සභාවෙන් අවසරයි 1988 භීශනයේ අතුරු කතාවක් කියන්නයි අද හාහාපුරා කියා මෙතනට පැමිනියේ. මමපාසල් ගියේ ගමෙන් පිට.බස් එකේ තමයි ගමන .ඒ නිසා මට පාසලේ යාලුවො වගේම ගමෙත් යාලුවෝ සෙට් එකක් උන්නා.ඒ අය ගොඩක් සෙට් උනේ ගමේ තිබුන ක්‍රීඩා සමාජය හරහා.හවසට එකතුවෙලා ක්‍රිකට් ගහන්න වොලිබෝල් ගහන්න වගේම දුර දුවන්න පුරුදුවෙන්න පාරෙ දුවන්නත් පුරුදුවෙලා උන්නා. ක්‍රීඩාපිටිය ඉස්සරම අපේ යාලුවෙක්ගෙ පොඩි රෙදිකඩයක් තිබුනා .ඒ ගොඩනැගිල්ලෙ ඕනතරම් ඉඩතිබුන .මොකද ඒක කාමර තුනක් කුස්සියක් තිබුන ගෙයක් නිසා.සාලේ තමයි රෙදිකඩේ. අයිතිකරු උන අපේ මිත්‍රයා අති දක්ෂ ක්‍රීඩකයෙක් .ඕනම ක්‍රීඩාවකට .දුර දුවන්න ලඟ දුවන්න වගේම එල්ලෙ ගහන්න වොලිබෝල් ගහන්න ඕන එකකට රෙඩි.
නහේට අහන්නෙ නැති ගතියත් එහෙමමයි. ඕන් අපි හැම අවුරුද්දෙම අවුරුදු උත්සවයක් කරනවා මහ ඉහලින් .අසූඅට අවුරුදෙත් ලෑස්ති උනා අවුරුදු උත්සවේ කරන්න .ඕන් අන්තිමට සංගීත සංදර්ශනයක් පවත්වන්නත් ලෑස්තියි. අවුරුදු උත්සවේ පැවත්තන්න ලේස්ති වෙන අතරෙම ගමේ කන්ඩායම් අතරෙ වලියකුත් වාර්ශිකව පවතිනවා.අපේ සෙට් එකේ එච්චර වයස උන් නෑ.හිටියේ වයසම උන් ඊයෙ පෙරේදා හමුදාවට පොලීසියට ගිය කිහිපදෙනෙක් .අනික් සෙට් එකේ නම ගිය චන්ඩි ගොඩක් ඉන්නෙ .වයසින් මුහුකුරාල ගිය උන් මොලේ මුහුකුරා නොගියට.ඒඅතරෙ අපේ සෙට් එකත් කියනව සංගීතේ වෙලාවෙදි අරුන් මොනාහරි කරනව සෙට් වෙමු කියල . ඒගැන ඒතරම් නොහිතුවත් සුලුවෙන් තකන්නෙ නෑ .
