මෙවර ලොව හොදම ගුරුවරයා ලෙස ඉන්දියාවේ රංජිත්සින් තෝරා ගැනේ (වැල්වටාරම්)

ළමා විවාහ බහුලව සිදුවෙන හෙයින් සිසුවියන්ගේ පාසැල් පැමිණීම අතිශය දුර්වල ග්‍රාමීය පාසලකට 2009 දී රංජිත්සින් දෙසාලේ ට ගුරු පත්වීම ලැබී ඇත . අදාල පාසලේ ගොඩනැගිලි පහසුකම් අවම මට්ටමක අබලන් ව තිබී ඇති අතර එය බැලු බැල්මට අත්හැර දමා තිබු ගව මඩුවක ආකාරයෙන් වී ඇත .

රංජිත්සින් දෙසාලේ ගුරු වෘත්තිය ඉමහත් ඇලුමින් තෝරා ගෙන තිබු හෙයින් අබලන් පාසැල් මඩුව ගැන කම්පා නොවිය . එය ක්‍රම ක්‍රමයෙන් පාසැල් සිසු සිසුවියන්ට ප්‍රිය ජනක ස්ථානයක් කිරීමට හැකි සැම විටම උන්නදු විය.

පාසලේ අබලන් ව තිබු ගොඩනැගිලි ක්‍රම ක්‍රමයෙන් ඔහුට හැකි අයුරින් ගොඩ නංවන අතරම ඔහුගේ සිත දිවගියේ දරුවන්ගේ පාසල් ගමනට ඇති වෙනත් බාධා කුමක් විය හැකිද යන වගයි…

ගැඹුරින් සොයා බලන විට ඒ සදහා ප්‍රධාන හේතුන් කීපයක් ඔහුට සොයා ගැනීමට හැකි විය ..

එනම් ගමේ ප්‍රචලිතව පැවති ළමා විවාහ මෙන්ම පාසලේ පොත් ප්‍රාදේශීය භාෂාවෙන් පල නොවීමත් මුලික හේතුන් බවට ඔහුට වැටහිණි.

ඔහු පලමුව සිදුකලේ ගම්මානයේ නිවෙස් කරා ගොස් අධ්‍යාපනයේ වැදගත් බවත් ළමා විවාහ වල අදිනවත් ඒ තුලින් සිසුවියන්ගේ ළමා කාලය විනාශ වීමත් අනාගතය ට සිදුවෙන අහිතකර තත්වයන් ද පෙන්නුම් කර දෙන්නට විය ..උත්සාහය ආරම්භයේ ඉතා අපහසු වුවත් එය ක්‍රම ක්‍රමයෙන් සාර්ථක ලකුණු පහල වන්නට විය.

ඔහු එතකින් නොනැවතී පාසලේ මුද්‍රිත පොත් ප්‍රදෙශියව කතා බහ කරන භාෂාවෙන් මුද්‍රණය කිරීමේ කාර්යය ද ඇරඹු අතර එම කාර්යය ද සාර්ථක ව අවසන් විය..මේ වනවිට යම් පමණකින් සිසු දරු දැරිවියන්ගේ පාසැල් පැමිණීම සාර්ථක වුවත් එහෙත් එය රංජිත්සින් දෙසාලේ ට සෑහීමට පත් නොවිය.

ඔහු සිදුකලේ පාසලේ අධ්‍යාපන කටුයුතු පලමුව කැසට් පටි ලෙසත් දරු දැරිවියන්ට ලබා දීමයි.. එය සාර්ථක වූ අතර ඔහු එතනින් නොනැවතී පාසලට පමනක් නොව ගමටත් ආලෝකයක් වෙමින් ඉන්පසු අධ්‍යාපන කටුයුතු වීඩියෝ හඩ පටද හරහාද සිසුන්ට ලබා දෙමින් දරුවන්ගේ දෙම්පියන්ටද තාක්ෂණ දැනුම වක්‍රව ලබා දීමට සමත් විය …ඉන්පසු ඔහු දරුවන්ට අන්තර් ජාලය ද හදුනවා දී ඇත .. ඒ තුලින් දරුවන් මෙන්ම ගම ද ජාත්‍යන්තරය කරා ඔහු ගෙන යන ලදී .

මෙම පියවරන් හි අවසන් ප්‍රතිඵල වුයේ දරුවන්ගේ පාසල් ගමන ඉහළ යාම පමනක් නොව ගමේ වැඩිහිට්යන් ද සමජියිය දැනුමින් පෝෂණය වීමය.

