ලොකු හුස්මක් ගත්ත යේදා වපිටට බලලා ඉහල බැලුවා.
එහෙනම් අපි… ඊලගට කරන්න ඕන දේ කරමු… මෙතනින් එලියට ගිහින්… කින්ග්ස්ලැන්ඩ් ලැබ් එක හොයා ගන්න ඕන… වෛරස් එක පැතිරිලා තියෙන විදිහ හොයා ගන්න ඕන… ඉන්න අයව බේර ගන්න ඕන… අනිත් කුයින් හතර දෙනාව… විනාශ කරන්න ඕන…
යේදා අත් දෙක එකතු කරලා මිරිකාගෙන කිව්වේ එයාලට ආදාල මෙහෙයුම නෙමෙ. තුන් දෙනාම හිතන දේ.
ඔක්කොටම කලින්… මේ ඇලෙන එක හොදගෙන ඇදුමක් ඇද ගන්න ඕන…
යේදා අප්‍රියාවෙන් කිව්වේ ඒ සුදු පුන්චි සිහින් නිරුවත් සිරුර පුරා ඇලෙන ගතිය දිහා බලාගෙන. රෝදාට හයියෙන් හිනා ගියේ ඌදාටත් හිනාවක් නැගෙද්දි. ඒත් ඌදාගෙ හිතේ ලොකු දෙයක් දැනුනා.
” සිද් ඉතුරු කරපු හැමදෙම… මන් හොයා ගන්නවාමයි… “
ඌදා හිතා ස්තිරවමයි. රෝදා නහය උඩට අදින ගමන් වටපිට බැලුවේ කලබලයෙන්.
අනේ මගේ ජූන් කො…
රෝදා ආයෙත් කැ ගැහුවේ යේදා ඌදා දිහා බලලා නලට අත ගහ ගනිද්දි.
කාලයත් එක්ක ගොඩාක් දේවල් වෙනස් වෙලා තිබ්බේ අන්තිම මොහොතේ වෙච්ච දේවල් ලොකු අභිරහසක් කරලා. ඌදාගෙ මනසේ හැමදේම දන්ත ගත කරලා තිබ්බේ අධිතාක්ෂණික සුපිරි පරිගනක මොලයක් වගේ. ඒත් කෙල්ලො තුන් දෙනාගෙම මනස සහ තුන් දෙනාම කව්ද කියන එක සුපිරි පරිගණකයන් පවා අභිමුවා.
කගුලියා හෝල් එකෙම ක්‍රියා කරන එකම පොඩි හෝල් එකේ නාන කාමරයේ ගබඩා වෙලා තිබ්බ් වතුර වලින් හොදට නා ගෙන සුදු ටවල් එකක් ඔතා ගත්ත ඌදා තාමත් වතුර එක්ක සෙල්ලම් කරන නන්ගිලා දෙන්නා දිහා බලලා කන්නාඩි පෙලිය එක්ක තියෙන කබඩ් තුනෙන් පලවෙනි කබඩ් එක ඇරියේ ඒ කබඩ් එකේ කෙල්ලගෙ Q07 අන්කය කොටලා තිබ්බ නිසා. ඒ කබඩ් එකේ සම්පූර්ණ ඇදුම් කට්ටලයක් එක්ක සපත්තු මේස් සහ එකම එක පොඩි පොතක් තිබ්බා. ඌදාගෙ මතකයේ තිබ්බා මේ පොත මොකද්ද කියලා.
නුදා අක්කි… මොකද්ද ඇත්තටම උනේ…
ඌදා වේදනාව හිර කරගෙන ඒ පොත අතට අර ලගම බන්කුවෙන් ඉද ගත්තා. ඒ පොතේ මුලින්ම තිබ්බේ ආදරනීය සුදූට කියලා. ඌදා හිත හයිය කරගෙන පොත පෙරලුවා.
