බණ්ඩක්කා යනු හොඳම ඖෂධීය එළවළු වලින් එකකි. එය මල්වාසී (මල්ලෝස්) පවුලට අයත් බහු වාර්ෂික සපුෂ්ප ශාකයක් වන අතර විද්‍යාත්මකව Abelmoschus esculentus ලෙස නම් කර ඇත. බණ්ඩක්කා වල රසයට ඇතැම් දෙනා එතරම් ප්‍රියතාවයක් දැක්වූයේ නැතත් බොහෝ දෙනා නොදන්නා විශ්මිත ගුණ ‍රැසක් බණ්ඩක්කා වල අඩංගුය.තන්තු හා විටමින් A, B, C සහ වෙනත් ඛනිජ ලවණ පෝෂක බහුල බණ්ඩක්කා ග්‍රෑම් 100 කිලෝකැලරි 30 ක් පමණ අඩංගුය.

මෙහි අඩංගු පෙක්ටීන් තන්තු සිරුරේ අහිතකර කොලෙස්ටරෝල් මට්ටම අවම මට්ටමක තබාගැනීමට, බඩවැල් වලට කොලෙස්ටරෝල් අවශෝෂණය වීම අඩුකිරීම, මේද තැන්පත්විම අඩුකිරීම වැනි ගුණ ලබාදේ. ජීර්ණ ක්‍රියාවලියට ඉහළ මට්ටමින් සහය දේ.බඩවැල් චලනයන් ක්‍රමවත් කරවමින් ආහාර ජීර්ණය වූ ආහාර මලපහ ලෙස සිරුරෙන් බැහැර වීම වඩාත් පහසු කරවයි.රුධිරයේ සීනි මට්ටම සාමාන්‍ය තත්වයට පත් කිරීමට උපකාර කරයි. ප්‍රතිශක්තිය වර්ධනය වීමට උපකාර කරමින් ඇස් පෙනීම සහ හිසකෙස් වල නීරෝගි බව වැඩිකරවයි.රක්තහීනතාව අවම කරවයි. බණ්ඩක්කා ආහාරයට ගැනීමෙන් මේ ආදි තවත් බොහෝ ප්‍රතිලාභ සිරුරට ලැබේ.

• පොහොසත් තන්තු ප්‍රභවයකි: බණ්ඩක්කා පොහොසත් තන්තු අන්තර්ගතය ආහාර දිරවීමට සහ බඩවැල් විධිමත් කිරීමට උපකාරී වේ. පෙක්ටීන් නම් ද්‍රාව්‍ය තන්තු බඩවැලේ ඉදිමී බඩවැලේ ඇති අපද්‍රව්‍ය පහසුවෙන් ඉවත් කිරීමට උපකාරී වේ.

• දියවැඩියාව සඳහා ගුණ දෙන බණ්ඩක්කා : දියවැඩියාව සඳහා බණ්ඩක්කා වල ඇති වාසි බොහෝය. කිවි පලතුරු මෙන්ම බණ්ඩක්කා රුධිරයේ සීනි මට්ටම ස්ථාවර කිරීම සඳහා ඉතා ඵලදායී බව සොයාගෙන ඇත.රුධිරයේ සීනි මට්ටම අඩු කිරීමට උපකාරී වන ඉන්සියුලින් වැනි ගුණ එහි ඇත. බණ්ඩක්කා හි ඇති තන්තු වර්ගයක් වන ඉයුජෙනෝල්, බඩවැලේ සිට සීනි අවශෝෂණය කරන වේගය සීමා කිරීමෙන් රුධිරයේ සීනි ස්ථාවර කිරීමට උපකාරී වේ.

• ගර්භණීභාවය හා භ්‍රෑණ සංවර්ධනය සඳහා ගුණ දේ: බණ්ඩක්කා වල බහුල ෆෝලේට් සහ පෝෂණ අගය, පිළිසිඳ ගැනීමට පමණක් නොව, කලලයෙහි මොළයේ වර්ධනයට, ගබ්සා කිරීම් වැළැක්වීමට, භ්‍රෑණ ස්නායු නළය සෑදීමට සහ නළයේ අඩුපාඩු වළක්වා ගැනීමට උපකාරී වේ.

• ශක්තිමත් අස්ථි සඳහා ගුණ දේ: විටමින් K යනු රුධිර කැටි ගැසීමේ වැදගත් සාධකය වන අතර ෆෝලේට් සමඟ අස්ථි ඝනත්වය යථා තත්වයට පත් කරයි, අස්ථි ශක්තිමත් කරයි සහ ඔස්ටියෝපොරෝසිස් වළක්වයි.