අද වනවිට මේ ගමේ සිසුවියන්ගේ ළමා විවාහ 100% නතර වී ඇත .. දරු දරු දැරිවියන් ඉතා කැමැත්තෙන් පාසල් පැමිණෙන අතර ඔවුන්ට අධ්‍යාපනය සදහා නව තාක්ෂනය මුසුව ඇත ,,,

රංජිත්සින් දෙසාලේ තම දැනුම පාසැල ට ගමට පමනක් සිමා නොකර අන්තර් ජාලය හරහා සම්බන්ධ වී නොමිලේ විද්‍යා දැනුම ද බෙදා දෙන්නට විය .. ඔහුගේ ව්‍යායාමය සාර්ථක වූ අතර වසර 10 ගත වනවිට එය ලොව පාසල් යාමට අපහසු හා ගැටුම් සහිත රටවල් හා පෙදෙස් 83 දැනුම බෙදා දෙමින් ව්‍යාප්ත වෙමින් ඇත.

මෙවර හොදම ජාත්‍යන්තර ගුරුවරයා තෝරා ගන්නා ක්‍රම වේදයට තෝරා ගත් ගුරුවරුන් 12 000 කින් අවසන් 10 දෙනා ඔක්තෝම්බර් මස නම් කරන ලදී .. ඒ අතරට රංජිත්සින් දෙසාලේ ට අමතරව ඉතාලි , බ්‍රසීල , වියට්නාම ,මැලේසියා , නයිජීරියා ,දකුණු අප්‍රිකා , දකුණු කොරියා ,ඇමරිකානු හා බ්‍රිතාන්‍ය ලෙසින් රටවල් 10 කින් අවසන් 10 සමන්විත විය …

අවසානයේ ඒ අතරින් ජාත්‍යන්තර ගුරුවරයා සම්මානයට නම් වුයේ අපේ අසල්වැසි ඉන්දියානු ජාතික රංජිත්සින් දෙසාලේය … ඔහු පවසන්නේ අධ්‍යාපනය යනු දරුවන්ගේ උපතින් ලබන අයිතියක් බවත් එය අහිමි නොවිය යුතු බවයි.

එසේම ඔහුට ත්‍යාග ලෙස ඇමරිකානු ඩොලර් මිලයනයක් හිමි වූ අතර ඔහු පවසන්නේ ගුරුවරයා යනු බදා ගන්නෙක් නොවෙන බවත් බෙදා ගන්නෙකු විය යුතු බවයි.. ඒ අනුව ඔහුට ලැබුණු ත්‍යාග මුදලින් ඔහු අඩක් පරිත්‍යාග කරමින් පැවසුවේ එය ඉතිරි අවසන් තරගකරුවන් 9 දෙනා අතර බෙදා දෙන ලෙසත් ඉල්ලා ඇත …ඔහුගේ ඉල්ලීම අනුව ඔහු ජයග්‍රහනය කල ත්‍යාග මුදලින් පරිත්‍යග කල මුදල් හේතුවෙන් අවසන් 10 මෙවර ඩොලර් 55 000 බැගින් ලැබෙනු ඇත.

රංජිත්සින් දෙසාලේ පවසන්නේ ඒ තුලින් ඒ අවසන් තරගකරුවන් 10 ට ද ඔවුන් ගේ රටවල් වල දරුවන් වෙනුවෙන් ඇරඹු ක්‍රියාමාර්ග නොකඩවා දියත් කිරීමට රැකුලක් වනු ඇති බවයි..

ජාත්‍යන්තර ගුරුවරයා සම්මානය ට අමතරව මෙවර covid 19 හේතුවෙන් තවත් විශේෂ ත්‍යාගයක් හදුන්වා දී තිබු අතර ඒ නම් “covid hero ” ලෙසය .. එම ත්‍යගය දිනා ගැනීමට සමත් වුයේ අවසන් 10 අතර සිටි බ්‍රිතාන්‍ය ජාතික ජෙමි ෆ්රෝස්ට් ය . ඔහු covid 19 හේතුවෙන් පාසල් ගමන අඩලව ව සිටින ලොව සියලු දරු දැරියන් වෙනුවෙන් නොමිලේ අන්තර් ජාලය හරහා ගණිත විෂය ඉගැන්වීමේ ව්‍යපෘතියක් දියත් කිරීම ආරම්භ කර දියත් කරමින් තිබේ ..

බ්‍රිතාන්‍ය ජාතික ජෙමි ෆ්රෝස්ට් පවසන්නේ තමන්ට හැකි සැම විටම ලොව පුරා සිටින දරුවන්ට අන්තර් ජලය හරහා නොමිලේ දැනුම ලබා දීමට තම උත්සාහය බවයි..

ලොව පුරා දරුවන්ට නොමිලේ දැනුම ලබා දෙමින් සිදු කරන ක්‍රියාව ඇගයීමට බ්‍රිතාන්‍ය ජාතික ජෙමි ෆ්රෝස්ට් ට ඇමරිකානු ඩොලර් 45 000 “covid hero ” වීමේ හේතුවෙන් මෙවර හිමි වී ඇත .

උපුටාගැනීම – ජෝසප් ඩයස් – JSD NewsLine

උපුටා ගැනීම: Nadeesha Rathnayake