අවුරුදු උත්සවේ තිබුන කියමුකෝ. ඕන් මගේ පාසල් මිත්‍රයො එනවා .ලෙමන් ඩ්‍රයි ජින් බෝතල් දෙකකුත් අරන් අවුරුදු උත්සවේ බලන්න . අව්ලක් නෑ මාත් එතකොටත් ස්කෝලේ යනවා .ඒලෙවල් කරන්නත් තව අවුරුද්දක් තියෙනවා. අවුරුදු උත්සවේ ලස්සනට යනවා .අපි හිමිහිට සලුවෙනවා.ඕන් යන්තම් රෑ හත විතර වෙනකොට අවුරුදු උත්සවේ ඉවරයි .කියන්න සන්තෝෂයි මාත් හතරෙන් තුනක් ඉවරයි . සංගීතෙ පටන්ගත්තේ රෑ දහයට වගේ . සංගීතේ යනවා ගමේ යාලුවො එනවා බෝතල් අරගෙන .ඕන් අඩුපාඩු දැම්මා .මං දැන් ඉවරයි .මොනවද බිව්වේ පාර පේන්නෑ සයිස් එකේ ඉන්නෙ . ගමේ අපට වඩා වැඩිහිටි යාලුවෙක් හම්බ වෙනව ඒවෙලාවෙ . කතාකරාමොනව හරි බොමු කියලා .දැන් ඉතින් බොන්න ඕන බහින දෙයක් .ඒනිසා .මන්කියනවා අපි ස්මැක් ලයිම් එකක් බොමු කියල .පිට්ටනියෙන් ටිකක් ඈතින් තියෙන කඩේට ගිහින් ස්මැක් දෙකක් බිල එන ටිකට වෙන්න තියෙන ඔක්කොම වෙලා.අපේ උන් ටික ස්ටේජ් එක ඉස්සරහ බිම වාඩිවෙලා සංගීතෙ බලන් ඉන්න අතරෙ අරකිව්ව නසරානි සෙට් එක ඇවිත් වාඩිවෙලා සංගීතේ බලපු උන්ගේ කරට කකුල් තියලා .ස්ටෙජ් එක ලඟට යන්න හදලා. වැඩේ පත්තුවෙලා වලිය ලොකුවට ගිහින් .අපේ එකෙක් හංඟන් උන්න දැලිපිහියකින් වනලා ලොකුම චන්ඩින්ට. දෙන්නෙක් හොදටම කැපිලා .එක්කෙනෙක් ඉස්පිරිතාලෙ ගෙනිහිල්ලා .අනිකා හොයාගන්න .නෑ.අනික හමුවෙලා තියෙන්නෙ ඊලඟ දවසේ කෝපි මන්ඩියක වැටිලා ඉදලා .මැරිලා නැත්තෙ පූරුවෙ පිනකට හරි තව විඳවන්න තියෙන පවකට හරි .
ඕන් ඔහොම සන්ගීතේ ඉවර උනා. දැන් දේශසීමා ප්‍රශ්න .අපට ඒපැත්තට යන්න බෑ . ඒ අයට මේ පැත්තට එන්න බෑ.
ඔය අතරෙ ඔය සෙට් එකේම ඉන්නව ජේවිපී එකේ ඝාතන කන්ඩායමේ කෙනෙකුත් . ඕන් දවසක් මනුස්සය ඇවිල්ල සාමදානෙට කතා කරලා.යනවා. ඊට පස්සෙ ප්‍රශ්නෙ නිවිල වගේ යනවා .අපේ පාසලේ වාර්ශික ක්‍රිකට් තරගෙ මාර්තු මාසෙ තියන්න තිබුනත් රටේ තිබුන තත්වය නිසා කල් ගිහිල්ල අප්‍රේල් මාසෙ අගට වැටෙනවා. මතක විදිහට විසි අට විසිනමය දවස් දෙක .ඕන් ආයෙත් කියලා බිට්මැච් නේ .සුරාව අපි හොයාගෙන ඇවිත් බීපන් යකෝ බීපන් කියනවා කෑගනවා ගිනිඅව්වේ පාරේ ඇවිදිනවා . බිට් මැච් එක ඉවරයි . ඊල්ඟ දවසෙ උදේ නැගිටිනකොට සහලෝලා උන .කොහොමද බීම .සෝක් නේ කියල හිතහිත හවස්වෙනකන් ඉන්නවා දොස්තරගෙන් බෙහෙත් ගන්න .ඕන් දොස්තරගෙන් බෙහෙතුත් අරගෙන අපේ සුපුරුදු තැනට ගිහින් චාරිතානුකූලව ගෝල්ඩ්ලීෆ් එකකකුත් ඇදලා ඉන්න හැදුවේ .මොනව කරත් ඉන්න බෑ.යාලුවෙකුට කියල ගෙදරට ගිහින් දම්ම ගන්නවා. ගියා කාමරේ දොරවහන් මං නිදි .ඊලඟ දවසෙ උදේ පාන්දරම යාලුවෙක් එනවා .බං ………වෙඩිතියල මරලා කියනවා .ඒත් මන් පිලිගත්තෙ නෑ. යමන් බලන්න කියල පාරට එනවා .වැඩේ ඇත්ත .හිතාගන්නට බෑ .ජේවීපී එකෙන් ගෙදරින් එලියට ගෙනෙත් වෙඩි තියලා .අති දක්ෂ ක්‍රීඩකයෙක් උන අපේ මිතුරට . එදා හවස මම ගෙදර ඇවිල්ල ටිකකින් ඔහුත් ගෙදර ගිහින් තිබුනා.රෑ හතට විතර වෙඩිතියල තියෙන්නේ .පෝස්ටරයක් දාලාගිහින් දනින් ඉහල උස්සනැතුව මරනෙ අවසන් කටයුතු කරන්න කියලා .
