නස්රුදීන්ගේ මිහිරි හඬ (වැල්වටාරම්)

නස්රුදීන්ගේ මිත්‍රයා රටේම සුප්‍රසිද්ධ සංගීතවේදියෙක්, දිනක් ඔහුගෙන් නස්රුදීන් ට දහවල් කෑමකට ආරාධනාවක් ලැබුනා , කියපු දිනේට නස්රුදීන් මිත්‍රයගේ නිවසට ගොඩවැදුනේ අතේ තිබුන ගානට පුංචි තෑග්ගකුත් අරගෙන , උණුසුම් පිළිගැනීමක් එක්කම නස්රුදීන් මිතුරාගේ නිවසට ගොඩවැදුනා,,

මිත්‍රයගේ අලංකාර නිවසේ සංගීත භාණ්ඩ රාශියක් තැන්පත් කර තිබුනා

ඔහු සිතාරයක් ගෙන වාදනය කලා

” කොහොමද ? නස්රුදීන් ,,

ඉතාමත් අලංකාරයි නස්රුදීන් පිළිතුරු දුන්නා ,

ඊලඟට වීණාවක් වාදනය කලා

කොහොමද යාලුවා ?

ෂාහ් නියමයි නස්රුදීන්ගේ පිළිතුර උනා ,,,

ඊලඟට බටනලාවක් ,,

ඊලඟට සිතාරයක් ,,,

ඊලඟට අරාබි බෙර වාදනයක්,,

ඊලඟට ස්වරපිනාවක්,,,

” ඔබ මේ වෙලාවේ මොනවගේ හඬකටද කැමති නස්රුදීන් ? ” සංගීතවේදී මිත්‍රයා ඇසුවා,

බඩගින්න ඉහවහා ගොස් සිටි නස්රුදීන් ” මේ වෙලාවට හැඳි ගෑරුප්පු ගැටෙන මිහිරි හඬ තරම් දෙයක් ලොවෙත් නෑ මගේ මිත්‍රයා” යනුවෙන් පිළිතුරු දුන්නා ,,,