පුරාණ දෙවිවරුන්, රණශූරයන් සහ රජවරුන් සිටි යුගයක, රණශූර ස්ත්‍රීන්ගේ ගෝත්‍රයක් පිළිබඳ කථාවක් ග්‍රීක පුරාවෘත්තවල සදහන් වෙනවා. දෙවිවරුන්ගේ දියණියන් යැයි කියනු ලබන, මෙම දරුණු කාන්තා සටන්කාමීන් සියවස් ගණනාවක් තිස්සේ මිනිසුන්ගේ මනසේ රජකරන අතර ජනප්‍රිය ඇමේසන් රණශූරයන් ලෙස අදටත් විවිධ සංස්කෘතික සමාජ වල විශ්වාසයන් පවතිනවා. Wonder woman කියන ඔබ නරබා ඇති ච්‍රිත්‍රපට පවා මෙහි එක් පැතිකඩක්..
කොහොම හරි දීර්ඝ කාලයක් තිස්සේ මෙම රණශූර කාන්තාවන් පුරාණ මිනිස්සුන්ගේ හුදු මිත්‍යා විශ්වාස ලෙස විශ්වාස කළත්, පුරාවිද්‍යාත්මක සාක්ෂි වලින් හෙළි වී ඇත්තේ මෙම මිථ්‍යාවන්ට ආභාෂය ලබා දුන් රණශූර කාන්තාවන් සැබවින්ම සිටි බවයි. ගින්නක් නැතුව දුමක් නගින්නේ නැ කියනවා වගේ මේකත් නිකම්ම සමාජය අතරින් පැනනැගී කතාවක් කියලා හිතලා පැත්තකට දාන්න අමාරුයි.
කොහොම නමුත් තරුණ රණශූරයාගේ යැයි කියන දේහයක් 1988 දී ටුවා ජනරජයෙන් හමු වෙනවා. එකල පුරාවිද්‍යාඥයින් උපකල්පනය කළේ ඇටසැකිල්ල තරුණයෙකුට අයිති එකක් විදිහට. කෙසේ වෙතත්, නටබුන් පිළිබඳ නව ජාන විශ්ලේෂණයෙන් හෙළි වෙලා තියෙන්නෙ එම මතය වැරදි බවයි.
එනම් මීට වසර 2,600 කට පෙර දුන්න, ඊතල 10ක්, අත් පොරව සහ අනෙකුත් ආයුධ සමඟ වළලනු ලැබූ ‘ඇමසන් රණශූරයා’ සැබවින්ම සයිබීරියාවේ තිබී සොයා ගෙන වසර 30 කට පසු DNA පරීක්ෂණ මගින් ගැහැණු ලමයකු බව හඳුනාගෙන තියෙනවා.
ප්‍රවීණයන් පවසන පරිදි, සිත් ඇදගන්නා සුළු මෙම හෙළිදරව්ව මගින් සිතියන් ශිෂ්ටාචාරයේ දක්ෂ හා කුරිරු තරුණ රණශූරියන් පිළිබඳ පුරාණ වාර්තා සත්‍ය බවට සනාත කරනවා. යුද්ධයේ පිලිබද ඔවුන්ගේ ප්‍රවීණත්වය නිසා ප්‍රසිද්ධ වූ මෙම සංචාරක ගොත්‍ර දකුණු සයිබීරියාවේ පැන නැගී ක්‍රි.පූ 900-200 අතර කාලය තුළ ජීවත් වෙලා තියෙනවා.
ක්‍රි.පූ. 460–370 පමණ කාලයේ ජීවත් වූ පුරාණ ග්‍රීක වෛද්‍යවරයකු වූ හිපොක්‍රටීස් සිතියන්වරුන් ගැන මෙසේ ලියා තිබෙනවා. ” ස්ත්‍රීන් – ඔවුන් කන්‍යාවන් වන තාක් කල් – අශ්වයන් පැදීම, ඊතල දුනු හැසිරවීම, හෙල්ලය නිසියාකරයට විසි කිරීම සහ සතුරන් සමඟ සටන් කිරීම කල යුතු අතර සතුරන් තිදෙනෙකු මරා දමන තුරු ඔවුන් කන්‍යාභාවය පසෙකට දමන්නේ නැත. සාම්ප්‍රදායික පූජනීය චාරිත්‍ර ඉටු කිරීමට පෙර ඔවුන් විවාහ නොවෙති.’ යනුවෙනි.
