බොහොම දෙනා කියන කතාවක් තමා කොච්චර හම්බ කරත් ඉතුරුවක් නෑ කියලා. ඉතිං එහෙම නොවී සල්ලි ඉතුරු කරගෙන ජීවත් වෙන්න පුළුවන් ක්‍රම ටිකක් තමා අද කියන්නෙ.
- උපයන මුදලට වඩා වියදම් නොකරන්න. ඔයා වියදම් ලැයිස්තුවක් සකස් කරගෙන ඒකට අනුව වැඩ කරන්න
- තේරුම් නැති දේ මිළදී නොගන්න.ඉතිං දෙයක් මිළදි ගැනීමට අවශ්‍ය වූ විටදී කිහිප වරක්ම සිතා බලන්න.
- දකින දකින දේ මිළදී ගැනීමේ පූරුද්දක් වෙයි නම් මිළදී ගැනීම් ලැයිස්තුවකට අනූව කටයූතු කරන්න. ˜සේල්˜ යැයි සඳහන් ස්ථානයන්ට යාම ටිකක් අඩු කරන්න
- මිළ අධික දේ වෙනුවට එයට සමාන වූ විකල්ප භාණ්ඩ මිළදී ගෙන එහි ගුණාත්මක බව හා මූදල් ඉතිරිය බලන්න
- කඩේට යද්දි කුසගිනි සහිතව නොයන්න. එවිට අනවශ්‍ය රසකැවිලි සඳහා මුදල් වැය වෙන්නෙ නෑ.
- ක්‍රෙඩිට් කාඩ් භාවිතය හැකි තරමින් සීමා කරන්න. ඒ සමගම මාසික බිල්පත් සම්පූර්ණයෙන්ම ගෙවන්න. හැකි තරමින් ක්‍රෙඩිට් කාඩ්වල මූදල් ගෙවා නිමා කරන්න. නැත්නම් ඔබට අනවශ්‍ය ලෙසින් පොලිය ගෙවීමට සිදු වේ.
- සැමවිටම මූදල් වියදම් කිරීමට පෙර සැලසුමක් සකස් කරගන්න. ඒ තුළින් යම් ප්‍රමාණයක් ඉතිරි කළ හැකි මාර්ග කල්පනා කරන්න
- අවම වශයෙන් මසකට රුපියල් 1000 ක්වත් ඉතිරි කිරීමට සැලසුමක් යොදන්න. ඒ සඳහා නිතර භාවිත නොකරන ගිණුමක යම් මුදලක් තැන්පත් කරන්න. මේ සඳහා ඔබ මඳක් දුරින් පිහිටි බැංකුවක අලුත් ගිණුමක් අරඹන්න. එවිට පහසුවෙන් මුදල් ගැනීමට නොහැකි වීමෙන් මුදල් ඉතිරි වේ.
- නිශ්චිත දිනයකදී වැටුපෙන් 5% ක් වත් ඉතුරු කරන්න උත්සාහයක් දරන්න. එම මුදල් නිශ්චිත දිනයකදී බැංකුවට බැර කරන්න උත්සාහ වීමෙන් එය අනිවාර්යෙන්ම සිදු වේ.
- වැඩිපුර මුදල් ළඟ තබා නොගන්න. අවශ්‍ය මුදල් පමණක් බැංකුවෙන් ලබා ගන්න.
- මුදල් යළි ලැබීමට හැකි ආයෝජනයකට මුදල් යොදවන්න. එය කුඩා ව්‍යාපාරයක් හෝ ස්වයං රැකියාවක් වුනත් හොඳයි.
- පිටතින් ආහාර ගැනීම අඩූ කර ආහාර නිවසේදීම සකස් කරන්න.
- යාළුවන් හා නෑයින් සමග තරග කිරීමට නොයන්න. යාළුවන් හා නෑයින් ජීවන විලාසිතා සමග ඔබේ ජීවිතය සසඳා නොබලන්න.
- මුදල් ඇති විට දී මුදල් කළ හැකි යම් යම් සහතික පත් මිළදී ගන්න. එවිට පොලියත් සමගම එය නිශ්චිත කාලයකින් පසුව මුදල් කළ හැකි වේ.
