මේ කතාව නිකලස් ජේම්ස් වුජිසික් ( චරිත )

අතපය නැති නික්ව දැකලා දෙවියන්ගේ කැමැත්ත වෙන්න ඇති කියලා දෙමව්පියෝ හිත හදාගත්තට යන්තම් අවුරුදු හත අටක් වෙනකොට නික්ට තමන් ගැනම වයිරයක් ඇති වෙන්න පටන් ගන්නවා , තමන්ගෙ වයසේ අනිත් ළමයි දකිනකොට තමන් ගැන කලකිරීමක් දැනෙනවා ,අවුරුදු දහයේදී ජීවිතේ නැති කරගන්න හිතාගෙන නික් නාන බේසමේ ගිලෙන්න උත්සහ කරනවා , හැබැයි ඔහු මැරෙන්නෙ නැතුව බේරෙනවා .

දවසක් ”ඔබේ ශරීරයේ ස්වභාවය ඔබේ ජීවිතය දිනන්න කිසිවිටකත් බාධාවක් නොවේ”,

කියල පත්තරේක තිබ්බ ලිපියක් නික් ගේ අම්මා නික් ට ඇහෙන්න කියවනවා..

ඒ ලිපියේ තිබ්බ දේවල් ගැන දවස් ගානක් ගැඹුරෙන් කල්පනා කරපු නික්ට තමන් ගැන වෙනස්ම අදහසක් දැනෙන්න පටන් ගන්නවා.

හැමෝටම දෑත් දෙපා තියෙද්දී තමන්ට විතරක් නැත්තේ මොකද කියලා ඒ ගැන හිතල දුක් වුන නික් , ඒ දේම අනිත් පැත්ත ගැන හිතන්න පටන් ගන්නවා .

අනිත් හැමෝටම අත් දෙකක් තියනවා , කකුල් දෙකක් තියනවා , මට නැහැ, ඒ කියන්නෙ සාමාන්‍ය මිනිස්සු අතර මම සුවිශේෂී කෙනෙක් , ඉතින් ඇයි මම ඒ සුවිශේෂී දෙයින් ප්‍රයෝජනයක් නොගන්නෙ ,

මෙච්චර කල් තමන් දේව සාපයක් කියලා රිනාත්මකව හිතපු නික්, තමන් දෙවියන්ගේ අමුතුම නිර්මාණයක් කියලා තමන් ගැන ධනාත්මකව හිතන්න පටන් ගන්නවා .

ඉස්සර මිනිස්සු දැක්කම කොහේ හරි හැoගුණ නික් දැන් කැමැත්තෙන්ම මිනිස්සු අතරට යනවා , පාසලේ රැස්වීම් වල කතා පවත්වනවා .

අවුරුදු 21 වෙනකොට ග්‍රීන්ත් විශ්වවිද්‍යාලයේ ගිණුම්කරණ උපාධිය සම්පුර්ණ කරපු නික් 2005 දී life without limbs කියන NGO එක පටන් ගන්නවා .ඒ අවුරුද්දෙම අත පය හතරම තියන කෝටි ගානක ජනග්‍රහණය අතරින් ” වසරේ ඕස්ට්‍රේලියානුවා ” සම්මානයත් නික් ට ලැබෙනවා .

2007 දී Attitude is Altitude නමින් ආයතනයක් ආරම්භ කල නික් වුජිසික් අද , මානසික වර්ධනය සහ තරුණ ගැටළු පිලිබඳ උපදේශකයෙක් සහ motivative speaker කෙනක් විදිහට දේශණ පවත්වමින් ලෝකය පුරාම සංචාරය කරනවා .

තමන්ගේ අසාමාන්‍ය ශරීරය වාසනාවක් මිස අඩුපාඩුවක් නෙමෙයි කියා විශ්වාස කල නික්, තමන්ට හිත ගිය කානෙයි මියහාරා කියන රූමතියට තමන්ගේ හිතේ තිබ්බ ආදරේ ගැන කියලා විවාහ යෝජනාවක් කරනවා .

2012 දී කානෙයි සමග විවාහ වුන නික් වුජුසික් අද ආදරණීය සැමියෙක් වගේම දරුවෝ හතර දෙනෙක්ගෙ තාත්තා කෙනෙක් ..

*****************

තමන් කලුයි කියලා දුක් වෙලා ලක්ෂ ගණන් වියදම් කරගෙන ඉන්ජෙක්ෂන් ගහගෙන් හම සුදු කරගත්තම ජීවිතේම ගොඩ කියලා හිතන අයටත් , කිලෝ දෙක තුනක් වැඩි වුනාම අහස පොලව ගැට ගහන්න තරම් කල්පනා කර කර අවුන්ස ගානට මැනලා කෑම කකා විහින් අපා දුක් විඳින අයටත් , තමන්ගෙ ශරීරයේ පොඩි අඩුපාඩුවක් නිසා ජීවිතේම කලකිරවාගෙන විඳවන අයටත් , මට අරක නැහැ ,මට මේක බැහැ කියලා හැම දේම රිනාත්මක පැත්ත විතරක් හිතිලා ජීවිතේ එක තැන නවත්තගන්න අයත් , නික් වුජිසික් ගේ ජීවිත කතාව නිකමට කියවන්න .

සර්ව සම්පුර්ණ මිනිස් සිරුරක් නම් මෙසේ විය යුතුය ,කියලා නීතියක් කොහෙවත් නැහැ , ඔබව අයිති ඔබටයි ,අනිත් අය ඔබේ රූපයට කැමති උනත් අකමැති උනත් කමක් නැහැ , ඔබේ පාටට ,ඔබේ සිරුරට , ඔබේ අවයව වලට , කොටින්ම කියනවනම් ඔබේ පවතින ස්වභාවයට ආදරේ කරන්න පටන් ගන්න .

ඔබට ලෝකය වෙනස් කරන්න ඕනෙ නම් , මුලින්ම ඔබ ගැන ඔබ ”හිතන” විදිහ වෙනස් කරන්න , රාමුවට පිටින් හිතන්න .

නොහැකියාව ගැන දුක් නොවී ” නොහැකියාව” ම හැකියාව කරගන්න .

ඔබ නොදන්නවා උනාට ,හැම නොලබීමක් තුලම ලැබීමක් හැංගිලා තියනවා , හැම අහිමි වීමක් තුලම හිමිවීම් බොහොමයක් තියනවා , හැම පාඩුවක් තුලම වාසියක් තියනවා , ඒ වගේම සැම පරාජයක් තුලම ජයග්‍රහණයක් තියනවා , හැබැයි ඒක ඔබට පෙනෙන්න නම් ඔබ හිතන විදිහ සහ දකින විදිහ වෙනස් කල යුතු වෙනවා .

ලෝකෙ වෙනස් කලේ හැමදේම තිබ්බ මිනිස්සු නෙමෙයි , හැමදේම හොයාගත්ත මිනිස්සු ,

හිත ඇත්නම් පත කුඩා ද ?කියල කතාවකුත් තියනවනෙ, හිත හයිය මිනිස්සු ඇඟේ හයිය ගැන වද වෙන්නෙ නැහැ

” රෝස මලේ නටුවෙ කටූ ”කියලා රෝස පඳුරේ කටු දකිනකොට ”

“නටුව නොවේ මල සිඹිමි “ කියලා කටු වලට උඩින් තියන රෝස මල දකින්න පුළුවන් නම් , ජීවිතේ දිනන එක ඔබට අමාරු නැහැ .