නැනෝටෙක් ඉතිහාසයේ තියුණුම කඩු සෑදීම වසර 2000 කට පෙර ආරම්භ වී ඇත. පුරාවෘත්තීය කාබන් නැනෝ තාක්ශනය මත පදනම්ව ඉන්දියාවේ දියුණු කරන ලද තාක්‍ෂණයකින් උණු කරන ලද වොට්ස් වානේ භාවිතා කර මෙම කඩු සෑදූ බව රසායන විද්‍යාඥයන් සොයා ගෙන ඇත.
එහිදී ශිල්පීන් විසින් දැව සහ අනෙකුත් කාබනික සුන්බුන් ඔවුන්ගේ මෙම අසිපත්වලට එකතුකර ඇති අතර එහි ප්‍රතිඵලයක් ලෙස කාබන් සහිත වානේ ඉතා ඉක්මනින් නම්‍යශීලී වි ඇත.
වොට්ස් වානේ සෑදීම සඳහා භාවිතා කරන ටංස්ටන් වැඩි වශයෙන් සමන්විත යපස් ඉවර වී ඇති නිසා දමස්කස් තල සෑදීම 18 වන සියවසේදී නතර වුනු බව කියවේ. එම නිසා මෙම ශිල්පීය ක්‍රම කෙමෙන් අතුරුදහන් වුනු බව කියවේ. නූතන ලෝහ විද්‍යාඥයින් බ්ලේඩ් ප්‍රතිනිර්මාණය කිරීමට නැවත නැවතත් උත්සාහ කළ නමුත් එය සාර්ථක නොවීය.
වර්තමානයේ ඔනෑ තරම් දම්ස්කස් යැයි කියන ආයුධ තිබුනද ඒවා අතීතයේ අසිපත් තරම් පරිපූර්ණ නොවන බව විශේෂඥය්ගේ මතයයි.
මෙම අසිපත් ලස්සන වීම හැරුණු විට අගය කර ඇත්තේ එය ඉතා ඉහල පැවත්ම, දැඩි බව හා නම්‍යශීලී බැවිනි. දමස්කස් වානේ වලින් සාදන ලද ආයුධ යකඩ වලින් සාදන ලද ආයුධවලට වඩා බෙහෙවින් උසස් බව අතීත යුධ සේනාධිපතිවරුන්ගේ අදහස විය. 19 වන සියවසේ බෙසෙමර් ක්‍රියාවලිය භාවිතයෙන් සාදන ලද නවීන අධි-කාබන් වානේ දමස්කස් වානේවල ගුණාත්මක භාවය ඉක්මවා ගියද, 18 වන සියවස දක්වා එම අසිපත් ඉහලින්ම වැජඹිනි.
එම වානේ දමස්කස් වානේ ලෙස හඳුන්වන්නේ ඇයිද යන්න හරියටම පැහැදිලි නැත.බොහෝ විට එවා දමස්කස් නම් නගරයේ බහුලව අලෙවි කිරීම නිසා එම නම ලැබෙන්නට ඇතැයි විශ්වාස කෙරේ.
ඔබ Alita: Battle Angel ච්‍රිත්‍රපටය නරබා ඇත්නම් එහිද මේ පිලිබදව සදහන් වේ.
උපුටා ගැනීම: රාම් වණා