” ආදරනීය සුදු… ඔයා මේ පොත පෙරලනකොට… ගොඩාක් දේවල් වෙනස් වෙලා තියෙවි. මේ ලෝකය. මේ කාල වකවානුව. ඒත් මගේ සුදු අක්කිට වෛර කරන්න එපා. මට මෙහෙම තිරනයක් ගන්න උනා. ඒත් ඔයාලා තුන් දෙනාම දැන් සාමාන්‍ය මනුශ්‍යයින්ට එහා වෙනස්ම අය කියලා ඔයාලා දන්නවා. ඒ වගේම ඔයාලාට විතරයි මේ ලෝකය බේර ගන්න පුලුවන්. ඒ වගේම විනාශ කරන්නත්. ඒත් මට විශ්වාසයි ඔයාලා තුන් දෙනා. ඔයාලා මේ ලෝකය බේර ගන්න ඕන. අනාගතය මනුශ්‍යය වර්ගයා වෙනුවෙන්. අපි ලොකු වැරැද්දක් කලා එදා. ඉතිහාසයේ මහා විනාශය. ඒත් ඒක දැනගෙනයි මම සිද් අම්මි තාත්ති පාලි මාමි නැන්දි ඒ වගේම කින්ග්ස්ලැන්ඩ් එකතු වෙලා කුයින් ස්ටාර් නිර්මාණය කලේ. ඒත් අපි එක්ක අපිටම ද්‍රොහි උනා එයාල. ඒ නිසයි අපිට මේ තිරනය ගන්න උනේ. ඔයාලා තුන් දෙනා විතරක්. අනාගතය වෙනුවෙන්… “
ඌදා තවත් පිටුවක් පෙරලන්න බැරිම තැන පොත වහලා දැම්මා. අඩන්න නම් කදුලු ඉතිරුවා. ඒත් යේදාටයි රෝදාටයි මේ ලොකේ ශක්තියකට ඉන්නෙ තමන් විතරයි. ඌදා විතරයි කියන එක කෙල්ලගෙ හිත කෙල්ලට කිව්වා. තවත් තීරනයක් ගන්න වෙලාවක් නැ. ලෝකය බේරගෙන නන්ගිලා දෙන්නා එක්ක ජීවත් වෙන එකයි එකම විසදුම. ඉස්සරහා හැම අභිරහසක්ම විසදගෙන.
කලු පාට ලෙදර් ඩෙනිමට ජසීය ඇදලා ජැකට් එක දාගෙන කලු බූට් සපත්තු දෙක දාගෙන ඌදා කන්නාඩියෙන් ඒ රුව දිහා බැලුවා. ඒ ලස්සන වේදනාව හන්ගා ගත්ත පුන්චි මුහුන ක්ලෝනයක් උනත් ඇත්ත සිරුර එක්ක කිසි වෙනසක් තිබ්බෙ නැ. ඒත් ක්ලෝන සිරුර හෙයින් සත්‍ය සිරුරහි රැදි ඌදා සගවා ගත්ත ඒ Q20-07 ශක්තියෙහි 50% පමනයි ක්ලොන සිරුරෙහි රැදුනේ. එයද සිරුර නොව මනසෙහි රැදෙන ශක්තියයි.
සුදු…
යේදාගෙ කටහඩින් ඌදා මද සිනාවෙන් හැරුනා. යේදා නිල් ඩෙනිමක් ඇදලා කැන්වස් දෙකක් දාලා හූඩි ජැකට් එකක් ඇදලා ඉද්දි ගොඩාක් ලස්සනයි. රෝදා ලස්සන ගව්මන් ඇදලා ලෙදර් ඩෙනිමක් ඇදලා බූට්ස් දාලා හිටියේ ඌදාට නුදාරාගෙ ආශාවන් මතක් වෙද්දි.
සුදු… අපි දැන් මොකද කරන්නේ… මට ගොඩාක් බඩගිනිත් එක්කනේ… මට හොදට කන්න ඕනේ… අවුරුදු ගානටම හරි යන්න…
රෝදා ඇස් නටවලා කියද්දි කෙල්ලො දෙන්නාට හිනා. ඇත්තටම අනිත් දෙන්නාටත් ලොකු බඩගින්නක් දැනිලායි තිබ්බෙ.
