පිටරටින් හරක් ගෙන්වයි
මෙරට දියර කිරි නිෂ්පාදනය ඉහළ දැමීම සදහා කිරි ගවයින් 4200ක් ආනයනය කිරීමට තීරණය කර තිබේ.
කෘෂිකර්ම අමාත්‍ය මහින්දානන්ද අලුත්ගමගේ මහතා පැවසුවේ පෞද්ගලික සමාගම් පහකට ඒ සදහා අවසර ලබාදුන් බවයි.
එම සමාගම් සදහා කිරි ගව පට්ටි පවත්වාගෙන යෑමට මුඩු බිම් අක්කර 2771ක් ලබාදීමට කැබිනට් අනුමැතිව හිමිවූ බව අමාත්‍යවරයා පැවසීය.
ජනතා වතු සංවර්ධන මණ්ඩලයට සහ පශු සම්පත් සංවර්ධන මණ්ඩලයට මුඩු බිම් ලබාදීමට බලාපොරොත්තු වන බව මහින්දානන්ද අලුත්ගමගේ අමාත්‍යවරයා සදහන් කරයි.
මෙම ව්‍යාපෘතිය සදහා අදාළ සමාගම් රුපියල මිලියන 8275ක් ආයෝජනය කිරීමට නියමිතයි.
මේ සදහා රජය කිසිදු මුදලක් ආයෝජනය නොකරන බවද අමාත්‍යවරයා වැඩිදුරටත් පැවසීය.
උපුටා ගැනීම: අරුණ