කියනවකෝ…………… මොකක්ද ඇත්තටම උනේ කියනවකෝ ……
මොනාද බබා ඕවායේ ඔය හැටි හංගන්න තියෙන්නේ “?
පවුල දැන් පැයක විතර ඉදලා මගෙන් අහනවා කාන්තාවෝ එක්ක පරණ සම්බන්ධ කැඩිල ගියපු හේතු ,
ඔව් ඔව් බූට් කාපු සීන් එක තමයි අහන්නේ
ඕක දැන් නොකියා හිටියත් ප්‍රශ්නයක්නේ කියලා කියලා දැම්මා ,
ඒ දවස් වල අපේ එකෙක්ට තැපැල් කන්තෝරුවේ ජොබ් එකක් හම්බුනා හම්බුනාට ස්ථීර නෑ මාස තුනක් විතර එක දිගට ඇද්දාම තමයි ස්ථීර කරන්නේ ඉතින් මාසයක් විතර එක දිගට රස්සාව කරන් යද්දී මූට දවසක් දෙයියන්ගේ ලෙඩ හැදිලා වැඩට යන්න විදිහක් නෑ ,
මොනා උනත් ජොබ් එක අපරාදෙනේ කියලා අපේ සෙට් එක එකතු වෙලා උදව් කරණ විදිහ ගැන කල්පනා කරා ,
උගේ ෆේස් කට් එකට යාන්තමට ගැලපිල්ලකට තිබ්බේ මගේ මූණ නිසා සේප් එකේ උගේ කිට් එක ඇදලා සතියක් විතර ලියුම් බෙදන වැඩේ මට කරන්ඩ උනා මිතුරු කමට අපරාදේ කියන්ඩ බෑ කාටවත් මාට්ටු නොවී වැඩේ කරගන්ඩ පුලුවන් උනා ,
පොරට තිබුණේ පණ්ඩුලගම ලයින් එක ,
දවස් දෙක යද්දී ඔය ලයින් එකේ විසිපහේ කෙල්ලෙක් සෙට් උනා ,
තුන්වෙනි දවස යනකොට අම්මා , අප්පා , ආච්චී කෙල්ල ආයෙත් අහලා ගෙදරට කතා කරලා පෙට්ටි හකුරු එක්ක තේ එකකුත් දීලා එව්වේ ,
දවස් පහ යනකොට නොකියා බෑණා කියන තැන තමයි මට ලැබුනේ
දැන් දැන් යාලුවටත් සුව වේගෙන එන්නේ මාත් මොකුත් නොකියා උගේ පහනෙන් එලිය බලලා ලයින් කරන්න හිතාන
හවස් වරුවේ ලියුම් බෙදලා ඉවර වෙලා කෙල්ලගේ ගෙදරට ගියා .
පෙර කල් බලලා බොලේ බැස්සුවේ ඒ වෙනකොට පොලිසියට පැණීමේ උණක් මා හට දරුණුවටම තිබූ නිසාවෙනි,
අංකල් , ආන්ටි ඔයාලට කියන්න තව දවස් කිහිපයයි මම මේ රස්සාවේ ඉන්නේ
මගේ පොලිස් යන වැඩේ මේ මාසේ අග වෙනකොට හරියයි.
මම කෝකටත් මිත්‍රයාට පණ්ඩුලගම ලයින් එක ගැන කිව්වා වැඩේ මාට්ටු වෙයි කියලා ,
බොක්කේ යාලුවෝ නිසා කිසි අවුලක් වෙන්නේ නෑ කියන්ඩ හිත දන්නවා
එදායින් පසු මිත්‍රයාටත් සනීප නිසා මම වැඩෙන් අයින් උනා , කාටවත් සැකයක් ඇති වෙලා තිබුණේ නැති නිසා ගැටලුවක් උනේ නෑ ,
ඊට දවස් කිහිපයකට පසු උන්දැගේ ලොකු අප්පච්චියෙක් ඇවිල්ලා කියලා රෑ කෑමකට මටත් එන්න කිව්වා . මාත් ගිහින් කාලා ගෙදර ආවා.
