ඇසට නොපෙනී සිතේ වැජඹෙන අපූරු ගස් 
නාරිෆොන් ශාකය තායිලන්තයේ පවතින මිථ්‍යා කතා අතර නාරිෆොන් වෘක්ෂය පිලිබද විශ්මිත ප්‍රබන්ධ ගෙතී ඇත..
පුරාණයේ විසූ තායිලන්ත කුමාරයෙකු තම සිත් ගත් රූමත්ම රජ කුමරිය රජ මාලිගාවෙන් එළවා දැම්මේය. කුමරුගේ සිත්ගත් දෙවන රජ කුමරිය ඇයට විරුද්ධව ගෙතූ බොරුවකට වැරදිකාරිය වූ මේ රජ කුමරිය “හිමවන්තී” නම් විශාල වනාන්තරයක අතරමං කර දමන්නට රජ සෙබළුන් කටයුතු කළහ. වනාන්තරයේ සිටි කිසිදු රුදුරු සතෙකුගෙන් ඇයට කරදරයක් නොවිණි.කුමරියගේ කුසගින්න නිවන්නට උපකාරී වී ඇත්තේ පලතුරු පුරවාගත් පරිපූර්ණ නාරිෆෝන් නැමැති වෘක්ෂයයි.මෙහි අරුත කාන්තා පලතුරු ගස ලෙස තායිලන්ත වැසියන් විග්‍රහ කරයි. පුදුමය වන්නේ තායිලන්ත මිත්‍යා කථා වල එන මේ නාරිෆෝන් ගසට කාන්තා සිරුරක ලාලිත්‍ය හිමිවී තිබෙන බව විශ්වාස කිරීමයි. මෙම ගසේ පලතුරු පිරිමින්ට විෂය බවද සැමියන්ගේ පීඩනවලට ලක් වන කතුන්ට පිහිටුවන බවද තායිලන්ත ජන කතාවල කියැවෙයි.
