුදුලාගේ ෆැමිලි එකටයි නෙස්ටමෝල්ට්ම තමයිද එහෙම නැත්නම් මයිලෝ එහෙමත් බොනවද?
අවන්ත ඔච්චර ගිනි මද්දහනේ සැටියේ බුදියන්නේ සල්ලි ප්‍රශ්ණේ හින්දා රෑ කුණුවෙන්න ගහලා නිදාගත්ත පාරද නැත්නම් කාමරේට යන්න කම්මැලිකමටද?
ලිහිණි බෝඩිමට එනකොට සෙරෙප්පු ගලවන්නේ නැතුව එන්නේ කම්මැලිකමටද කකුලේ කුණු ගෑවෙයි කියලද?
ලිහිණීයි සහේලියි ඉන්න ෆිට් එකේ විදිහට ගෙදරට ආපු ලිහිණිට වතුර එකක් ගේන්න කීවාම වෙන එකියක් නම් යයිද උඹ ගිහින් ගනින්කෝ අතපය කැඩිලද කියලා අහයිද නැත්නම් රුං ගාලා වතුර ගේන්ඩ යයිද?
කාර් එකේ යද්දී අනුහස් කිව්ව විදිහට දෙයියෝ විතරද එයාලාගේ පිහිටට ඉන්නේ එහෙම නැත්නම් අනුහස් එහෙමත් ඉන්නවද?
වන්තගේ මාමා ජැක්සන් ඇන්තනීගේ නෑයොද ජැක්සන් පොරගේ නෑයෝද?
මවුන්ටන් ඩ්‍රිව් බීලා පරක්කු වෙලා ආපු සිසුවාට
“හිටපු තැනටම”
පරක්කු වෙලා ආවා කියලා දැකලද එහෙම නැත්නම් ක්ලාස් කට්කරලා පනින්න හදනවා කියලා ලෙචාට තේරිලාද?
දෙවනි ඉනිමේ ගෙවල් වල ඇතුල ඔච්චර එලිය ගාන එමල්ශන් එක කොලිටිද එහෙම නැත්නම් දවල්ටත් එයාලා ලයිට් දානවද?
*නම් ගම් ටික බැනුම් අහගෙන වයිෆ්ගෙන් අහගත්තේ
උපුටා ගැනීම: -Tharu Rajapaksha-