අප ජීවත්වන පෘථිවියේ තවමත් මිනිසා පය නොගැසූ ස්ථාන තිබෙන බව සිතීම ටිකක් අපහසුයි නේද? නමුත් සත්‍යය එයයි. ඒ විතරක් නෙමෙයි මේ සමහර ස්ථාන බොහෝ විශ්මයන්ගෙන් පිරී පවතිනවා. ඇත්තටම මිනිසාට මේ ස්ථානවලට ලඟා වීම ඉතා අසීරුයි. මේ ස්ථාන තවමත් නොයිඳුල්ව පැවතීමට හේතුවත් එයයි. මේ ස්ථාන පිලිබඳව දැනගැනීම හා දැක ගැනීම සිදුකරන්න පුලුවන් වෙලා තියෙන්නේ ගුවනින් පමණයි. අන්න ඒ වගේ විශ්මයෙන් පිරුණු මිනිසාගේ පා පහස නොලත් ලෝකය පුරා ඇති ස්ථාන 10ක් පිලිබඳව තමයි අපි අද ඔයාලට අරගෙන එන්නේ.
01. ෆොරෙස්ට් ලේක් – රුසියාව
මෙම විල පිහිටා ඇති හරිම ස්ථානය තවමත් හරියටම නොදනී. බොහෝ දෙනා පවසන්නේ මෙය රුසියාවේ ට්‍යුමෙන් පලාතේ පිහිටා ඇති බවයි.මෙය කෙතරම් ගැඹුරකින් යුක්ත ද යන්න කිසිවෙකු දන්නේ නැත.
02. ටෙපුයි – වෙනිසියුලාව
මෙම ස්ථානය පිහිටා ඇති ග්‍රෑන් සබානා හි ස්වදේශිකයන්ගේ බසින් ටෙපුයි යන වචනයේ තේරුම වන්නේ “දෙවියන්ගේ නිවස” යන්නයි.
03. හොනොකොහායු දියඇල්ල – මයුඉ
මෙම දුරස්ථ දියඇල්ල හා ඒ ආශ්‍රිත ප්‍රදේශ හරිත වර්ණයෙන් නැහැවී ඇත. එය දෙස බැලීමෙන් ස්වාභාවික ලෝකයේ සුන්දරත්වය, මහිමාන්විතභාවය සහ අභිරහස් හැඟීමක් ද ඔබට ලබා දෙයි. එහි ගමන් කිරීම ඉතා අසීරුය.
04. ඇමසන් වැසි වනාන්තරය
ඉතාමත් ආශ්චර්‍යයන් වලින් සපිරි මෙම අති විශාල වැසි වනාන්තරය බ්‍රසීලය, පේරු , කොලොම්බියාව,වෙනිසියුලාව, ඉක්වදෝරය, බොලීවියාව, ගයනා, සූරීනාම් හා ප්‍රංශ ගයනාව ආදී රටවල් නමයක් පුරාවට ව්‍යාප්තවී තිබෙනවා.මෙහි ඇති අති විශාලත්වය හා භයානකත්වය නිසා මෙහි ඇති රහස් දැනගැනීම මිනිසාට සිතාගන්නවත් නොහැකියි.
05. ගන්ඛර් පුඑන්සුම් – භූතානය
මිනිසා විසින් මෙතෙක් තරණය නොකරන ලද ලෝකයේ ඇති උසම කන්ද මෙයයි. එය භූතානය සහ චීනය අතර මතභේදාත්මක භූමියක පිහිටා ඇති අතර මීටර් 7,570 ක් උසට අහසට නැඟෙයි.
06. සින්ගි ඩී බෙමරහා, “ගල් වනාන්තරය” – මැඩගස්කරය
මෙම පාෂාණ ප්‍රක්ෂේපන සහ කැනියන් වසර මිලියනයක කාලයක් තුළ විශාල වශයෙන් ගුහා ස්වරූපයෙන් භූමිය යට පිහිටුවා ඇත. වසර ගණනාවක් පුරා, මෝසම් වැසි මගින් හුණුගල් හා හුණු අවසාදිත ස්ථර මීටරයෙන් මීටරය සේදී ගොස්, මීටර් 120 ක් පමණ ගැඹුරට ළඟා විය හැකි අද්විතීය, අද්භූත පෙනුමක් ඇති ස්වාභාවික පාලම්, ස්පියර් සහ ගෝර්ජ් වැනි පද්ධතියක් නිර්මාණය වී ඇත.
07. කෙර්ගුඑලෙන් දූපත්
මෙම දූපත් අති විශාල ඉන්දියෙන් සාගරයේ ඈත කෙළවරක සැගවී ඇත. මෙහි මව් රට වන්නේ ඊට සෑහෙන්න ඈතින් තිබෙනා ප්‍රංශය යි. මේ සදහා කිසිදු සංචාරකයෙක් හෝ ගුවන් යානයක් පැමිණෙන්නේ නැත. මේ සදහා පිවිසීමට හැක්කේ මැඩගස්කරය ආසන්නයෙන් බෝට්ටුවකින් පමණි.
08. රොක් දූපත් – පලාවු
නූතන මානව ශිෂ්ඨා චාරය සඳහා, රොක් දූපත් යනු ලෝකයෙන් ඉතා දුර බැහැර ප්‍රදේශයකි. නමුත් මෙයට වසර දහස් ගණනකට එපිට ඉතිහාසයේ මිනිසුන් මෙහි සිට ඇතිබවට විශ්වාසයක් පවතී. පුරා විදයා ගවේශණ මගින් මෙහි කුඩා මිනිසුන්ගේ අඩි සලකුණු වල සාක්ෂි සොයාගෙන ඇත.
09. ඩැලල් ගිනිකදු – ඉතියෝපියාව
ඇත්ත වශයෙන්ම කියනවනම් ඩැලල් කියන්නේ මිනිසා විසින් ස්පර්ශ නොකළ භූමියක් නොවෙයි. මෙහි ලුණු කැනීම සිදුවෙනවා. නමුත් ගිනි කන්දෙහි ආසන්න ප්‍රදේශය ඇත්ත වශයෙන්ම ජනාවාස කිසිවකින් තොරයි. විශ්මය ජනක ලෙස විද්‍යාඥයින් විශ්වාස කරන්නේ මේ ගිනිකඳු, පිටසක්වල භූ දර්ශනයක් වන බ්‍රහස්පති ග්‍රහලෝකයේ ගිනිකඳු චන්ද්‍රයා වන අයෝට කැපී පෙනෙන සමානකමක් ඇති බවයි.
10. පැල්මයිරා ඇටොල්
හවායි දූපත්වලට දකුණින් පැසිෆික් සාගරයේ සමක කලාපයේ පිහිටා ඇති මෙම පෞරාණික දූපත අද්භූත, ඉන්ද්‍රජාලික බලවේගයක වාසස්ථානය යැයි කියනු ලැබේ.
උපුටා ගැනීම: Ceylon journal