කායික මෙන්ම මානසික සුවතාවය පුද්ගලයාගේ පැවැත්මට ඉතා වැදගත් වේ. කාර්යබහුල එදිනෙදා ජීවිතයේ අප කටයුතු කරන්නේ දැඩි පීඩනයක් ද සමඟයි. ඉන් අපේ කයත් මනසත් බොහෝ වෙහෙසට පත්වේ.විඩාබර කයටත් මනසටත් සහනය සලසන අපූරු ගුණ ඇති ඔසු පැළෑටි වර්ග ආයුවේදයේ සඳහන් වේ. එහි දැක්වෙන පරිදි එහි එන ඇතැම් ඖෂධ පැළෑටි පුද්ගලයාගේ නීරෝගිකම සඳහා සොබාදහමෙන් ලැබුණු ආශිර්වාදයක් හා සමාන බවයි.අද අප ඔබට තොරතුරු කීමට සූදානම් වන්නේ එවැනි අපූරු ඖෂධ වර්ග 3 ක් පිළිබඳවයි. මේවායේ විශේෂත්වය නම් ඉහත සඳහන් පරිදි ඔබේ ගතත් සිතත් සුවපත් කරවිමට හැකි අපූරු ගුණා හා සෞඛ්‍ය ප්‍රතිලාභ ඒවා සතුවීමයි.සිරුරේ වේදනා අපහසුතා සුවපත් කරමින් නීරෝගි සෞඛ්‍ය සම්පන්න දිවියකට උපකාර කරයි.
1.සුදු ලූනු
සුදු ලූනු ශරීර සෞඛ්‍යය පවත්වා ගැනීමට සහ රෝග වලට එරෙහිව සටන් කිරීමට සිරුරට ප්‍රතිලාභ දෙන කුළුබඩුවක් මෙන්ම ඔසුවකි. සුදුලූනු බොහෝ රෝග වලට තිත තැබීම සඳහා අපූරු ඖෂධයක් ලෙස භාවිතා කෙරේ. ආයුර්වේදයේදි සහ සාම්ප්‍රදායික වෙදහෙදකම් වලදී ස්වභාවික සුදු ලූනු බිකි විවිධ ඖෂධ සැකසිම් වලදී හා ප්‍රතිකාර ක්‍රම් වලදි භාවිතා කරයි. සුදුළූණු හොඳ මදුරු විකර්ෂකයකි.පහත සඳහන් සෞඛ්‍ය ගැටලු සඳහා ප්‍රතිකාර කිරීමට සුදු ලූනු භාවිතා කෙරේ:
- ධමනි දැඩි වීම (ධමනි සිහින් වීම-atherosclerosis)
- අධි රුධිර පීඩනය (hypertension)
- රුධිරයේ අධික කොලෙස්ටරෝල් මට්ටම
- හෘද රෝග
- දියවැඩියාව
- දුර්වල ප්‍රතිශක්තිකරණ පද්ධතිය
- සීතල හා වසංගත උණ
- හිසරදය
- තෙහෙට්‍ටුව
- මානසික ආතතිය
- කෘෂ උණ (hay fever)
- ඇදුම
- බ්රොන්කයිටිස්
- අර්ශස්
- රක්තවාතය
- වෛරස් හා බැක්ටීරියා නිසා ඇති වන විවිධ ආසාදන
- ඔස්ටියෝ ආතරයිටිස් (osteoarthritis)
- පාචනය
- ආමාශය, මහා බඩවැල, ගුදමාර්ගය, පුරස්ථ ග්‍රන්ථිය, පියයුරු, මුත්‍රාශය මෙන්ම පෙනහළු ආශ්‍රිත විවිධ රෝගාබාධ.
- ඊයම් සහ රසදිය වැනි බැර ලෝහ ශරීරයෙන් ඉවත් කිරීමට.
- මැක්කන් දෂ්ඨ කිරිම් වලට
- සර්ප දෂ්ඨ කිරිම් වලට
- ආමාශය, මහා බඩවැල සහ ගුදමාර්ගය පිළිකා
සුදු ලූනු වල සෞඛ්‍ය ගුණාංග වලින් උපරිම ප්‍රතිලාභ ලබා ගන්නේ කෙසේද? සුදු ලූනු හොඳින් කැබලිවලට පොඩි කර විනාඩි කිහිපයක් තබන්න, එවිට ඇලිසින් සෑදීමට වගකිව යුතු එන්සයිම වලට තම රාජකාරිය ඉටු කළ හැකි අතර පසුව ඇලිසින් තයොසල්ෆිනේට් බවට කොටස්වලට වෙන්වේ . සුදු ලූනු මෘදු ලෙස පිසගැනීම හෝ ආහාර පිසින විට එහි අවසාන අර්ධයේදි සුදුලූනු වෑංජන වලට එක්කරන්න. ඇලිසින්, නැවුම් සුදු ලූනු පෙති කපන විට මුදා හරින සල්ෆර් සංයෝගයකි. සුදු ලූනු වල ඇති පුදුමාකාර ගුණාංග බොහෝමයක් ඇලිසින් වල සමන්විත වේ.