කෑම ගොඩායිනේ…
රෝදා එකපාරටම කියද්දි ඌදා නලලට අත ගහ ගත්තා. රොදා එයාගේ නිල් පාට තිරයෙන් මුලු කුයින්කේජ් ලැබ් එක පුරාම චලනය වෙන රතු සහ කහ පැහැ හෘද ස්පන්ද සලකුනු දහස් ගානක් පෙන්නුවා. රෝදා යටි තොල හපාගෙන අක්කලා දෙන්නා දිහා බැලුවා. යේදාට නම් වමනෙට වගේ ආවේ රෝදා අනුමාන කරපු දේට.
ඊයා දොනි… ඒ… පැටන්ලා… පැටන්ලා වෙච්ච මනුශයින්…
ඒ උනාට…
එපා කිව්වාම එපා… ඊටත් වඩා… සුදු… මේ බලන්න…
යේදා එකපාරටම නොසන්සුන් කමින් රතු පාට තිරය අරන් කගුලියා හොල් එකට උඩ කුහරය දිගේ පහලට ඇදෙන විසල් චලන තුනක් පෙන්නුම් කලා. ඌදා ඇස් හීන් උනා.
ඒ… එයාලා… කගුලියා ආරක්ශා කරන… තර්ඩ් ලෙවල් පැටන් ඒලියන්…
මොකක්… ඒලියන්… එතකොට ඒක ඇත්ත… ඒලියන්ලාගෙන්ද…
ඔව්… ඒත් ඒක හරියටම ඩේටා වල නැ… යන්… එයාලා අපේ රියල් බොඩි ආරක්ශා කරනවා…
හ්ම්ම්…
යේදා ඔලුව වැනුවා. ඌදා රෝදාගෙ අත අල්ලාගෙ කබඩ් එකෙ තිබ්බ එකම ඉන වටේ එල්ල ගන්න පුලුවන් බැක් පැක් එක අරන් දා ගත්තා. තුන් දෙනාම පොඩි කුටියෙන් එලියට ඇවිල්ලා කගුලියා හෝල් එක පුරා බලාන් හිටියේ ඒ චලන බලාපොරොත්තුවෙන්. ඒත් රෝදා කලබලයෙන් වටපිට බැලුවේ එතකොට.
ජූන් කො…
ජූන්… අර ටෙඩියාද…
ඔව් අනේ… ටෙඩිය වගේ තමා… ජූන්0028 එන්න…
රෝදා කිව්වෙ දගකාර හිනාවෙන්. එතකොට බිත්තියේ කොහෙදේ එලියක් එක්ක ගුරුත්වාකර්ෂනයෙ පාවිගේන නිල් පාට ඇහැකට සමාන බෝලයක් තියෙන තරමක් විසල් රොබො බෝලයක් කෙල්ලො තුන් දෙනා ලගට ආවා. යේදා අමුතුවෙන් බලාන් ඉද්දි ඌදා හිනා වුනා.
පාලිගෙ වැඩ තමා…
හ්ම්ම්… සුදු…
යේදා එකපාරට ඌදාගෙ අත මිරිකලා අල්ලා ගත්තේ අදුරු කගුලිය කුහරයේන් මතුවෙන ඒ දිලිසෙන සෙවල බැදුන අඩි දිහා. මහ භයානක ගෙරව්ම් කෙදිරිලි එක්ක අඩි තියාගෙන එන ඒ මහා භයානක චලන ඉස්සරහා යේදා බය උනත් ඌදා බලාන් හිටියේ කිසි ගානක් නැතුව. රෝදා නම් හයියෙන් හිනා උනා.
බොනි, චක්, ගිගු… ඔයාලා අපි නැගිටිනකම් හිටියා නේද… අපිව ආරක්ශා කරනවාට ගොඩාක් ස්තුතියි… අපේ ඇගවල් හැමදාම ආරක්ශා කරන්න හොදේ… අපි එනකම්…
රෝදා කියාගෙන ගියේ ඒ අදුරු සෙවනැලි අදුරනවා වගේ. ඒත් ඌදා බැලුවේ යේදා දිහා.
