හිටපු බොක්සිං හෙවිවේට් ලෝක ශූරයෙකු වන ලියොන් ස්පිංක්ස් අද එයාගේ ජීවන රඟ මඬලෙන් බැහැලා ගියා. මිය යන විට එයාගේ වයස අවුරුදු 67 ක්.
අවුරුදු පහක් තිස්සේ පුරස්ථි පිළිකාවකින් පීඩා විඳපු ඇමෙරිකානු ජාතික ලියොන් ව ලෝක ප්‍රසිද්ධියට පත්වුණේ එදා මෙදා තුර බොක්සිං වළල්ල තුළ බිහිවූ විශිෂ්ඨතම ක්‍රීඩකයා විදිහට සැළකෙන මොහොමඩ් අලි ව පරාද කළාට පස්සේ. එහෙත් විශිෂ්ඨයෙක්ව පරාජයට පත්කරපු ලියොන් ට පිළිකා මාරයාව පරාජයට පත් කරන්න බැරිව යනවා.
බොක්සිං ක්‍රීඩා ලෝලීන් අතර “නියොන් ලියොන්” යන සුරතල් නාමයෙන් හැඳින්වුණු ලියොන් 1977 ඉඳලා 1995 වෙනකම් වෘත්තීය බොක්සිං ක්‍රීඩකයෙකු විදිහට කටයුතු කළත්, මොහොමඩ් අලි ව පරාද කරලා තරුවක් බවට පත්වෙන්නේ එයාගේ 7 වැනි සටනේදි.
ලියොන් 1978 වසරෙදි බොක්සිං ලෝකයේ “විශිෂ්ඨයා” වන මොහොමඩ් අලි ව පරාජයට පත්කරමින් හෙවිවේට ලෝක ශූරයා වෙන්නේ 3-1 ක් ලෙසින් බෙදුණු තීන්දුවක් ලබාගෙන. ඒත් ඒක ජයග්‍රහණය සැළකෙන්නේ එදා මෙදා තුර බොක්සිං ලෝකයේ සිද්ධ වෙච්ච විශාලතම අත්වැරැද්ද විදිහට.
වෘත්තිය බොක්සිං ක්‍රීඩකයෙක් වෙන්න කලින් ලියොන් 1973 ඉඳලා 1976 වෙනකම් ඇමෙරිකානු මැරීන් භටයෙක් විදිහට සේවය කරලත් තියෙනවා. ඊට පස්සේ බොක්සිං වළල්ලට එන ලියොන් 1976 අවුරුද්දේ මොන්ටි්‍රයල්වල තිබ්බ ගිම්හාන ඔලිම්පික් උළෙලේදී බොක්සිං රන් පදක්කමකුත් දිනා ගන්නවා.
මොහොමඩ් අලි ව පරාජයට පත්කරලා හරියටම මාස 7 කට පස්සේ ලියොන් ආපහු සැරයක් මොහොමඩ් අලි එක්ක සටන් කරනවා. ඒ තරගයේදී මොහොමඩ් අලි ට පරාද වෙන නිසා එයාගේ ලෝක ශූරතාවය අහිමි වෙනවා.
ලියොන් බොක්සිං ක්‍රීඩාවෙන් සමු ගන්න කොට එයාගේ නම ඉදිරියෙන් ජයග්‍රහණ 26 ක්, පරාජයන් 17 ක් සහ ජයපැරදුමෙන් තොර තරග 3 ක් ලියැවෙනවා.
ඉතින් නියොන් ලියොන්…. ඔබට සුබ ගමන්…