පහුවදා උදේම දුවත් එක්ක
වෙන්ඩ නැන්දම්මයි , මාමණ්ඩියි , ගෙදරට ආපි,
ඇවිල්ලා …
පුතේ මේ සම්බන්දේ මෙතනින් නවත්තන්න අපේ පවුලට ඔය පුතා ගැලපෙන්නේ නෑ පව් නොදී ඉන්න කියලා ගියපි,
මම ඉතින් ඔය විස්තරේ මගේ තැපැල් යාලුවා එක්ක පැවසුවා
සිරාවට ?.
උබට පණ ඇරලා ඉන්නේ කිව්වට ,
මොකෑ උනේ උබ අන්තිමට අර කවුද ලොකුඅප්පච්චියෙක් ආවා එයාලා එක්ක කෑම කන්ඩ එන්ඩ කියලා නේද ගියේ “?
ඔව් බන් මම ගිහින් කෑම කාලා ආපු එක විතරයි කරේ “
උබ එදා මොකුත් පාවිච්චි කරලද හිටියේ “?
පාවිච්චි කියන්නෙ අසේල මල්ලි කෑම් එකේ ඉදලා ඇවිල්ලා හිටපු නිසා පොඩි අඩියක් ගහලා හිටියේ “
ආ එකනේ …..එකනේ ……..
එහෙනම් ඉතින් උබ කන මතයා වගේ ගිහින් ඒකිගේ අර ආවයි කියපු එකාගේ ජාතිය අමතන්ඩ ඇති,
විකාරද බන් එහෙම වෙයි කියන සැකේට මම කටක් ඇරියේ නෑ අන්තිමට ගෙදර අම්මා තනියම කියලා සේප් වෙලා ආවා “
හරි හරි ගියදේ ගියා කියලා මමත් ආපහු වෙනතක් බලාගගෙන ඉන්නකොට පහුවදා හවස ආපහු මට මුණගැසුනේ තැපැල් යාලුවා ,
ඈ බොල තෝ මට එදා වෙච්ච විස්තරේ හරියට කිව්වද “?
එක පාරම මේකා මගේ ඇගට කඩා පැනපි ,
ඇයි බන් උබට මම කිව්වේ සේප් එකේ ගියා කෑවා මාරු වෙලා ආවා “
අනේ නිකම් පලයම් මම හෙමිහිට අද ඒ අංකල් කාරයට බෝලේ බස්සලා අහගත්තා ,
අහගත්තා ඇයි මම කාට හරි බැන්නා කිව්වද “?
යකෝ බැන්නා නම් කමක් තෝ වගේ බත් කනහරකෙක් “
බනින්නේ නැතුව හේතුව කියාපන්කෝ ඉතින්
හරි එදා උබ ඒ ගෙදරට ගියානේ “?
ඔව් ගියා , යනකොටත් කෑම මේසෙට ඇරලා තිබුණු නිසා මමත් එහෙම්මම වාඩි වෙලා කන්න ගත්තා ,
එතකොට උබ අර මුරුංගා හොද්දේ රහ කිව්වේ කොයි වෙලාවෙද “?
අම්ම ද බොලේ මට උබට ඒක කියන්ඩ අමතක උනා කියපන්කෝ ,
මම ඉතින් මස් මාළු වලට වැඩිය ප්‍රියක් නෑනේ ,
උබට කියන්ඩ මුරුංගා හොද්දක් හදලා තිබුණා අයේ මචං දිව්‍යලෝකේ ලෝදිය වගේ රහ , මම ඉතින් කාලා වෙන්ඩ නැන්දම්මගේ අත් ගුණේට පින් දීලා ආවේ “
බොල හරකෝ උබ සතුටු වෙයන් ඒ මිනිස්සු උබට ගහලා පැන්නුවේ නැති එකට “
ඇයි …ඇයි ….ඇයි උබ එහෙම කියන්නේ “?
බත්කන හරකෝ එදා ඒ මිනිස්සු මුරුංගා හොද්දක් හදපු කෙහෙල් මලක් නෑ තෝ අලත් එක්ක අල හොදි දාගෙන අල කෑලි සූප්පු කරලා පිගානේ අයිනෙන් තියලා මුරුංගා හොද්දක ගුණ කියනකොට ඒ මිනිස්සු දැනගෙන තෝ කවුද කියන්ඩ “
එතෙක් කතාව අසා සිටි බිරිඳ පුදුමට පත්ව
නෑ සිරාවට…….”? “? “?
අම්මෝ බබා ඔයත්”…………
උපුටා ගැනීම: Ajith Kumara Kbva