මිනිහෙකුට ප්‍රශ්නයක් (වැල්වටාරම්)

දවසක් උදේ වැඩට යන්න ලක ලෑස්ති වෙන කොටත් ඊයේ ඉතුරු වෙලා තිබුණ

ඇරියර්ස් එකක් කවර් කරමින් හිටියේ වයිපර්..

ගෙදරින් පිට උනේ ම හොඳ හිතින් නෙවෙයි. පාරෙ යන එන උන් එක්කත් තරහයි. තව පොඩ්ඩෙන් බල්ලෙක්වත් යට වෙනවා වාහනේට.

ඒ අස්සේ එහෙන් මෙහෙන් දාන බයිසිකල්. චුට්ටක් ස්ලෝ වෙන කොට පිටිපස්සේ වාහනේ එකා හෝන් ගහනවා.

එපා වෙනවා ඉතින් මෙහෙම යනකොට.

ඔන්න කලර් ලයිට් එක ඊළඟට. තප්පර අනු නවය පෙන්නුවේ. ඕක ඉතින් තප්පර එකසිය විස්සෙ ඉඳල විනාඩි තුනක් ඒ කියන්නේ තප්පර එකසිය අසූව වෙන වෙලාවලුත් තියනවා.

ඒ ක්ෂණයෙන් වාහනේ වීදුරුවට තට්ටු කරනවා හිඟන්නෙක්.

ගනං නොගෙන ඉන්න හදලත්, ආයෙත් වීදුරුව පාත් කරල “

මොකද ?”

කියල නොනිමි කේන්තියන්ම ඇහුවා..

අනේ මහත්තයෝ මට උදේට කෑම ටිකක් කන්ඩ කීයක් හරි දෙන්ඩ බුදු මහත්තයෝ. ඊයේ රෑටත් කෑමක් නෑ..

උඹ ඔය බොරු නේ ද කියන්නේ. සිගරට් බොන්න නේද ඔය ඉල්ලන්නේ..

අනේ නේ. බුදු ලොකු මහත්තයෝ… මම ජීවිතේට සිගරැට් එකක් කටේවත් තියල නෑ මහත්තයෝ..

ආ එහෙනං අරක්කු බොන්න වෙන්න ඇති . දෙන්නෙ සල්ලි. යනව යනවා.

මම උපන් තේකට අරක්කු ඩිංගක් මේ උගුරෙන් පහළට දාල නෑ මහත්තයෝ..

අනේ කෑම ටිකක් කන්න කීයක්වත් දෙන්න මහත්තයෝ.

ආ හරි එහෙනං හරි . මේ වගේ වාහන වලින් සල්ලි එකතු කරල රෑ උනාම ගෑණුන්ට වියදං කරන්න නේද තෝ සල්ලි එකතු කරන්නේ.

කොල්ලට දැන් හොඳ ම එකෙන් තරහ.

මේකා යන්නෙත් නෑ..

හනේ දෙයියනේ කියන කතා. දෙයියංපල්ලා මගේ ගෑණි ඇර වෙන කිසිම ගෑණියක් දිහා මං එහෙම නරක විදිහට බලලවත් නැති එකේ මං එහෙම ගෑණුන්ට සල්ලි නාස්ති කරන් නෑ මහත්තයෝ.

මුගේ ආච්චිට කොච්චර කීවත් අහන් නෑ එනව මෙතන. හිටපිය තොට. කියල

කොල්ල වාහනයෙන් බැහැල හිඟන්නගේ බෙල්ලෙන් අල්ල ගත්ත. ඇදගෙන ගියා වාහනේ අතිත් පැත්තට.

අනේ අනේ මහත්තයෝ මාව අතාරින්න. අතාරින්න. මං යන්නං මහත්තයෝ

කියල කෑ මොර දෙද්දිම

වාහනේ ඒ පැත්තේ දොර ඇරල මුව තල්ලු කරා ඇතුලට.

කට වහගෙන හිටියේ නැත්තං මං තෝව කාරෙක ඇතුලෙ බාවනවා. ඔහොම හිටපිය.

ආපහු වාහනේට නැගල ඉස්සරහට ගිහින් හරවගෙන ආපහු එනව වේගෙන්..

අර හිඟන මිනිහා බයේ වෙව්ලනවා..

කෑ ගහන්න එපා කට පියාගෙන හිටපිය….

අපේ ඒකා ආයෙත් ඌට සැර දානවා..

ගියාට වඩා වේගෙන් ආපහු ආව ගෙදර.

බ්රාස්…..

ලොකු තිරිංග පාරක් එක්ක එක පාරම නැවතුනා වාහනේ ආව වේගෙටම.

ගෑණිත් බය වෙලා දුවගෙන ආව ඉස්සරහට.

බැහැල අනිත් පැත්තෙන් හිඟන්නව එළියට අරන් බෙල්ලෙන් අල්ලගෙන ම ගිහින් ගෑණු කෙනාගෙ කකුල් දෙක ළඟ වැටෙන්න තල්ලු කරා.

ගෑණිත් පුදුම වෙලා බලන් ඉන්නවා.

“ඕං….”

“ඕං බලාගං.”

“ජීවිතේට සිගරැට් එකක් බීල නැති, අරක්කු ටිකක් කටේ තියල නැති. වෙන ගෑණියක් දිහා බලල වත් නැති මිනිහෙක් දිහා. තෝ මටත් කියන්නේ හිඟන්නෙක් වෙන්න කියලද ” ?

ඌණ පූරණය..

මේ තුනෙන් එකක්වත් නොකරන එකා හිඟන්නෙකි.

හෝව්…. හෝව්……..

මම නෙවෙයි. ඒ කොල්ල කියන්නේ.

උපුටා ගැනීම: Waasala Mudiyanse