නිලන්ති මේ දින වල සිටින්නේ පසුතැවිමෙනි.එයට හේතුව පොඩි පුතා හා ඇය අතර මේ දින වල පවතින විරසකයයි.පොඩි පුතා කල්ප කිසිදිනක අකීකරු දරුවෙක් නොවුනු හෙයින් ඇය අපේක්ෂා කරේ විවාහයේ තිරන පවා එසේ වනු ඇතැයි කියා ය.
සැමියා හෘදයාබාධයකින් මිය යන විට ලොකු පුතා ගිහාන්ට අවුරුදු අටක් ද, පොඩි පුතා කල්පට අවුරුදු පහක් පිරුනා පමනි. එදා සිට අද දක්වා ඔවුන් දෙදෙනා හදා ගැනිමට විදී දුක දන්නේ ඇය ම පමනි. මුලු දවසේ ම මහන මැෂිම සමඟ ඔට්ටු වී කෙසේ හෝ දරුවන් දෙදෙනා උස් මහත් කරගත් අතර, ඔවුන් දෙදෙනා කුඩා කල පටන් ම කීකරු දරුවන් විය.
නිලන්ති විවාහය ගැන දැරුවේ වෙනස් ම මතයකි.ඇය සැමවිට ම විශ්වාස කරේ ප්‍රේම සබඳතා ඇති කරගන්නේ යහපත් ක්‍රියාවක් නොවු තරුනියන් නිසා, යෝජිත විවාහ වලින් දෙමව්පිය අනුදැනුම මත දරුවන් දෙදෙනාට ම ගැලපෙන යුවතියන් හොයාදීම ය.ලොකු පුතා ගිහාන්ට මංගල යෝජනාවක් හරහා විවාහ කර දුන් තරුනිය නම් ඉතා යහපත් තරුනියකි.ලොකු පුතාගේ විවාහ ජිවිතය ද සාර්ථක එකකි.
නිලන්ති සිතාගෙන සිටියේ පොඩි පුතාට ද ගැලපෙන කටයුත්තක් සොයා එය කරදිමයි. නමුත් මිට දින කිහිපයකට පෙර ආරංචි වුයේ පොඩි පුතා කල්ප තරුනියක් සමග බස් රථයේ ගමන් කරනු දුටු බවයි.වෙනදා මෙන් නොව, එන අධික ඇමතුම් ප්‍රමානයෙනුත්, වෙනදාට වඩා ගමන් බිමන් වැඩි විමෙන්ද, කිප විටක් තනි ව සිනාසෙනු දැකිමෙන් ද, නිලන්තිට පොඩි පුතු තරුනියන් සමග පටලැවිල්ලක් සාදාගෙන ඇති අයුරු පෙනිගියාය.
උපාරිස් කපු මහතාට හදිසියේ ම පනිවිඩයක් යවා මනමාලියක් සෙවිම අරඹන ලෙස පැවසුයේ සම්බන්ධය දුර දිග යාමට ප්‍රථමය.ලොකු පුතාට ද කපුකම් කතා කරේ උපාරිස් කපු මහතා නිසා, ගෙන එන යෝජනා ගැන ද,තරුනියන් ගැන ද,බිය විමට කරුනක් නැත.එසේ යෝජනා කරන ලද තරුනියක් බැලිමට පොඩි පුතාට එන ලෙස පැවසුව ද,ඔහු එයට දැඩි සේ විරුද්ධ වී නිලන්ති සමඟ අමනාපයෙන් පසු වෙයි.
නමුත් නිලන්තිගේ දුක්ගැනවිල්ල අසා සිටිමට ම බැරි ම තැන කල්ප තම තිරනය වෙනස් කර මනමාලිය බැලිමට යාමට පමනක් කැමති විය.නමුත් මනමාලිය බලා පැමිනි දිනට පසුදින ම හේතුවක් නොකියාම මනමාලියගේ පාර්ශවයෙන් මනමාලයාට අකමැති බව දන්වා එවා තිබුනි. නිලන්ති උත්සහාය ඇතැරියේ නැත.
උපාරිස් කපු මහතා තවත් මනමාලියකගේ විස්තර රැගෙන ආ අතර, ඊලඟ සතියේ ඉරිදා ද බලහත්කාරයෙන් ම කල්ප ව මනමාලිය බැලිමට එක්කාගෙන ගිය අතර,කලින් මනමාලියටත් වඩා ඇය හැඩකාර ය.බැලු බැල්මට ම වැදගත් තරුනියක්බව ද පෙනුනි.දෙමව්පියන් ද වැදගත් ය. කුල පරම්පරාව ද ගැලපේ.
කෙසේ හෝ මේ මනමාලිය තමාගේ පොඩි ලේලිය කරගන්නවා යැයි නිලන්ති තිරනය කරේ මනමාලියගේ නිවසේ දීමය. මනමාලියගේ නිවසින් ද කල්පට කැමති යැයි එදින හවස ම දන්වා එවා තිබුනි.
* * * * * * * * * *
කල්ප මුල දී එම යෝජනාවට අකමැත්තක් පෙන්නුම් කල ද අම්මාගේ දැඩි පෙරැත්තය මත එම යෝජනාවට එකඟ වී, ඉක්මනින් ම එම තරුනිය සමඟ විවාහ වු අතර මනමාලිය කැන්දාගෙන ආවේ මහ ගෙදරට ය. අලුත් ලේලිය සකුනි වැඩපලට කම්මැලි නැති තරුනියකි.මේ නිවසේ නම් නැන්දම්මා ලේලි ගැටුම් කිසිවිටකත් ඇති නොවුනි. මෙවැනි යහපත් තරුනියක් තම පුතුට සොයා දිම සම්බන්ධයෙන් නිලන්ති සිටියේ දැඩි සොම්නසකිනි.
නමුත් නිලන්ති නොදන්නා කරුනක් ඇත. නරක ලේලීයක් විමට ඉඩ තිබු සකුනි ව,හොඳ ලේලියක් බවට පත් කරේ කල්ප විසින් උපාරිස් කපු මහතා අතේ ගුලි කරන ලඳ පන්දහසේ නෝට්ටුවයි.නැත්නම් පෙම්වතිය වු සකුනි ව විවාහ කරගන්නට මීට වඩා මහන්සි විය යුතු බව කල්ප දැන උන්නේ ය.
උපුටා ගැනීම: -මල්මි හිරුනිකා-