- ජංගම දුරකතන බිල හැකි තරම් අවම කරගන්න. සැමවිටම කාර්ය බහුල නොවන වේලාවන්හිදි පමණක් නිවසේ දුරකතනය භාවිත කරන්න.
- තමාගේම මෝටර් රියෙන් හෝ පාසල් වෑන් රථවලින් දරුවන්ව පාසල් යැවීම වෙනුවට ඔවුන් බස් රථ හා දුම්රියෙන් යෑම පුරුදු කර වාර ප්‍රවේශ පත්‍රයක් ලබා දෙන්න. එවිට විශාල මූදල් ඉතිිරියකි.
- පුවත්පත් සඟරා මිළදී ගැනීම සීමා කරන්න. සැමවිටම නිවසේ අය එයින් ප්‍රයෝජනයක් ඇතිද විමසා බලන්න.
- කඩේට යද්දී බෑගයක් ගෙන යන්න. එවිට අලූ‍තින් බෑග් මිලදී ගැනීමට සිදු නොවේ.
- ගෘහනියක් ලෙසින් ඔබේ පාවිච්චියට මෝටර් රථයක් මිළදී ගන්නේ නම් ඒ සඳහා ඉන්ධන අඩුවෙන් වැය වන වාහනයක් තෝරාගන්න.
- වේගයෙන් රිය පැදවීම අනවශ්‍ය ලෙසින් තිරිංග තද කිරීම හා අනවශ්‍ය ගමන්බිමන් වලින් වළකින්න. සැලකිය යුතු මුදලක් ඉන් ඔබට ඉතිරි වේ.
- සැම විටම රැකියාවක් තෝරා ගනිද්දි වැටූප වැඩිම ස්ථානය තෝරාගන්න.
- මිළ අධික භාණ්ඩයක් මිළදී ගැනීමට පෙර ඒ ගැන දන්නා අයගෙන් විමසා බලන්න. එවිට ඉතා හොඳ වර්ගයක් අඩු මුදලකට ගැනීමට හැකි වේ.
- සුභ පැතුම් පත් මිළදී නොගෙන ඒවා ගෙදරදීම සකස් කර ගන්න උත්සාහ ගන්න. දරුවන්ගේ ඇඳුම් සාරි ආදිය ද එසේ සකස් කර ගැනීමෙන් මුදල් ඉතිරිය සේම වැඩි අලංකාරයක් ලැබීමට හැකි වේ.
- විදුලි පරිභෝජනය සීමා කිරීම ගෙදරට බොහෝ මුදල් ඉතිරි කර දෙන්නක්. නිවසේ විදුලි පහන් නිවා දෑමීමෙන්, එක්වර ඇඳුම් මැදීමෙන්, දවසකට එක්වරක් පමණක් වතුර ටැංකිය පිරවීමෙන් ඔබට විදුලිබිල ඛෙහෙවින්ම අවම කරගත හැකිය.
- ගෙදර සැමට එකවර තේ පිළියෙල කරන්න.
- නිතරම ඉවසීමෙන් කටයුතු කරන්න. මුදල් වැය කිරීමට පෙර එය අධ්‍යනය කරන්න.
- ආහාර ද්‍රව්‍ය, මුදල් හැකි තරමින් අවම කිරීමට උත්සාහ කරන්න.
- මෝටර් රියෙන් යම් ගමනක් යෑමට පෙර එය සැලසුම් කරන්න. ගමන් කළ යුතු මාර්ගය එම ගමනේදී ඉටු කළ හැකි දේ ඒ සඳහා ගත වන කාලය කල්තියා සැලසූම් කිරීමෙන් සියලු කටයුතු මඟ හැරීමකින් තොරව ඉටු කර ගත හැකි වේ. එමගින් ඉන්ධන සඳහා වැය වන මුදල් ඉතිරි කර ගැනීමට හැකි වේ.
- යම් යම් මිළදී ගැනීම්වලින් ඔබට ලැඛෙන මාරු කාසි වෙනම භාවිතයකට රැස් කරන්න. සෑම මසකට වරක් එම මුදලට තවත් මුදලක් එක් කර එය බැංකුවක තැන්පත් කරන්න. ඒ සඳහා ග්‍රාමීය බැංකුවක් වඩාත් සුදුසු වේ.
උපුටා ගැනීම: The Lanka Post