බබා…
මන් දන්නවා සුදු…
යේදා ලොකු හුස්මක් අරන් ඉස්සරහට අඩිය තිබ්බා. ලා ආලොකය ඉස්සරහා ඒ චලන ඉස්සරහට ආවේ පැහැදිලි වෙන්න. ඒ චලන තුන විස්තර කරන්න බැරි තරම් භයානාක පෙනුමෙන් සහ විසාලත්වයෙන් අනුන විරුපී සත්වයින් මෙන් උනා.
මම එයාලාගෙ රැජින… Q20-06 (Qform)… ඔයාලාට ගොඩාක්ම ස්තුතියි… ඉස්සරහටත් අපිව ආරක්ශා කරන්න… නුදාගෙ ඉල්ලිම… කුයින්කේජ්… අපි තුන් දෙනාගෙ මාලිගාව…
යේදා කිව්වේ කෙල්ලගෙ ඇස් රත් පැහැයෙන් දිලිසෙද්දි. ඒ අමනුෂ්‍යයින් කෙල්ල ඉස්සරහා ඒ ඇස් නැති හිස පහත් කරලා ආචාර කලා. මේ ලෝකයේ ආරම්භයේ රාජිනියන්.
අවසන් තට්ටුව කගුලියා ඉදාන් ඉහලට තට්ටු එකසිය හැට දෙකක් පහු කරගෙන අදි වේගයෙන් ඇදුන සෝපානය අවසානයේ විවර උනේ පොලොව මතුපිට. සොයුරියන් තුන් දෙනා එකට අත් අල්ලාගෙන රොබො ජුන් එක්ක විවර උන දොරෙන් එලියට ආවේ හරියටම වසර තිස් හතකට පස්සෙ ඉර එලිය දකින ගමන්.
මගේ දෙවියනේ…
යේදාට හයියෙන් කියවුනේ ඇස් ඉස්සරහා අදහා ගන්න බැරි ඒ දර්ශන නිසා. ඌදා රෝදා පවා නිරුත්තරයි. සෝපානය නතර උනේ මුලු කුයින්කේජ් එරීයා එකම වල් වැදුන පොලොව මතුපිට. ඒත් කෙල්ලො තුන් දෙනාගෙ ඇස් ඉස්සරහා තිබ්බෙ එක මිනිස් පුලුටක් නැති නටබුන් වෙලා ගියා ගොඩනැගිලි මාර්ග සහිත දූවිලි ගසාගෙන යන මහ කාන්තාරය මැද පොඩි නගරය.
මේ… අල් මන්සූර්ද… අපි… එමිරේටයේ නෙමෙද…
බබා… දෝනි… මේ අල් මන්සූර් තමයි… මුලු නගරේම… ලැබ් එකෙන් පටන් ගත්ත පැටන්…
අනේ…
දෙන්නාම ඌදාට තුරුලු උනේ දුකින්. ඌදා හිත හයිය කරගෙන කෙල්ලගෙ තිරය දිස් වෙන්න හිතින් සන් කලා.
මගේ ඩේටා වල නුදාගෙ එක මැසේජ් එකයි තියෙන්නෙ…
‘ ඉර බහින වෙලාවේ නැගෙනහිර අහසේ පායනවා…
ඉර නගින වෙලාවේ රජවරුන් වැජබෙනවා…
සේනා රාක්ශ පරදා රැජින ඉදිරියට යනවා…
ඉරනම් මොහොතේ රාජ්‍යයන් එකතු වෙනවා… ‘
මොකක්…
අයියෝ අක්කි… ඒක ටිකක් රොමැන්ටික් කරලා කියන්නකො…
යේදා කලුසුදු තිරයට එබෙන ගමන් ඇහැක් ගැහුවා. රෝදා අක්කලාට තුරුලු වෙලා ඒ දිහා බැලුවා.
