මේක ඊයෙ වෙච්ච හොට් සීන්නෙකක් !
අපේ ගෙවල් වලට ටිකක් එහායින් තීන ගේක ඉඳපු මිනිහෙක්ට සුවිප් එකක් ඇදුන කියල කාලෙකට කලින් පොඩි ආරංචියක් ගියා. පස්සෙ පස්සෙ මේ ගේ ඉස්සරහ හැමදාම එක එක වාහන අනං මනං නවත්තල තීනව දකින එක අපිට බොහොම සුලභ දසුනක් උනා. දැන් කීයක් ඇදුනද, කවද්ද ඇදුනෙ, ඇදුන සල්ලි වලට මොකද කරේ, මේ හැමදාම ගේ ඉස්සරහ නවත්තගෙන ඉන්න වාහන මොනාද කියල අපි දන්නෙ නෑ. කොහොම හරි ඔහොම මොකක් හරි හුටපටයක් උනා කියල විතරයි අපි දැනගෙන හිටියෙ.
දැන් කමක් නෑනෙ ඉතිං. ඔහොම තමයි මිනිස්සුන්ට සුවිප් ඇදෙනව, මිනිස්සුන්ට හරියනව, මිනිස්සුන්ගෙ ජීවිත හැපනින් වෙනව. දැන් සියල්ල සාමාන්‍යයි සියල්ල සතුටිං.
මේ ඊයෙ අපිට ඇහුන අපේ ගේ ඉස්සරහ කවුද මන්ද හෝන් එකක් ගහනව. බලද්දි මේ පැත්තෙ පොලීසියෙ මනුස්සයෙක් යුනිෆෝම් පිට බයික් එකක ඇවිල්ල. අපේ අම්ම ගිහිං කතා කරා. අර පොලීසියෙ මනුස්සය අර ගේ පෙන්නල අහනව ඒ ගෙදර මිනිස්සුන්ව දන්නවද කියල. අපේ අම්ම කිවුව ඔව් ඔය මේගොල්ලොනෙ කියල.
ඒ ගමන අහනව ඒ ගෙදර කොරෝන ආසාදිතයෙක් හරි ආසාදිතයෙක්ගෙ ආශ්රිතයෙක් හරි ඉන්නවද කියල !
දැන් මේ පොලීසියෙ මනුස්සය කියනව එයාලු අපේ පැත්ත බාරව කොරෝන ආසාධිතයො, ආසාධිතයින්ගෙ ආශ්‍රිතයො, නිරෝධායනය වෙන මිනිස්සු ගැන රෙකෝඩ් තියාගන්න, රිපෝට් කරන්න සහ ඩීල් කරන්න ඉන්නෙ.
දැන් අපේ අම්ම කිවුව එහෙම නං දන්න විදිහට කවුරුත් නෑ කියල. ඒ පාර ඒ මනුස්සය මේ පැත්තෙ ග්‍රාමසේවකට කෝල් එකක් ගත්ත. අපේ ගෙවල් හරියෙ ඇඩ්‍රස් එක කියල ඇහුව අර විදිහෙ කවුරුහරි මේ පැත්තෙ ඉන්නවද කියල. ග්‍රාමසේවකත් කියනව එහෙම කවුරුත් නැල්ලු.
ඒ පාර පී එච් අයි ට කෝල් එකක් ගත්ත. මිනිහගෙන් අර ප්‍රශ්නෙම ඇහුවම මිනිහත් කියනව මිනිහත් මේ හරියෙ එහෙම කා ගැනවත් දන්නෙ නැල්ලු !
දැන් අපේ අම්ම ඇහුව ඇයි මොකද රාළහාමි කියල.
ඒ ගෙදර ඉස්සරහ බෝඩ් එකක් ගහල තීනවලු ‘ නිරෝධායනයට ලක් වන නිවසකි ! ‘ කියල.
දැන් මචං ඔහොම නිරෝධායනය වෙන මනුස්සයෙක් ඉන්නව නං එක්කො ඒ පැත්තෙ පොලීසිය දැනගන්න ඕනෙ. එක්කො ග්‍රාමසේවක දැනගන්න ඕනෙ. එක්කො පී එච් අයි දැනගන්න ඕනෙ. සාමාන්‍යයෙන් සිද්ධ වෙන්න ඕන දේ නං ඔය පාර්ශව තුනම දැනගෙන ඉන්න ඕනෙ.
දැන් වෙලා තීන්නෙ කවුරුත්ම දන්නෙ නැතුව ලෝකෙට රහසේ අභිරහස් ලෙස නිරෝධායනය වෙන ගෙයක් අපේ පැත්තෙ තියෙනව. දැන් මේ පොලිස් කාරයත් හොල්මං. මිනිහ මේ වෙන වැඩකට මේ පැත්තට ආපු ගමන් අහම්බෙන් දැකල තීන්නෙ.
හරි එහෙනං මං ගිහිල්ල බලල එන්නං කියල මිනිහ ඒ පාර බයික් එක ස්ටාට් කරගෙන ඒ ගේ පැත්තට ගියා හරිද.
පස්සෙ තමයි සීන්නෙක ආරංචි වෙන්නෙ.
පහුගිය චන්දෙකින් දිනල පාර්ලිමේන්තු ගිය ඩයල් එකකට වැඩ කරපු කොල්ලෙක් ඔය ගෙදර ඉන්නව. උක්ත පාර්ලිමේන්තු ඩයල් එකට කියල ගෙවල් හදල දෙන්නං කියල ලක්ස දෙකාමාර ගානෙ මූ මිනිස්සුන්ගෙන් ගල්ටික් කරල දැන් ගමෙනුත් පැනල ගිහිල්ල.
මිනිස්සු ගේ හොයාගෙන එන්න පටන්ගෙන නිසා ගෙදර මූ බෝඩ් එකක් ගහල ගිහිල්ල ‘ නිරෝධායනයට ලක් වෙන නිවසකි ! ‘ කියල.
උපුටා ගැනීම: Kalana Shalitha