අපි කතාකරා යාලුවො ටික .ඔක්කොම මැරුවත් පිට්ටනියේ තමයි අවසන් කටයුතු කරන්නෙ ආදාහනය කරනව කියලත් . ඕන් ටික වෙලාවකදී මල්ශාලාවෙන් පෙට්ටියක දාලා සුදු ශර්ට් එකයි කලු කලිසමයි අන්ඳවලා යාලුවගේ සිරුර ගෙනාවා.
ලතෝනි ගොඩයි .ඇඳුම අසම්පූර්ණයි.කලු ටයි එකක් නැතිව.
අපිත් එක්ක නිතරම මුහුවෙලා කොල්ලෙක් වගේ වැඩ කරන සිව්දරු මාම කෙනෙක් උන්නා .එයා ගැන වෙනම පොතක් ලියන්න පුලුවන්. එයාකිව්ව මං ගේන්නම් ටයි එකක් කියලා.
හැමදාම උදේ බස් එකේ උසාවියට යන ලෝයර් මහත්තයෙක් උන්නා ටිකයිබොන්නෙ ගෙදර එන්නෙ කොහොමද කියල කවදාවත් දන්නෙ නෑ.ඒනිසා ඒතරම් සරුසාරත් නෑ.එයා ඉන්න ගෙදරට බස් එක දුර එනව පේනවා.ඉස්සරහ පුටුවෙ වාඩිවෙලා බලන් ඉඳල බස් එක එනව දැක්කහම තමයි පාරට එන්නෙ.
අපේ අර මාමගේ හොඳ යාලුව ලෝයර් .ලෝයර් පුටුවෙ වාඩිවෙලා බස් එක එනකම් බලන් ඉන්නවා . මාම ගියා ගෙදරට .අය්යෙ හොඳ කලු ටයි එකක් දෙන්න ටක් ගාලා.මට ඉන්ටව් එකක් ඇවිත් .ස්ටුඩියෝ එකට ගිහින් ෆොටෝ එකක් ගහල ටක් ගාල ගේන්නම් කියලා .ලෝයර් ගියා ගෙට බැලුවා හොඳ කලු ටයි එකක් හොයන්න.හරි ගියේ නෑ.ගේ හරියෙම කලු ටයි එකක් නෑ දාගෙන එක විතරමයි . යාලුවට ඉන්ටව් නිසා බෑ කියල බෑනේ .ගැලෙව්ව ටයි එක .ටක්ගාලා වැඩේ කරන් අරන් වරෙන් මට පරක්කු වෙනවා කියල දෙනව ටයි එක මාමට . හැරෙන තැපෑලෙන් මාමා මලගෙදර .ටයි එක පලඳවනවා.අපේ මිතුරගේ නිසල දේහයට.
ඉතින් ඊට එහාට කියල වැඩක් නෑනේ.ලෝයර් පුටුව උඩ තාම බලන් ඉන්නවාද .නෑ එයත් පස්සෙ මලා බීලම
උපුටා ගැනීම: Indrajith Saman