ඇත්තටම ශාසනේට මේ මොකක්ද වෙන්න කියල හිතුන්නෙ නැද්ද ? 
මට නම් හිතෙන්නෙ මෙහෙම,
හතර කේන්දරේ පාලු උනා කියල නොදන්නා පොඩි කාලෙම
තමන්ගෙ කිරි සප්පයව මහණ කරනව.
නැත්නම් ,
හිතල හෝ නොහිත
දරුවෙක් මේ ලෝකෙට බිහිවුනාට පස්සෙ
ආර්ථික අපහසුකම් නිසා කන්න බොන්න දෙන්න විදිහක් නැහැ කියල ,
දරුව මහණ කරනව.
තමන් හදපු වදපු දරුව පුළුවන් විදිහට
ජීවත් කරවන්න.
හිඟා කාල හරි
ජීවත් වෙන්න පුළුවන් වටපිටාවක් ***තවම මේ පුණ්‍ය භූමිය තුල තියනවා ,
නොකා නොබී
මැරෙන්න දෙන එකක් නැහැ , හදවත් උණුවෙන මිනිස්සු තවමත් අපි අතරෙ ජීවත් වෙනව.
ඉහත කරුණු හේතුවෙන් පොඩි කාලෙම ශාසනයට ගොඩවදින කුඩා සාමණේර හිමිවරුන්,
ගිරව් දෙන්න
හුළඟට ගහගෙන දෙපැත්තට විසි උනා වගේ
හොඳ නරක පැති වලට විසි වෙලා යනව.
යහපත් ගුණ ගරුක ,ධර්මධර ගුරු හිමිනමක් යටතේ පැවිදි උනොත් උන්වහන්සේගේ අඩිපාරෙ යනව වගේම ,
ඊට හාත්පසින්ම වෙනස් චීවරධාරියෙක් යටතට පත් උනොත්
නිර්වානය කෙසේ වෙතත්
රජුන්ට ආවඩන ,
බල ලෝභීත්වයෙන් පිරුණු ,
සමාජයේ යහපත වෙනුවට තමන්ගෙ සහ සහචරයන්ගේ සුඛවිහරණය
උදෙසා චීවරයට වැසුනු පිළිලයක් නිර්මාණය වනු නොඅනුමානය.
කුඩා කලම පැවිදි වී
නිසි ලෙස ධර්මය අවබෝධ කරගෙන
ශාසනික සහ සමාජීය
මෙහෙවරක නියැලෙන
උතුම් භික්ෂූන් වහන්සේලාද ,
පසුකාලීනව
ධර්මාවබෝධයෙන්ම පැවිදි වී භාවනායෝගීව
නිවන් පසක් කරගන්නා ආරණ්‍යවාසී භික්ෂූන් වහන්සේලාද
අපගේ පිනට තවමත් මේ පුන්‍ය භූමියේ සිටිත්..
එවන්,
යම්කිසි ගුණවත් ,සිල්වත් ස්වාමීන්වහන්සේ නමකට
හෝ
උතුම් බුද්ධ ශාසනයට අගෞරවයක් සිදු කිරීමේ අදහසින් ලියූවක් නොව,
තර්ක කරන්න , බැණගෙන රෙදි උස්සගෙන එන්නත් එපා.
මොකද
ඔය සම හරක්
තරම් අපි ගොඩක් දේවල් දන්නෙ නැහැ.
හැබැයි කියන්න ඕනි කියල හිතට එන දේ තේරෙණ භාෂාවෙන් ලියනව.
මේ වගේ දේවල් කිව්වහම
ගොඩක්ම හිත රිදෙන්නෙ නාඩගම්කාරයෝ එකේ ලේඛමා වගේ පන්සල් පාලුවන්ට(භික්ෂූන් නොවේ).
ශාසනාලයෙන් යුතු යම් අයකුට මින් සිත්‍ රිදවීමක් වූවා නම් සමාවන සේක්වා 
උපුටා ගැනීම: මාලක අමිල