මේ බලන්න… ඒකෙන් කියන්නෙ අපි ඉර බහින්න කලින් නැගෙනහිර දිහාට යන්න ඕන… ඊලග ඉර පායනකොට කවුරු හරි එනවා අපිව ගන්න… හැබැයි මොකද්ද මේ රාජ්‍යයන් දෙකයි රාක්සයොයි…
මන් හිතන්නේ… රාජ්‍යයන් කියන්නෙ කුයින්කේජ් ලැබ් එකයි… කින්ග්ස්ලැන්ඩ් ලැබ් එකයි… රාක්සයින්… පැටන්ලා…
තුන් දෙනාම මුනට මුන බැලුවේ නොසන්සුන්කමින්. ජූන් එකපාරට හරි හුරතල් ශබ්දයක් එක්ක උඩ පහල යන්න ගියේ ඒ බොල ඇහැත් රව්මට කරන ගමන්. ඌදා හිනාවෙන් ජූන්ගෙ බොල ඔලුව අත ගැවේ ජූන් ආයෙත් ශබ්ද කරද්දි.
ජූන්ව හදලා තියෙන්නෙ අපේ සිද්…
ජූන්… අපේ අයියා කොහෙද…
ඌදා අහද්දි රෝදා එකපාරට ඇහුවේ කෙල්ලො දෙන්නා මූනට මුන බලද්දි. ජූන් බොල ඇහෙන් බැලුවේ ඌදා දිහා. ඊට පස්සේ ජූන් ඉස්සරහා ස්වයන්ක්‍රීය තිරය පෙන්නුම් කලේ සිද්ධාර්ථගේ වීඩියො පනිවිඩයක් එක්ක. තුන් දෙනාම ගැස්සිලා ගියේ හිත් පුරා වේදනාවක් ඇදිලා යද්දි. වීඩියො එක ප්ලේ උනේ සිද්ගෙ දුක්බර කටහඩ එක්ක.
” මගේ රත්තරන් පැටව් තුන්දෙනා. ඔයාලා දැන් මේ විඩියෝ එක බලනවා නම් ගොඩාක් දෙවල් දන්නවා ඇති. මට සමාවෙන්න රත්තරන්. අයියා ලොකු වැරැද්දක් කලා. මන් වැරදි අයව විශ්වාස කලා. මගේ වැරැද්දෙන් ලොකු විනාශයක් උනා. මට ඒ පව ආත්ම ගානක් ගෙවා ගන්න බැරි වෙවි. ඒත් වැරැද්ද නිවැරැද කරන්න මන් ඔයාලාගෙ ජිවිත බිලි ගත්තාට සමාවෙන්න. ඒත් ඔයාලා කොහොම හරි ජිවත් වෙනවා දකින්නයි මට ඕන. අම්මි තාත්තිගෙ එක ප්‍රාර්ථනාව. අපිට සමාවෙන්න සුදු, බබා, දෝනි… ඒත් අපි ඔයාලට ගොඩාක් ආදරෙයි… ඔයාලාට අපි වෙනුවෙන් දුක් වෙන්න එපා. ඉස්සරහා හැමදේම තියෙන්නෙ ඔයාලාගෙ අතේ. ඒ හින්දා මේ කියන එක හොදට අහ ගන්න… කිසි කෙනෙක් විශ්වාස කරන්න එපා. මේ ලෝකය ඉතුරු වෙන අන්තිම කවුරු උනත් ඔයාලා තුන් දෙනා ඇරෙන්නෙ වෙන කවුරුවත් විශ්වාස කරන්න එපා. ඒත් ඔයාලාට කරන්න ලොකු දෙයක් තියෙනවා. ඔයාලා කින්ග්ස්ලැන්ඩ් ලැබ් එකට යන්න ඕන. එතන විතරයි ඔයාලගේ උදව්වට හැමදේම සුදානම් එකම තැන. ඔයාලා අනිත් රැජිනියන් හතර දෙනා විනාශ කරන්න ඕන. ඒක රජවරුන්ගෙ උදව් ගන්න. ඔයාලා දන්නවා මගේ යාලුවා රෙන්ස්. එයා ඔයාලාව හොයා ගනිවි. ඔයාලාට පුලුවන් එයා ගැන විශ්වාසය තියන්න. රෙන්ස්, විනස්, ඒ වගේම මුරාන්. තව රූන් මෙයාලා හතර දෙනා රජවරු. ඒත් රජවරු කියන්නෙ රැජිනියන්ට වඩා හාත්පසින්ම වෙනස් අය. ඔයාලා ඉස්සරහට මගේ ඩේටා වලින් දැන ගනිවි. අනික් රැජිනියන් හතර දෙනා ඔයාලට අදුර ගන්න පුලුවන්. ඔයාලාගෙ බාදාවට ඉන්න එකම විරුද්ධවාදින් ස්කයි කොපරේශන්. මේ හැමදේකටම මුල. එයාලාව විනාශ කරන්න. අහන්න… ඔයාලා දැන් කෙලින්ම නැගෙනහිර දිහාට යන්න ඕන. නුදා ඔයාලාට ඒ ගැන කියලා ඇති. ඉස්සරහා කරන්න ඕන හැමදෙම… සුදු නන්ගි… නන්ගිලා දෙන්නාව බලා ගන්න ඕන… බබා, දෝනි අක්කිට කිකරු වෙන්න ඕන… කවදාවත් අයියා ඔයාලාව අමතක කරන්නෙ නැ. මගෙ මැනික් කැට තුනට ගොඩාක් ආදරෙයි රත්තරන්. ඔයාලා ජීවත් වෙන්න ඕන. හැමදාම… “
සිද්ගෙ පනිවිඩය අවසන් උනේ කෙල්ලො තුන් දෙනාගෙම හැඩුම් එක්ක. ආදරනීයයන් එකිනෙක මේ පොලොවෙන් මැකිලා ගිය ඇත්තට මූන දෙන්න වේදනායි. ඒත් ඒ ආදරනීයයන්ගෙ එකම ඉල්ලිම මේ ලෝකයයි. ඒක විතරයි දැන් සොයුරියන්ගෙ අධිශ්ටානය.
ඌදා ලොකු හුස්මක් අරන් ජූන් දිහා බැලුවා.
එහෙනම් ජූන්… ඔයාගේ කාර් එක එලියට ගත්තා නම්…
කෙල්ල කිව්වේ අනිත් දෙන්නාත් බලද්දි. ජූන් ඒ සැනින් ඒ බෝලය ගුරුත්වයේ පාවේන අපුරු නවීන තාක්ෂනික රතයකින් නිර්මානය උනේ රෝදාගෙ සතුට වැඩි කරලා. ඌදා ඒ ලස්සන කලු පාට ගොතන ලද දිග කොන්ඩය පස්සට කරලා කාල වර්න ඇස් වලින් නැගෙනහිර අහසේ ඉර දිහා බැලුවා.
එහෙනම්… නැගෙනහිරට… අපි මේ ලෝකේ බේර ගන්නවා… අපි තුන්දෙනාම… එකටම…
අනිවාර්යයෙන්…
මාත්…
ඌදාගෙ අත් දෙකෙ එල්ලුන කෙල්ලො දෙන්නාත් අහස දිහා බැලුවේ හිත ඇතුලේ වේදනාව හිර කරගෙන අනාගතය වෙනුවෙන්.
සවස් යාමයේ ඉර බහින හෝරාවේ නටබුන් උන අහස උසට ගොඩනැගිලි පිරුන ඩුබායි නගර පේන මානයේ වේගයෙන් ඇදී සොයුරියන් නැගුන ජූන්ගෙ කාරය වේගය අඩාල කලා. තුන් දෙනාටම දැනුනේ මහා හිස් හැගීමක්. දශක ගානකට කලින් මේ නගරය ලෝකයේ ඉහලම පෙලෙ නගරයක් උනා. ලෝකයේ බොහොමයක් දනවතුන් රාජකීයන් ජීවත් උන ප්‍රකෝටි ගානක ජනකායක් ජීවත් උන නගරය අද අදි හිරු රශ්මියෙන් වියලුන ශේශ උන ජනශුන්‍ය නගරයක් වෙලා. එදා සොයුරියන් ආසාවෙන් මේ නගරය පුරා ඇවිද යමින් කොච්චර නම් ලස්සන කාලයක් ගෙව්වාද. ඒත් අද හැමදේම වෙනස්.
