ලොකු අක්කා.. (වැල් වටාරම්)

යාය අට

රඹා වැව

දයාබර ලොකු අක්කේ,

ඉතින් අක්කේ උඹ හොදින් ඇතැයි හිතනවා. ඊයේ රෑ ජාමේ දෙතුන් විඩක්ම අම්මා උබව මතක් වෙලා ඇඩුවා. මේ දවස් ටිකේම උඹව හීනෙන් දැක්කා ලු.කරදර යක් ද කියලා උන්දෑ විස්සෝප වෙනව.

අප්පච්ච්ගේ කොන්ද අමාරු ව ඩින්ග ක් හරි අඩු උනේ උබට පින් සිද්ද වෙන්ඩයි කියලා උන්දෑ නිතරම කියෝනව.පෙරේදා උබ එවපු මනි ඕඩරේ තැපැල් කන්තෝරු වෙන් මාරු කරන් එන්ඩ ගියා අම්ම එක්ක .

උබ මහ සල්ලි ගොඩක් එවලනෙ.

තැපැල් මහත්තයා ත් මොන මොනවාද අමුතු කතා වගයක් කියලා හිනා උනා.අම්ම ට නම් ඇඩුනද මන්දා

“

“ඈ කමලාවතියෙ, ඇත්තද උබලයෙ ලොකු එකී මොනර කොල ගොඩක් හොයන රස්සාව ක් කරනව කියන්නෙ.ඔය කොලබ ලොකු රස්සාව ක් කියලා නේද කියන්නෙ.”

කියලා හිනා උනා.

ඉතින් අපි ඉක්මනින් එතනින් ආව.

උඹ එවපු සල්ලි වලින් තමයි මන් අර ගනන් පන්ති යට ගාස්තු ගෙව්වෙ.

එක වසර ට භාර දුන්න චුට්ටිව ගිය සතියේ .

සුමනා ටීච උඹව මතක් කලා

“සුජාතා හරි උත්සාහ වන්ත කෙල්ල. දෙන්න ටම උගන්වාවි” කියලා අම්ම එක්ක කියලා .

අනේ ලොකු අක්කේ ඒත් උබ ට නොකියා ත් බෑ. උඹ ගැන මහ අමුතු කතා වගයක් එදා රන්ජි මාමා බීගෙන ඇවිත් කඩුල්ල ලග හිටගෙන කියලා , හූ කියලා ත් ගියේ.

උන්දා කොලබ ගිය දාක උඹව මහ රෑ කාගෙද කාර් එකක නැගල යනව දැක්කා ලු.”තුක් නොදකින් ” කියලත් බිමට කාරල කෙලත් ගහලයි ගියේ.

මට නම් තේරෙන්නේ නෑ අක්කේ ඒ මොකටද කෙල ගැහුවෙ කියලා .

එදා අපේ ගෙදර ඉව්වෙත් නෑ.අම්ම හරියට ඇඩුවා .අප්පච්ච්ත් ඔහේ බලන් උන්නා.

අක්කේ උඹ වැඩ කරන වැඩ පොල හොදයි නේද ?උබට කරදර ය්ක් නැහැ නේද ?

දැන් ඉස්සර වගේ සේතුං ග අය්ය උඹ ගැන අහන්නෙ නෑ.

අක්කෙ උඹ ගොඩක් දහිරිය වන්තයි .

මට තේරෙන හැටියට මන් කියන්නෙ උඹට රස්සාව අමාරුයි නම් ආපහු වරෙන්.අපි ඉස්සර වගේ ඉරුගු හරි විකුනමු.

පුළුවන් වෙලාවක අපිට ලියුම ක් එවහන්.

උඹට අය්යනායක දෙවි පිහිට යි

මේ ලොකු මල්ලි

අරුනසිරි

සිය ගත සිත මෙන්ම අනාගත ය ද පවුලේ උන් වෙනුවෙන් කැප කරන ,අසම්මත යේ උවද ,සම්මත යේ උවද කැප කරන “රජුන්.රැජිනියන්” තනන පවුලේ වැඩිමල් සොයුරිය න් වෙනුවෙනි.

සම්මත වුවද අසම්මත වුවද තමන්ගේ පවුලේ කුඩා සොයුරිය න් සොයුර න් වෙනුවෙන් අසීමිත කැප කිරීම් කරන වැඩිමල් සොයුරිය න් යනු දෙවනි අම්මෙකි.

මේ මගේ කතාව නොවුනත් යමෙකුගේ කතාවක් විය හැකි ය.

ස්තුතියි

පින්තූර ය අන්තර් ජාලයෙනි.