නාග ඇබැද්දිය (වැල් වටාරම්)

ස්ථානය: ප්‍රසන්නගම,,බින්ගිරිය

සෑම නත්තලකටම පසුදින මගෙ මල්ලිගෙ නිවසට එකතුවීම අපේ ප්වුලේ දීර්ග කාලීන සිරිතක්.මල්ලි පවුලේ බඩ පිස්සා.

මේ සිදුවීමවූ දිනය වඩාත් මතකයේ රැඳෙන්නේ,එදින ලංකාවට මහා විනාශයක් සිදුවූ සුනාමිය පහර දුන් දිනය වීමයි .2004 දෙසැම්බර් 26 වෙනිදා.

එහෙත් මේ කතාව සුනාමියට කිසිම සබන්දයක් නැහැ.සුනමිය වැදුනේ උදේ නවයයි ගානකට.අපි මහත් පුදුමයෙන් විවුර්ත මුකයෙන් ටී වී බලා සිටියා.මෙච්චර දියුනුයි කියන ලෝකෙ අපි සුනාමි ගැන මොන ඉටි ගෙඩියක් වත් නොදැන සිටීම ඉතාම කණගාටුදායකයි.(සුනාමිය ගැන පසුව ලියනවා,ලමා පරපුරේ දැන ගැනීම සදහා)

ඉතින් 26 දා මුලු දවසම මාතෘකාව සුනාමි.නත්තල් ප්‍රීතිය අඩාල වුනා.රාත්‍රී ආහරයෙන් පසු සියලු දෙනා,දරුවන්ද ඇතුලුව මහ රෑ වනතුරු සුපුරුදු පරිදි කතා බහේ යෙදී සිටියත්,සතුටක් නොවුයේ ප්‍රවුර්ති වල ඇසුනු දේ නිසාවෙනි.මැදියම් රැයෙන් පසු සියුලු දෙනා නින්දට ගියා.

* * * *

මේ දිනවල මල්ලිගේ නිවස අලුත්වැඩියා කරමින් තිබුනු අතර කාමර ජනෙල් පියන් පත් ගලවා දමා තිබුනි .මම නිදා ගත්තේ පිටත කාමරයක වූ අතර අක්කා සහ සැමියා අල්ලපු කාමරයෙ සිටියා.

ඉතා හොඳ තද නත්තල් නින්දක හිටපු මට අමුත්තක් දැනී ඇහැරුනා.මා නිදා සිටියේ මූනින් අතටයි.අපේ පවුලේ පිරිමි සියුලු දෙනා නින්දට යන්නේ මූනින් අතට සහ කකුලක් මත කකුලක් දමා ගෙනය.

මට දැනුනා බරැති යමක් මගෙ පිට මත තිබෙන සෙයක්.එය හෙමින් සෙලෙවෙන බවක්ද දැනුනා.හරියට දඟරයක් වැනි දෙයක්.යමෙකුගේ පිට මත නාගයෙක් දරන ගසා සිටි දසුන්ක් ,දුටු දෙයක් මගේ මනසට ආවා.මම ඉතා බියට පත්වුනා.නාග රාජයෙක් පිටමත,කොහොමද? මට මහ දාඩිය දැම්මා.

නිවසෙ ලයිට් නිවලා,සියලු දෙනා නිදි.යන්තම් ආලෝකය තිබුනට කෙසෙවත් මගෙ පිටමත පේන්නෙ නැහැ නෙ.මට ඇහැරිලා බව සතාට දැනිලා ඌ තව හොදිබ් දරන ගසනවා මට දැනෙනවා

හෙල්ලෙන්නවත් ඇඹරෙන්නවත් මොකුත්ම කරන්න බැහැ.කෑ ගසන්නත් බයයි

නාගයා කලබල වුනොත් මට දස්ට කරාවි.

එක්වරම සතාව ඉවතට විසිවෙන ලෙස ඇඳෙන් පනින අන්දම මම කීපවරක් හිතෙන් පෙරහුරු කලා.

දිග වෙලාවක් ගතවුනා..ඌ ඉඳහිට තම ඉරියව් වෙනස් කරන බව මට දැනුනා.ලොකු සතෙක් විය යුතුයි.සෑහෙන බරක්.කාගෙන් හෝ උදව් ඉල්ලල කෑ ගහන්න බයයි. නයා බයවෙල මොනවා කරාවිද?හිතන්ඩ බැහැ.

ජීවිතයත් මරනයත් අතර මානසික යුද්දයක පැය බාගයක් විතර නිරතවෙලා හිටියා.ආගම සිහිකලා නොවෙයි ආගම සිහිඋනා .

* * ** * *.

හිටි ගමන් වෙනසක් දැනුනා.නාගයා ඉරියව් වෙනස් කරමින් හෙමිබ් ඉවතට ඇදුනා.මම වේගයෙන් ඉවතට පැන ලයිට් එක දැම්මා.තියුනු දිලසෙන ඇස් දෙකක් මාදෙසබලා සිටියා.එවිටයි මට කාරනා වැටහුනේ.

මල්ලිගෙ ලොකුපුතා එතකොට ඉලන්දරියෙක්.එයා පොඩිකාලෙ ඉඳල්ම අනෙක් ලමයින්ට වඩා වෙනස් .සත්තුන්ට ආදරෙයි.කරන්නෙ අමුතුම දේවල්.ඉස්සර නරි පැටියෙක් අල්ලගෙන ගෙදර ඇතිදැඩි කලාලු .මේ සතා කලවැදි නාම්බෙක් .ඌ ඉන්නෙ සිවිලිම අස්සෙ රෑට ඉලියට එනවා.මාත් එක්ක තුරුලු වෙන්නයි ඇවිත් තියෙන්නෙ.ඌට ආතල් මට භීතල්.

ඌව එලවන්න ,එලවන්න ලඟටම එනවා.බේරෙන්න බැහැ.මම ඌව හෙමීට ඔසවාගෙන ගොස් අක්කගෙ කාමරේ ජනේලෙන් ඇතුලට දාලා ඇවිත් නිදා ගත්තා.ටිකකින් අක්කා මර ලතෝනි කෑ ගැහිල්ල්ක් කදැම්මා.

මම කල වැඩේ තවම රහසක්.ඒ අක්කා දැන් ඉන්නෙ ඇතුගල්පුර. f B innawa.හෙට කාටත් පෙනෙයි මට බනින හැටි .බැනල කොමෙන්ට් එකක් තිබුනොත් ඒ මගෙ ආදර අක්කා .

  උපුටා ගැනීම:  ඇන්ටනි පෙරෙරා