• ඇදුම රෝගය සඳහා ගුණ දේ: බණ්ඩක්කා වල ඇති ප්‍රතිඔක්සිකාරක සහ ප්‍රති-ප්‍රදාහක ගුණාංග සහ විටමින් C අන්තර්ගතය ඇදුම රෝග ලක්ෂණ වර්ධනයට ඉඩ නොතබා තත්වය මාරාන්තික -බරපතල වීමෙන් වළකයි.

• ශ්වසන මාර්ගය සමනය කරයි : බ්‍රොන්කයිටිස් සහ නියුමෝනියාව සඳහා ප්‍රතිකාර කිරීම සඳහා බණ්ඩක්කා කොළ සහ මල් කසාය සැකසීමට භාවිතා කරයි. එහි ඇති ශ්ලේෂ්මල (සෙවල, මැලියම්) ගුණය නිසා සෙම්ප්‍රතිශ්‍යාව සහ උණ සඳහා ප්‍රතිකාර කිරීම සඳහා විශිෂ්ට නිවෙස් පිළියමක් වේ.

• මල බද්ධය සමනය කරයි: බණ්ඩක්කා කරල් වල ඇති පොහොසත් තන්තු හා ශ්ලේෂ්මල අන්තර්ගතය මල තොග වැඩි කිරීමටත්, ජලය නිසි ලෙස අවශෝෂණය කර ගැනීමටත්, විෂ ද්‍රව්‍ය බැහැර කිරීමටත් , විශාල බඩවැල් ලිහිසි කිරීමටත් උපකාර කරන අතර බඩවැල්වල චලනය පහසු කිරීමටත් එහි ස්වාභාවික විරේචක ගුණ ඇත.

• හිරු ආඝාතය (sun stroke) ප්‍රතිකාර කරයි: අධික උණුසුම- තාපයෙන් පීඩාවිඳින හා හිරු ආඝාතයෙන් පෙළෙන අය ඔවුන්ගේ ආහාර වේලෙහි බණ්ඩක්කා ඇතුළත් කළ යුතුය. දුර්වලතාව, වෙහෙස සහ සමස්ත මානසික අවපීඩනයන් සමනය කරවයි

• මහා බඩවැලේ පිළිකා අවදානම අඩු කරයි: බණ්ඩක්කා වල ඇති දිය නොවන තන්තු මගින් බඩවැල් පිරිසිදු කරයි, මහා බඩවැලේ පිළිකා ඇතිවීමේ අවදානම අඩු කරයි. බණ්ඩක්කා වල ඇති ඉහළ ප්‍රතිඔක්සිකාරක මගින් හානිකර විමුක්ත රැඩිකලුන්ට (free radicals) එරෙහිව ප්‍රතිශක්තිකරණ පද්ධතිය ආරක්ෂා කිරීමට සහ සෛල විකෘති වීම වැළැක්වීමට උපකාරී වේ.

• තරබාරුකම වළක්වයි: බණ්ඩක්කා අවම කැලරි ප්‍රමාණයක් ලබා දෙයි, කෙඳි ඔබව බොහෝ වෙලාවක් බඩගිනි ඇති නොවී බඩ පිරුණු බවක් ඇතිකරයි . බණ්ඩක්කා වල අඩංගු බහුල පෝෂ්‍ය පදාර්ථ ඔබේ සිරුර ඉතා හොඳින් පෝෂණය කරයි.

• කොලෙස්ටරෝල් අඩු කරයි: බණ්ඩක්කා වල ද්‍රාව්‍ය තන්තු පෙක්ටීන් අඩංගු වන අතර එය රුධිරද්‍රව (නරක) කොලෙස්ටරෝල් අඩු කිරීමට සහ ධමනි සිහින් වීම (atherosclerosis) වළක්වයි. එය සිදු කරන්නේ බඩවැල්වල පිත්තය නිෂ්පාදනය වීම වෙනස්කරමින් තැන්පත් වූ කොලෙස්ටරෝල් සහ කැටිති ඉවත්කිරීමට සහය වෙමිනි.

• සමේ විෂහරණය කරයි : තන්තු පෝෂක මඟින් විෂ අපද්‍රව්‍ය පවිත්‍රකරවීමට ආධාර කරන අතර විටමින් C පදාර්ථ පෝෂණය මඟින් ශරීර පටක අළුත්වැඩියා කිරීම, සමේ වර්ණක වැළැක්වීම, කුරුලෑ, සමේ රෝග සහ සමේ අනෙකුත් ගැටලුකාරී තත්වයන් අවම කිරීම සිදුකරයි.

