හොලිවුඩයේ වේවා, බොලිවුඩයේ වේවා ,නොලිවුඩයේ, කොලිවුඩයේ වේවා නළු නිළියන් යනු සමාජයට ඉමහත් බලපෑමක් කල හැකි පිරිසක් බව අවිවාදිතය. අප දැනුවත්ව හෝ නොදැනුවත්ව ඔවුන්ගෙන් සමාජයට වෙන බලපෑම ඉමහත් ය. ඔවුන්ගේ කතා විලාශය, කොන්ඩා මෝස්තරය හෝ ඇඳුම් ඇඳීමේ ක්‍රමය මෙන්ම හරි හෝ වැරදි සිරිත් විරිත් පවා අනුගමනය කරන මිලියන ගනනක ජනකායක් ලොව පුරා සිටී.
බොහෝ විට සිනමා ශාලාවක ප්‍රදර්ශනය වන සිනමාවකට ප්‍රේක්ෂකයන් ආකර්ෂනය වන්නේ තමන් ප්‍රියකරන නළු නිළියන් එහි සිටීම නිසාය. එනිසා මේ නළු නිළියන්ගේ හැකියාව, ආකර්ෂණය මෙන්ම ඔවුන්ට ආකර්ෂනීය නමක් තිබීමද ඔවුන් ගේ පැවැත්මට වැදගත් ය.
අද බොලිවුඩයේ දැවැන්ත තාරකාවන්ගේ නම් වල බර හා වැදගත්කම ගැන ඔබ කවදා හෝ කල්පනා කර තිබේද? ඔවුන්ගේ නම් කොටුවෙන් පිටත නම් උච්චාරණය කිරීමට අපහසු වනු ඇත. බොහෝ බොලිවුඩ් නළු නිළියන් කර්මාන්තයට පිවිසීමට පෙර ප්‍රේක්ෂකයන්ගේ ආකර්ෂණය ලබාගත හැකි වන පරිදි මෙන්ම සිනමාවට උචිත වන ලෙසට ඔවුන්ගේ නම් වෙනස් කිරීමට වග බලා ගනී. කර්මාන්තයට පිවිසීමට පෙර ඔවුන්ගේ නම් වෙනස් කළ බොලිවුඩ් නළු නිළියන් කිහිප දෙනෙකුගේ නම් මෙන්න.
1.අක්ෂේ කුමාර් ට සිය දෙමව්පියන් තැබු නම වූයේ රජීව් හරි ඕම් භාතියා ය
2. කියාරා අද්වානිගේ නියම නම ආලියා අද්වානිය
3.අයුෂ්මාන් කුරානා ගේ මුල් නම නිශාන්ත් කුරානා ය.
4. ශිල්පා ෂෙට්ටි ගේ දෙමව්පියන් තැබූ නම අෂ්විනී ෂෙට්ටි ය.
5. කත්‍රිනා කයිෆ් ගේ නම පැවතියේ කත්‍රිනා ටර්කෝට් ලෙසටය.
6. අජේ දේව්ගන් ගේ සැබැ නම විශාල් දේව්ගන් ය.
7. දිවංගත ශ්‍රීදේවි ගේ නියම නම වූයේ ශ්‍රී අම්මා යංගර් අය්යප්පන් ය.
8. ටයිගර් ෂෙරොෆ් ගේ මුල් නම ජයි හේමන්ත් ෂෙරොෆ් ය.
9. රාඛි සාවන්ත් ට පෙර පැවති නම වූයේ නීරු භිඩා ය්.
10. සයිෆ් අලි ඛාන් ගේ සැබෑ නම සජිඩ් අලි ඛාන් ය.
11. ඒ වාගේම බොලිවුඩයේ සිනමා රජු අමිතාබ් භච්චන් ගේ මුල් නම ඉන්කිලාබ් ශ්‍රිවාස්තවා බව ඔබ මීට පෙර දැන සිටියාද ?
