සම අපේ සෞඛ්‍යයේ කැඩපත බඳුය.අපේ සිරුර අභ්‍යන්තරයේ එහි ක්‍රියාකාරීත්වය සම්බන්ධයෙන් ඇතිවන ඕනෑම වෙනස්කමකදී සහ ඕනෑම අකර්මන්‍යතාවකදී , අපේ සම සංවේදීවීම හා ප්‍රතික්‍රියාක්‍රියා කිරීම සිදුවේ.බොහෝ විට කුශ්ඨ දැමීම, පලු දැමීම, කුරුලෑ බිබිලි සමේ හටගැනීම ආදි ලක්ෂණ හරහා ඒ බව සංඥා කරයි.
මුහුණේ කුශ්ඨ දැමීම, එහෙමත් නැතිනම් රෑෂ් තත්වයක් ඇතිවී තිබෙන්නේ ශරීරයේ යම් අවයවයක , පද්ධතියක හටගත් ගැටලු තත්වයක් නිසා විය හැකිය.මුහුණේ විවිධ තැන් වල හටගෙන ඇති කුශ්ඨ බිබිලි මඟින් ඔබේ සිරුරේ පවතින ඇතැම් සෞඛ්‍ය ගැටලු ගැන ඉඟි කරනු ලබයි. එවැනි ගැටලු කිහිපයක් ගැනයි මේ තොරතුරු.
- නළල හා ඇහිබැමි
නළලේ හෝ ඇහිබැමි වලට උඩින් කුශ්ඨ බිබිලි මතුවී තිබීමෙන්, බොහෝ දුරට පෙන්නුම් කරන්නේ ආමාශයීය-ආන්ත්‍රිය මාර්ගයේ යම් යම් ගැටලු පවතින බවය.ඇහිබැමි යාවන කොටස සිරුරේ වකුගඩු ක්‍රියාකාරීත්වය සඳහා වගකියනු ලබයි.මේද අධික හා ගැඹුරු තෙලේ බදින ලද ආහාර වලින් වැළකීසිටීමට මෙන්ම මද්‍යසාර පරිභෝජනය අවම කිරීම/වැළැකී සිටීමට උත්සහ කරන්න.
- නාසය
නාසය මත කුරුලෑ වර්ධනය වීම ආතතිය වැනි හේතූන් නිසා වන හෘත්වාහිනි පද්ධතියේ යම් යම් ගැටලු පවතින බවට ඉඟි කරයි.ක්‍රියාශීලී දිවිපෙවෙතක් ගත කිරීමට උත්සහ කරන්න. නිතරම සැහැල්ලුවෙන් සිටින්න. දිනපතාම ප්‍රමාණාත්මක මෙන්ම ගුණාත්මක හොඳ නින්දක් ලබාගන්න.
- කන්
චීන වෛද්‍යවරුන්ගේ මතයට අනුව, කන් වල ඇති සම සිරුරේ වකුගඩු හා මූත්‍රා පද්ධති ක්‍රියාකාරීත්වයන් සමඟ වෙන්කළ නොහැකි ආකාරයෙන් සම්බන්ධ වී පවතියි.කන් වල කුරුලෑ ඇතිවී තිබෙනු දැකිය හැකිනම්, පළමුව කළ යුත්තේ ඔබේ ලුණු හා කෝපි පරිභෝජනය හැකිතාක අවම කිරීමයි. දිනකට ලීටර් 1.5-2 අතර ප්‍රමාණයක් හොඳින් ජලය පානය කරන්න.
- කම්මුල් හා කොපුල් අස්ථි
කොපුල් අස්ථි හා කම්මුල් වල ඉහළ ප්‍රදේශය මඟින් අපේ පෙනහළු හා ශ්වසනාලිකා වල ක්‍රියාකාරීත්වය විදහාපායි.මේ ප්‍රදේශ වල කුරුලෑ මතුවීමෙන් ඔබේ ශ්වසන පද්ධතිය හා සම්බන්ධ ගැටලු පවතින බව පෙන්නුම් කරනවා විය හැක.ආසාත්මිකතා තත්වයන් ඇතිවී තිබීම ද එයට හේතුවක් විය හැකිය.
කෙසේවෙතත්, කම්මුල් වල පහළ කෙළවර ප්‍රදේශයේ කුශ්ඨ මතුවීම දන්ත ගැටලු පවතින බව පෙන්නුම් කරයි.
ඔබේ ශ්වසන පද්ධතියේ නීරෝගිකම ගැන සැළකිලිමත්වන්න. පිටත ඇවිදිමින් නැවුම් වාතය ආශ්වාස කරන්න. දුම්පානයෙන් වළකින්න. දුම් සහිත ස්ථාන වලට නිරාවරණය වීමෙන් වළකින්න. හැකිතාක් එම ස්ථාන මගහරින්න.
ඔබේ දන්ත සෞඛ්‍ය හා සනීපාරක්ෂාව ගැන වැඩි අවධානයක් යොමුකරන්න. පැණි රස කෑම වගේම පැණිරස සෝඩා බීම වර්ග පරිභෝජනය අඩුකරන්න.
- තොල්
මුඛය වටා චර්ම ගැටලු මතුවීම මඟින් අජීර්ණය හා අන්ත්‍ර භ්‍රාසය (intestinal spasms) තත්වයන් හි ප්‍රතිඵලයක් ලෙස ඇතිවන ආහාර ජීර්ණය සම්බන්ධ ගැටලු පිළිබඳ සංඥා කිරීමක් වැනිය.
ක්ෂණික හා කෘතිම ආහාර වලින් සම්පූර්ණයෙන් වැළකී සිටීමට උත්සහ කරන්න.එළවළු හා පලතුරු වැනි තන්තු (කෙඳි) බහුල ආහාර වර්ග ඔබේ එදිනෙදා පරිභෝජනය සඳහා එකතුකරගන්න.
- නිකට
මෙම ප්‍රදේශයේ කුශ්ඨ හටගැනීම සාමාන්‍යයෙන් අපේ අවධානය ප්‍රජනන පද්ධතිය වෙත යොමුකරවයි.හෝර්මෝන අසමතුලිතතා ගැටලු හා ඔසප් චක්‍රයේ එක්තරා අවදියක් ගතවෙමින් තිබීම ද මේ තත්වයට බලපෑ හැකි තවත් හේතුන් වේ.නිකටේ කුරුලෑ ඇතිවන්නේ එක්වරකදි පමණක් නම් කලබල වීමට කිසිඳු හේතුවක් නැත.නමුත්, බොහෝ කාලයක් තිස්සේ නිකටේ කුශ්ඨ තත්වයක් පවතින බව දැකිය හැකි නම් , වහාම වෛද්‍යවරයෙකු වෙත යොමුවීම නුවණට හුරුය.
උපුටා ගැනීම: The Lanka Post