“ට්‍රින්..ට්‍රින්..ට්‍රින්…ට්‍රින්න්….”
හීන ලොවක පාවෙමින් උන් මන් එලාර්ම් සද්දෙට ඇහැරුනෙ උදෙන්ම උයන්න තිබ්බ හින්ද.
පුරුද්දට වගේ කැඩපතින් මන් දිහා බලාගෙන කොන්ඩෙ සියල්ල එක් කොට කටුවක් ගසා ගත්තා..
කුස්සියට යන්නට හැරෙන්නට ගිය මන් ආයෙම මගෙ රුවදෙස බැලුවෙ මට මන් ගැන හිතන්න වෙලාවක් ගන්න ගමන්..
ස්කෝලේ යන දවස්වල අම්මා පැය භාගයක් තිස්සෙ කෑ ගහ ගහ ඇහැරලවත් නැගිටින්නෙ නැති මන් අද එලාර්ම් එකට නැගිටින්න පුරුදු වෙලා..
ඉස්සර මට එලාර්ම් එකක් උනෙ මගෙ අම්මා…
උදේ කිරි එක ඇද ලගටම ගේන්නෙ අම්මාගෙ අවසන් රින් එක ඒක හින්ද….
ඇස් වහන් ඒකත් ඇදේ ඉදන් බීලා “අම්ම ඇතී” කියල කෑ ගහල තව විනාඩි දෙකක් නිදියන්නම් කියල ආයෙම ශීට් එක පොරවගන්නවා.
සමහර වෙලාවට නින්ද යන්නෙත් නෑ. ඒත් ඇස් වහන් ඉන්නයි ඕනේ. ..
ඒම හිටපු මන් අද තනියෙන් නැගිටිනව…
අම්මා…. කොච්චර ලිව්වත් මට ලියල ඉවර කරගන්න බැරි මට හම්බුනු වටිනම දේ…
එයා ගොඩක් හයිය කෙනෙක්. ඒ හිත හැමදෙයක්ම කොහොම දරාගත්තද කියල මට තවම පුදුමයි…
ඒ දවස්වල මන් හිතුව අම්මා තරම් නම් කවදාවත් මට ප්‍රශ්නවලට උත්තර හොයන්න බැරි වෙයි කියල..
අයියල මල්ලිල කොහොම හිටියත් අම්මට ලන් උනේ මන්…
අම්මගෙ උපන්දිනේට අයියල කතා නොකරම අම්මට දුක හිතෙයි කියල මහ පාන්දර අම්මට හොරෙන් එයාලට අරන් අම්මට කතා කරනව අම්මා බලන් ඉදී කියනව… එයාලා කතා කරාම අම්මට ගොඩක් සතුටුයි.. ලොකු ලොකු දේවල් කරන්න බැරි උනත් පුලුවන් විදියට මන් එයාව බලාගත්තා…
ඉතින් අද හැමෝම එයාලගෙ ලෝක හදන් ඉද්දි මන් අද තනියම…. අම්මා එදත් කිව්වෙ “උබ නම් බදින්නෙපා තනියෙන් ඉදහන්.. උබට බෑ ප්‍රශ්න එක්ක ජීවත්වෙන්න…” ඇත්ත මන් බයයි ප්‍රශ්නවලට මුහුනදෙන්න..
ඉස්සර දුකක් දැනුනම අම්මට තුරුල් වෙලා ඇඩුවා..
තරහ පිට කරේ අම්මගෙන්.. අම්මා මාව දන්න හින්ද ඒ හැමදෙයක්ම පාඩුවෙ දරාගත්තා.. හිතට අව්ල් උනාම අම්ම ලගින් නිදාගන්න ඕනිකමට අම්ම මන් ලග නිදියන්නකෝ කිව්වම මන් හොල්මන්වලට බය හින්ද කොට්ටෙ අස්සෙන් පිහියකුත් තියනව බයනොවී නිදියන්න කියල.
අද මට තුරුල් වෙලා අඩන්නවත් එයා මන් ලග නෑ.
එයාට කියල කවදාවත් එයා ආස දෙයක්ගන්න සල්ලිතියන් ඉදල නෑ. හැමදේම අපිට අරන් දෙනව.. තාත්තට හොරෙන් බොරු කියල තමයි මට ෆෝන් එක අරන් දුන්නෙ..මන් ජොබ් එකක් කරනකන් ජීවත් වෙන්න තිබ්බොත් ඇති ඊට පස්සෙ බයක් නෑ කියලයි කිව්වෙ.. ඇත්ත ඉතින් දැන් එයා මන් ලග නෑනේ..
දුවගෙන ඇවිත් ඔයාට තුරුල් වෙලා මට ගොඩක් දේවල් කියන්න තියෙනව….
ඒ උනුහුම කොහෙවත් නෑ..
එක ආත්මෙක මගේ වෙන්න.. ආයෙත් එක සැරයක් හරි මාව බලාගන්න… හැම ආත්මෙකම පතන්නෙ නෑ. දුක් විදින්න ආයේ ආයේ ඉපදෙන්න එපා… ඔයා බුදු වෙන්න ඕනී…
උපුටා ගැනීම: නාඳුනන කවිකාරි