අක්කි… බඩගිනි…
රෝදා මේ කෙදිරි ගැවේ කිවෙනි පාරද කියන්න කෙල්ලො දෙන්නාට උත්තර නැ. ලොකු බඩගිනිකාරියක් උන රෝදා මෙච්චර වෙලා මෙහෙම ඉවසන් ඉන්න එක ඊට වඩා පුදුමයක්. ඒත් ඉස්සරහා රෝදා වගේ දැන් ඉන්න රෝදාගෙ ඉවසීම පැන්නොත් ඒක හොද දෙයක් නොවන බව කෙල්ලො දෙන්නාටම තෙරෙනවා. ඒත් අබුඩාබි නගරයට යනකම් තුන් දෙනාටම ඉවසන්න වෙනවා.
ඌදා රෝදා දිහා බලලා ඌදාගෙ තිරය දසුන් කලා.
අබුඩාබි නගරය… දැනට එමිරේටයෙ ජනයා ජීවත් වෙන නගරය… 21% ජනතාවක් සාමාන්‍ය ජිවිතය ගෙනියනවා…
ජගුවා වෝල් එකෙන් වට වෙච්ච ජගුවා අබුඩාබි… හෙවත්… ජැඩ් නගරය… කින්ග්ස්ලැන්ඩ් තියෙන්නෙ එහෙ… ඒත් කොහොමද…
යේදා අහද්දි ඌදා පිටි පස්ස ශීට් එකේ මුන රතු කරගෙන ඉන්න රෝදා දිහා බැලුවා.
දෝනි… ඉවසන්න මැනික… තව පැය තුනක්… හ්ම්ම්… අපි ඉන්න තත්වය ඔයා දන්නවානේ…
බැ… බෑ… මට බඩගිනි…
දෝනි…
මට බැ… මට බැ…
රෝදා ගොඩාක් මුරන්ඩු උනා. කෙල්ලො දෙන්නා මූනට මූන බලා ගත්තේ දුකින්. යේදා ශීට් එක ලග බිම තියාගෙන හිටපු බෑග් එකෙන් ඇලුමිනියම් බොතලයක් අරන් රෝදට දිගු කලා.
දෝනි… දැනට වතුර ටිකක් බිලා ඉන්නකො… ම්ම්ම්… අපි ඉක්මනට ජඩ් යනවානේ…
යේදා දුකින් අහද්දි පුන්චි කෙල්ල යන්තම් අකමැත්තෙන් උනත් වතුර බොතලේ අරගෙන ඒක මිරිකා ගත්තා. ඌදා හුස්මක් පිට කරලා ඉස්සරහට හැරුනේ අබලන් උන අදි වේගි මාර්ග අස්සෙන් ගරා වැටුන උස් ගොඩනැගිලි දිහා බලන. කෙල්ල සුසුමක් පිට කලේ ඒ ගොඩනැගිලි දිහා බලන ගමන්.
ඒත් කෙල්ලගෙ තියුනු ඇස් වලට ඒ එක ගොඩනැගිල්ලක් මුදුනේ හිරි එලියට දිස්නය දුන්න වීදුරුවකට සමාන දෙයක් දැක්කේ අනතුරක සේයාවක් එක්ක.
ජුන්… බැරියර්…
කීගූ…
ඌදා එකපාරට කියද්දි ජුන් සද්දයක් එක්ක ආරක්ශක ආවරනය කාර් එක වටේට දැම්මේ එක සැනින්. එකිනෙකාගේ හැසිරිම් එක්ක තුන් දෙනාටම එකම විදිහට දැනුනේ ඒ දිහා බලන ගමන්……