2.මිංචි (මින්ට්)
මිංචි යනු යනු ඕනෑම නිවසක හෝ ගෙවත්තක පහසුවෙන්ම වගාකරගත හැකි පැළෑටි වර්ගයකි ; ඔසුවකි. වෙනම බඳුනක වගා කිරීම කළ හැකියි.මිංචි වල පහත ගුණාංග ඇත:
- ප්‍රාශ්වාසය නැවුම් කරවයි
- හිසරදයෙන් සහනයක් ලබා දේ
- මනස සන්සුන්කරවමින් සාමකාමී තත්වයකට ගෙන එයි
හිතකර ආමාශයික ස්‍රාවය වැඩි කිරීම, බඩවැල් ලිහිල් කිරීම, බඩ පෙරළෙන ගතිය -කැක්කුම සමනය කිරීම සහ බඩේ ගෑස් ගතිය අඩු කිරීම තුළින් ආහාර ජීර්ණයට අදාළ සෞඛ්‍ය ගැටලු වලට පිළියම් යොදයි. මිංචි තේ පානයක් ලෙස සකසා සෑම ආහාර වේලකටම මිනිත්තු තිහකට පමණ පසු පානය කිරීමෙන් අජීර්ණය නැති වේ. මෙය ඉතා ගුණදායි පානයකි.
- අක්මාව විෂබීජහරණය කිරීම
- ශරීරයේ හානිකර විෂ ද්‍රව්‍ය විනාශ කිරීමට උපකාරී වීම
- ඇස් පෙනීම ප්‍රවර්ධනය කිරීම මිංචි තේ පානයෙන් ඔබට ලැබෙන තවත් ප්‍රතිලාභ කිහිපයක් වේ.
3.බැසිල් (තුල්සි/ මදුරුතලා )
ඕනෑම කෙනෙකුගේ ජීව ශක්ති මට්ටම ප්‍රබෝධමත් කළ හැකි මෙම ඔසු පැළෑටිය ඉන්දියාවට සහ ආසියාවේ අනෙකුත් නිවර්තන කලාපීය ප්‍රදේශවලට ආවේණික ය. ඉන්දියාවේ, අතීතයේ සිටම තුල්සි කොළ සර්ප විෂ වැළැක්වීමේ කාරකයක් ලෙස භාවිතා කර ඇත. එහි ඖෂධීය වටිනාකම් සහිත ලුටියොලින් ලෙස හඳුන්වන ජෛව ෆ්ලේවනොයිඩ් අඩංගු වේ.බැසිල් වල විවිධ සෞඛ්‍ය ප්‍රතිලාභ:
- බීටා කැරොටින් සහ අනෙකුත් කැරොටිනොයිඩ් බහුල වීම නිසා හානිකර මුක්තකණ්ඩ වලින් හා කොලෙස්ටරෝල් වලින් සෛල ආරක්ෂා කරයි.
- මැග්නීසියම් වල විශිෂ්ට ප්‍රභවයක් වන බැසිල්, නින්ද ප්‍රවර්ධනය කරයි, ස්නායු පද්ධතිය ලිහිල් කරයි, විශාල, නම්‍යශීලී හා ශක්තිමත් මාංශ පේශි සෑදීමට ශරීරයට හැකි වන අතර, අස්ථි හා දත් ප්‍රබෝධමත් කරයි, මලබද්ධය සමනය කරයි.
- ශරීරය පුරා රුධිර ප්‍රවාහය වැඩිදියුණු කරයි.හෘද වාහිනී සෞඛ්‍ය වැඩිදියුණු කරයි.
- එහි අත්‍යවශ්‍ය තෙල් අඩංගු වන නිසා වියළි සම, කුරුලෑ, සෝරෛයසිස් වැනි සමේ ගැටළු සඳහා බැසිල් හොඳම ප්‍රතිකාරයකි.
- එහි ඇති ප්‍රතිඔක්සිකාරක සහ ෆ්ලේවනොයිඩ් ගුණාංග පිළිකා වර්ග කිහිපයකට එරෙහිව ආරක්ෂාව ලබාදේ.
- විවිධ ක්ෂුද්‍ර ජීවීන් සමඟ සටන් කිරීමෙන් ප්‍රතිශක්තිකරණ පද්ධතිය ශක්තිමත් කරයි.
- බැසිල් තුළ ප්‍රති- ප්‍රති-ප්‍රදාහක ගුණ ඇති නිසා, බඩවැල් රෝග වැනි ප්‍රදාහක රෝග (inflammatory diseases) සමනය කරයි.
- බඩ දැඟලීම, අප්පිරියාව ,බඩේ කැක්කුමට ප්‍රතිකාර කිරීමේ හැකියාව ඇත
- මලබද්ධය සඳහා හොඳ පිළියමකි.
උපුටා ගැනීම: The Lanka Post