ඉන්දුනීසියාවේ දකුණු සුලවේසි හි වෙසෙන ටෝරාජා ගෝත්‍රිකයන් සෑම වසර තුනකට වරක් ඔවුන්ගේ මියගිය ඥාතීන්ගේ මිනිවල වල් හාරා ඔවුන්ගේ ආත්මයන්ට ගෞරව දැක්වීම සඳහා ඔවුන් සහ මිනී පෙට්ටි පිරිසිදු කරන අතර
“මානේ”නමින් හදුන්වන මෙම චාරිත්‍රය අගෝස්තු අස්වැන්න නෙළීමට පෙර හෝ පසුව සිදු කරනු ලබනවා.
මිලියනයකට ආසන්න ජනතාවක් සිටින මෙම ගෝත්‍රය ක්‍රිස්තියානි,මුස්ලිම් ආගම් අදහන අතර සමහරු අලුක් නම් ආගමක්ද අදහනවා. මියගිය ගමන් ඔවුන්ව සොහොනට රැගෙන යාමක් හෝ වැලලීමක් සිදු නොකර අතර නිවසේම වෙනම කාමරයක සිරුර මාස ගනනක් ඔවුන්ට ආවේනික මමීකරන ක්‍රමයක් හරහා දිරා නොයන පරිදි තබා ගනී.. ඒ සෑම දිනකම ඔවුන්ගේ සුවදුක් බැලීම සිදු කෙරේ. ඉන්පසු මාස ගනනකට පසු හෝ අවුරුදු කිහිපයකට පසු වලදානු ලබනවා.
නමුත් ඔවුන්ගේ සත්කාර නතර වන්නේ නැ. ඉන්පසු අවුරුදු 3කට වරක් නැවත මිනී ගොඩ ගන්නවා. ඔවුන් මියගිය පවුලේ සාමාජිකයන්ගේ සොහොන් ගෙට ගොස් ඔවුන්ගේ සොහොන් පිරිසිදු කරනු ලබනවා. ඒ වගේම මිනීය ඉවතට ගෙන හොදින් පිරිසිදු කර අලුත් ඇදුම් අන්දවා, හැඩවැඩ දමා ඔවුන්ව අලංකාර කරනවා.මෙම කාලය තුළ මළ සිරුරුට ආහාර, ජලය, ඇඳුම් ලබාදෙන අතර සිගරට් වලින් පවා සංග්‍රහ කරනවා.
ආදරණීයයන් මිය ගිය විට පවුල් ඔවුන්ගේ සිරුරු සමහර විට අවුරුදු ගනනාවක්ම තමන්ගේම නිවෙස්වල හෝ ‘ටොංකොනන්’ නැමැති මිනී තැන්පත් කරන කුටිතුළ තබා ගන්නවා.
ටෝරාජා විශ්වාස අනුව මරණය විශ්වය හරහා ආත්මයේ ගමනේ ඊළඟ පියවර ලෙසයි ඔවුන් සලකන්නේ..
උපුටා ගැනීම: රාම් වණා