එනම් පුරාණ දැරියන්ට විවාහ වීමට නම් යුධ ශිල්පයෙන් දක්ශ විය යුතු අතර සතුරන් 3නෙකු මරා දැමිය යුතු වෙනවා.
රුසියානු විද්‍යා ඇකඩමියේ ද්‍රව්‍යමය සංස්කෘතික ඉතිහාසය පිළිබඳ ආයතනයේ පුරාවිද්‍යා මහාචාර්ය මරීනා කිලුනොව්ස්කායා පැවසන්නේ “මෙම තරුණ ඇමේසන් රණශූරිය” තවමත් වයස අවුරුදු 14 දක්වා ළඟා වී නොමැති බවයි.
දැරිය දිගු ලොම් කබායක්, කමිසයක් සහ කලිසම් ඇඳ සිටි අතර ස්කෑන් කරන ඉලෙක්ට්‍රෝන අන්වීක්ෂයක් භාවිතා කරමින් පර්යේෂකයන් සොයාගත්තේ ඇගේ කබාය ජර්බෝවා හා සම්බන්ධ මීයන්ගෙන් හම් පැච් එකකින් සාදා ඇති බවයි.
පුරාණ ග්‍රීක ඉතිහාසඥයකු වන හෙරෝඩෝටස් කියා සිටින්නේ සිතියන්වරුන් කාන්තාවන් සටන් වලට ගොස් ඇති අතර ඔවුන් සැබවින්ම ඔවුන්ගේ පිරිමි සගයන් සමඟ පුහුණුවී දඩයම් කිරීම සහ සටන් කිරීම් වල නිරත් වී ඇති බවයි.
එමෙන්ම සිතියන් කාන්තාවන්ගෙන් තුනෙන් එකක් පමණ ආයුධවලින් වළලනු ලබන අතර පිරිමින්ට මෙන් යුද තුවාල ද දක්නට ලැබී තියෙනවා. අනෙක් අතට ඔවුන් ජීවත් වූනේ කුඩා ගෝත්‍රවල…. එනිසා ගෝත්‍රයේ සිටින සියල්ලන්ම සටනකදී පාර්ශවකරුවන් වෙනවා. ඔවුන් සියල්ලන්ම ආරක්‍ෂාව සහ යුද ප්‍රයත්නයන් සහ දඩයම් කිරීම සඳහා දායක විය යුතු වෙනවා..ඉතින් ගෝත්‍රයේ සිටින කාට උනත් යුධ ශිල්පවලින් දක්ශ වෙන්න සිදු වෙනවා.
කොහොම හරි, සියවස් ගණනාවක් පුරා, ඇමසන් වරුන්ගේ මිථ්‍යා කතා ලෙස සැලකූ ඔවුන්ගේ පියයුරු කපා දැමීමේ සිට ඔවුන්ගේ දුනු ශිල්පය වැඩි දියුණු කිරීම දක්වා සහ ඔවුන්ගේ පිරිමි දරුවන් ඝාතනය කිරීම දක්වා වූ කෝපාවිෂ්ට ප්‍රකාශයන් සමන්විත ඉතිහාසය සත්‍ය බවට කරුනු අනාවරණය වෙමින් පවතිනවා.
නූතන පුරාවිද්‍යාත්මක අධ්‍යයනයන් සහ ඩීඑන්ඒ ක්‍රමවේදයන්ට ස්තූතිවන්ත වෙන්න මිථ්‍යාවන් පිටුපස සිටින සැබෑ කාන්තා රණශූරයන් ගැන වැඩිදුර දැන ගැනීමට අපට දැන් අවස්ථාව තියෙනවා.
උපුටා ගැනීම: රාම්වණා