• හිසකෙස් ප්‍රාණවත් කරයි : කීකරු නොමැති , රැලි සහිත සහ පණ නැති හිසකෙස් ප්‍රාණවත් කිරිමට බණ්ඩක්කා සාරු වලින් සත්කාර කල හැකියි . බණ්ඩක්කා විවිධ ආකාරවලින් හිසකෙස් වලට ප්‍රතිලාභ ලබා දෙන අතර විශිෂ්ට කන්ඩිෂනර් සත්කාරයක් ලෙස ක්‍රියා කරයි. හිස්කබලට හොඳින් තෙතමනය ලබාදී වියළි බව හා කැසිල්ල දුරුකරයි. උකුණක් හා ඉස් හොරි දුරු කරයි. කෙස් කලඹට තරුණ දිදුලන පෙනුමක් එක්කරයි.

• විෂහරණය කරයි: බණ්ඩක්කා වල තන්තු මල පහ ක්‍රියාකාරිත්වයට ආධාර කරනවා පමණක් නොව, ශ්ලේෂ්මලයෙන් (සාරු වලින්) අක්මාව පෙරීමේදී එයට එක්වන කොලෙස්ටරෝල් සහ පිත්ත අම්ලය බන්ධනය කරයි, විෂ ද්‍රව්‍ය පිට කරයි.

• ප්‍රතිශක්තීකරණ වැඩිදියුණු කරයි : ඉහළ ප්‍රති-ඔක්සිකාරක සහ විටමින් C අන්තර්ගතය බණ්ඩක්කා හොඳ ප්‍රතිශක්තිකරණ බූස්ටර ආහාරයක් බවට පත් කරයි. මැග්නීසියම්, මැන්ගනීස්, කැල්සියම් සහ යකඩ වැනි අත්‍යවශ්‍ය ඛනිජ වර්ග හානිකර විමුක්ත රැඩිකලුන්ට එරෙහිව සටන් කරන අතර සෞඛ්‍ය සම්පන්න ප්‍රතිශක්තිකරණ පද්ධතියක් ප්‍රවර්ධනය කරයි.

• පැහැදිලි ඇස් පෙනීම වැඩිදියුණු කරයි: බණ්ඩක්කා වල බීටා-කැරොටින් (විටමින් A හි පූර්වගාමියා), සැන්තින් සහ ලුටීන්, සියලුම ප්‍රතිඔක්සිකාරක ගුණ අඩංගු වන අතර ඇසේ සුද සහ ග්ලුකෝමා වැනි අක්ෂි ආබාධ වළක්වයි.

• රක්තහීනතාවය වළක්වයි: හීමොග්ලොබින් සෑදීම, රුධිර කැටි ගැසීම සහ රතු රුධිර සෛල නිපදවීම සඳහා යකඩ, ෆෝලේට් සහ විටමින් K ආධාරයෙන් රක්තහීනතාවයට එරෙහිව ඉහළම ආරක්ෂාවක් සපයයි.

• වණ සුව කරයි: ක්ෂාරීය ශ්ලේෂ්මල අන්තර්ගතය අම්ල උදාසීන කිරීමට උපකාරී වන අතර ආහාර ජීර්ණ පද්ධතියට තාවකාලික ආරක්ෂිත ආලේපනයක් ලබා දෙයි.

• ලිංගික ආබාධ සඳහා ප්‍රතිකාර කරයි: බණ්ඩක්කා ලිංගික ශක්තිය වැඩි කරන අතර සිෆිලිස්, ගොනෝරියා, ලියුකෝරියා, ඩයිසූරියා සහ අධික ඔසප් රුධිර වහනය වැනි ලිංගික ආබාධ සඳහා ප්‍රතිකාර කිරීමේදී ප්‍රයෝජනවත් වේ.

• පොහොසත් ප්‍රෝටීන් ප්‍රභවයකි: ට්‍රිප්ටෝෆාන්, සිස්ටීන් සහ අනෙකුත් සල්ෆර් ඇමයිනෝ අම්ල වැනි ඇමයිනෝ අම්ල වලින් පොහොසත් වන බණ්ඩක්කා බීජ පළමු පෙළේ එළවළු ප්‍රෝටීන් සහ තෙල්වල විශිෂ්ට ප්‍රභවයකි.

• රුධිර නාළිකා ජාලය පෝෂණය කරයි: අධ්‍යයනවලින් පෙනී යන්නේ ෆ්ලේවනොයිඩ් සහ විටමින් C බහුල පලතුරු සහ එළවළු ආහාරයට ගැනීම රුධිර කේශනාලිකා වල ව්‍යුහයට සහාය වන බවයි. බණ්ඩක්කා එම පෝෂණ ගුණ වලින් අනූන එළවළුවකට හොඳ උදාහරණයකි

• හිතකර බැක්ටිරීයාවන් පෝෂණය කරයි : බණ්ඩක්කා බඩවැල්වල ඇති හොඳ බැක්ටීරියා (ප්‍රෝබියොටික්) සශ්‍රීක කරවන අතර එය බඩවැලේ සෞඛ්‍යයට බෙහෙවින් දායක වේ.