සමාන්තර ලෝක නැතිනම් සමාන්තර විශ්වය කියන සංකල්පය ගැන අපි කොයිතරම් දැනුවත්ද? අතීතයේ සිදුවූවා යැයි කියන මහා පිපුරුම(big bang theory) නිසා මේ විශ්වය ඇතුළු තවත් ලෝක ගණනාවක් සමාන්තරව ඇතිවුණා කියල මතවාදයක් තියනව.අපි මේ පෘථිවියේ ජීවත් වෙනව වගේ මේ විදියටම,අපි වගේම මිනිස්සු ඉන්න තවත් ලෝකයක් හෝ කීපයක් තියෙන්න පුළුවන් කියල තමා ඒකෙන් කියවෙන්නෙ.මේ සමාන්තර ලෝක දෙකක් එකිනෙක සම්බන්ධ උනොත් කොහොම වෙයිද?
සමාන්තර ලෝක ගැනනම් නෙවෙයි මේ කියන්න හදන්නෙ.මේ තේමාව මූලික කරගෙන හදපු සුපිරිම කොරියානු කතාමාලාවක් තමයි train කියන්නෙ.කොටස් 12 ක මිනි සීරීස් එකක්. OCN ලගෙ සුපිරි වැඩක්.
වසා දැමූ දුම්රිය නැවතුම්පොළක තිබී මිනිස් ඇටසැකිලි ගණනාවක් හමුවීම ඔස්සේ තමා කතාව ආරම්භ වෙන්නෙ.මේව කාගෙද? කොහෙන්ද මෙතනට ආවෙ කියල හිතාගන්න බෑ.මොකද මේ ස්ථානය වසර කීපයක සිටම මිනිස් වාසයෙන් තොරවයි පවතින්නෙ.
මේ ගැන පරීක්ෂණ පවත්වන පොලිස් නිළධාරියාට දිනක් අදහාගත නොහැකි අත්දැකීමකට මුහුණ දෙන්න වෙනව.වසර ගණනාවකින් භාවිතා නොකල දුම්රිය නැවතුම්පොළ හරහා අද්භූත දුම්රියක් වේගයෙන් ඇදිල යනව.රෑ 9.35 ට.මහ වැස්සෙ.
මේ දුම්රිය තමයි මේ සමාන්තර ලෝක එකිනෙක සම්බන්ධ කරන්නෙ.
.IMDB 8.1 හා ගූගල් පරිශීලකයින්ගේ 97% විචාරක මනාපයක් මේකට ලැබිල තියනව. Mystery , thriller , crime ශානරයට අයත් වෙන මේ කතාව තුල සංවේදී ආදර කතාවකුත් ගලාගෙන යනව.
සීරීස් එක ටෙලිග්‍රෑම් වලින් ගන්න පුළුවන්.සිංහල උපසිරැසි සිනෙරූ එකේ තිබුන. එහෙනම් කට්ටිය බලල හොඳ නරක කියන්න.බලපු අයත් මොනාහරි කියන්න. 
උපුටා ගැනීම: Udara Bandaranayaka