සිංගප්පූරු ජාතික කාන්තාවක් කොවිඩ් වෛරසය ආසාදනය වීමෙන් පසු ගැබ්ගෙන ඇති අතර, එම බිහි කළ දරුවා කොවිඩ් 19 රෝගයට එරෙහිව ප්‍රතිදේහ සහිත දරුවෙක් බව වාර්තා වෙනවා.
මවගෙන් දරුවාට ප්‍රතිදේහ මාරු වීම
ගිය දෙසැම්බරයේදී උපත ලැබූ එම දරුවාට COVID-19 වැළදී නොමැති නමුත් දරුවා තුළ වෛරස් ප්‍රතිදේහ ඇති බව මව උපුටා දක්වමින් ස්ට්‍රේට්ස් ටයිම්ස් පුවත්පත පසුගිය දා වාර්තා කළා.
“මගේ ගර්භණී සමයේදී මගේ COVID-19 ප්‍රතිදේහ ඔහු වෙත මාරු වෙලා ඇති බව මගේ වෛද්‍යවරයා සැක කරනවා” යැයි සෙලීන් එන්-චෑන් නැමැති එම අම්මා පුවත්පතට පවසලා තියනවා.
කොවිඩ් වැළඳීමෙන් පසු
එන්ග්-චෑන් කොවිඩ් රෝගය නිසා සුළු වශයෙන් රෝගාතුර වී ඇති අතර සති දෙකහමාරකට පසුව රෝහලෙන් පිටව ගොස් තිබෙනවා.
එන්ජී-චෑන් සහ ඇය දරුවා බිහි කළ එරට ජාතික විශ්ව විද්‍යාල රෝහල විසින් මාධ්‍යයට අදහස් දැක්වීමක් සඳහා කළ ඉල්ලීම් වලට වහාම ප්‍රතිචාර දැක්වූයේ නැ.
සම්ප්‍රේෂණය දුර්ලභයි
COVID-19 සහිත ගර්භණී කාන්තාවකගේ ගර්භණී සමයේදී හෝ දරු ප්‍රසූතියේදී එම වෛරසය ඇගේ කළලයට හෝ දරුවාට සම්ප්‍රේෂණය පුළුවන්ද යන්න මෙතෙක් අනාවරණය වී නොමැති බව ලෝක සෞඛ්‍ය සංවිධානය පවසනවා.
අද වන විට බෙහෙවින් ක්‍රියාකාරී මෙම වෛරසය ගර්භාෂයේ ළදරුවන් වටා ඇති තරල සාම්පලවල හෝ මව්කිරි වල තවමත් සොයාගෙන නෑ.
මව්වරුන්ගෙන් අලුත උපන් බිළිඳුන්ට කොරෝනා වෛරසය සම්ප්‍රේෂණය වීම දුර්ලභ බව නිව් යෝර්ක් Presbyterian/Columbia University Irving Medical මධ්‍යස්ථානයේ වෛද්‍යවරු ඔක්තෝම්බර් මාසයේදී ළමා රෝග පිළිබඳව වාර්තා කරමින් කියලා තියනවා.
චීන වෛද්‍ය වාර්තාව
කොරෝනා වෛරසය ඇති කාන්තාවන්ට උපත ලැබූ ළදරුවන් තුළ COVID-19 ප්‍රතිදේහ හඳුනාගැනීමක් හා කාලයත් සමඟ පහත වැටීමක් චීනයේ වෛද්‍යවරු විසින් වාර්තා කරලා තියනවා. ඒ Emerging Infectious Diseases සඟරාවේ ඔක්තෝබර් මාසයේ පළ වූ ලිපියකදීයි.
එක්සත් ජනපදයේ ජෝන්ස් හොප්කින්ස් විශ්ව විද්‍යාලය විසින් රැස් කරන ලද දත්ත වලට අනුව සිංගප්පූරුවේ COVID ආසාදන 58,000 කට වඩා මදක් වැඩි සංඛ්‍යාවක් වාර්තා වෙලා තියනවා. ඒ අතර අද වන විට ලොව පුරා ආසාදන මිලියන 62.2 කට අධික සංඛ්‍යාවක් වාර්තා වී ඇති අතර අවම වශයෙන් මිලියන 1.45 ක් මිය ගොස් තියනවා
උපුටාගැනීම අන්තර්ජාලයනි 
උපුටා ගැනීම: රාම් වණා