සාමාන්‍යයෙන් අපගේ තෝරා ගැනීම් අහඹු ඒවා නොවෙයි. වැරදීමකින් හෝ අහම්බයෙන් කෙනෙකු තෝරා ගැනීම් කරන්නේ නැහැ. අප නොදැනුවත්වම හෝ අපගේ තේරීම් පාලනය වන්නේ අප කුමන ආකාරයේ පුද්ගලයකුද සහ අපගේ පෞරුෂත්වය කෙබඳුද යන කාරණා මතයි. මේ නිසා අප සිදුකරන තෝරාගැනීම් හරහා අපගේ පෞරුෂත්ව ලක්ෂණ ගැන පැවසිය හැකියි. උදාහරණයක් වශයෙන් අප පහතින් විවිධාකාරයේ හිස් කබලවල් 10ක් ඉදිරිපත් කරනවා. ඒවායින් එකක් තෝරාගන්න. ඔබ එම තෝරා ගැනීම සිදු කිරීමට හේතු වූ ඔබේ පෞරුෂත්ව ලක්ෂණ ගැන අපි පවසන්නම්.
1 – පළමු හිස්කබල තෝරාගත් ඔබ සරළ එහෙත් අපූරු රසයක් ඇති පුද්ගලයෙක්. මේ හිස්කබල අවම වශයෙන් සරසන ලද එකක් වන අතර එහි හිසෙහි ඔටුන්නක් ආකාරයට මල් සකස් කර තිබෙනවා. දීප්තිමත් රතු පැහැයෙන් යුත් ඇස් වලින් පවසන්නේ දැඩි ආශාවයි. ඒ අනූව ඔබ ජීවිතයේ අලංකාර දේවල් කෙරෙහි ඉතා ආශාවෙන් ඇදී ගියත්, සංකීර්ණ දේවල් වලින් ඔබ පැහැදීමට පත් වන්නේ නැහැ. ඔබගේ සියලුම සිතුවිලි සහ ක්‍රියාවන් සංකීර්ණ නොවන එහෙත් විචිත්‍රවත් ඒවායි. මේ නිසා ඔබ සරල පැවැත්ම සහ උසස් චින්තනයේ අපූරු සම්මිශ්‍රණයක් ලෙස හැඳින්විය හැකියි.
2 – ඔබ තෝරාගත්තේ දෙවැනි හිස්කබල නම් එයින් අදහස් වන්නේ ස්වභාව ධර්මයෙන් ඔබට විශාල බලපෑමක් සිදුවන බවයි. රූමත් බව හෝ වෙනත් ඕනෑම දෙයකදී ඔබ වඩා කැමැත්තක් දක්වන්නේ එහි ස්වභාවික ආකාරයටයි. හිස් කබලෙහි කොළ වලින් වට වූ හිරුගේ රූපයක් දක්වා ඇති අතර එයින් අදහස් වන්නේ රැක බලා ගැනීමේ සහ පෝෂණය කිරීමේ ගුණාංගයි. ඒ අනුව ඔබ තමා වටා සිටින පුද්ගලයන් රැකබලා ගැනීමට, උදව් අවශ්‍ය අයට උපකාර කිරීමට සහ කෙනෙකුට ජීවිතයේ දියුණුවට ළඟා වීමට උපකාර කිරීමට කැමති පුද්ගලයෙක්. ඔබ අන් අයගේ ගතිගුණ, පෙනුම ආදිය අනුව ඔවුන් තක්සේරු කිරීමට නොයන අතර, ඒ ස්වභාව ධර්මය විසින් ඔවුන්ව නිර්මාණය කළ ආකාරය නිසා ඔවුන්ව ඒ ආකාරයෙන්ම පිළිගැනීමට කැමැත්තක් දක්වන පුද්ගලයෙක්.
3 – තුන්වැනි හිස්කබල වෙත ආකර්ෂණය වූ ඔබ ඉතා සුළු කාරණා කෙරෙහිත් විශාල අවධානයක් යොමු කරන පුද්ගලයෙක්. මෙය ඉතා සියුම් ලෙස සරසා ඉතා සංකීර්ණ ලෙස වර්ණ ගන්වන ලද හිස් කබලක්. එය තෝරා ගැනීමෙන් අදහස් වන්නේ ඔබ ජීවිතයේ ඉතා සියුම් තැන් කෙරෙහි අවධානය යොමු කරන, සිතුවිලි වල සංකීර්ණ බවට ආදරය කරන පුද්ගලයෙකු බවයි. ජීවිතයේ ඉතා සියුම් ලෙස සංකීර්ණ, අපූරු දේවල් කෙරෙහි ඇදී යන ඔබ ඒවා අගය කරන පුද්ගලයෙක්. ජිවිතයේ සෑම පියවරකදීම අංග සම්පූර්ණත්වය කෙරෙහි ලඟා වීමට කැමති ඔබ, එය ඔබේම ක්‍රමයකට සිදු කරන කෙනෙක්.
4 – මෙම හිස්කබලට ආකර්ෂණය වූ ඔබ මනුෂ්‍යයන්ගේ ප්‍රාථමික පැතිකඩ කෙරෙහි ඇදී යන කෙනෙක්. පුරාණ දැනුම සංකේතවත් කරන මෙම හිස් කබල තෝරාගැනීමෙන් අදහස් වන්නේ ඔබ මිනිසුන්ගේ ස්වභාවික, සැබෑ ස්වරූපයට කැමති පුද්ගලයෙකු බවයි. ඔබව සතුටු කිරීම සඳහා බොරු වර්ණනාවන් සිදු නොකර, ඔබ සමග සෘජු හා සත්‍යවාදී ස්වරූපයෙන් ගනුදෙනු කරන පුද්ගලයන්ට ඔබ කැමැත්තක් දක්වනවා. මිනිසුන්ගේ සැබෑ ස්වරූපය වටහාගත හැකි නිසා ඔබ ඔවුන්ගේ අවංකත්වය සහ සෘජු භාවය අගය කරන පුද්ගලයෙක්. ඔබ බොරු කියන රැවටිලිකාර පුද්ගලයන්ව අතිශයින් අප්‍රිය කරන අතර වර්ණනා සහිත බොරුවකට වඩා රළු යථාර්ථය ඇසීමට ප්‍රිය කරන කෙනෙක්.
5 – මෙම හිස් කබල තෝරාගත් ඔබ වර්ණවත් පෞරුෂයක් සහිත පුද්ගලයෙක්. ඔබ පිටතට පැමිණ ඔබ ගැන සහ ඔබේ සිතුවිලි පිළිබඳව අවංකව නිදහසේ ප්‍රකාශ කිරීමට කැමති අයෙක්. ඔබගේ තෝරාගැනීමෙන් අදහස් වන්නේ ඔබගේ සැබෑ ස්වරූපය නිදහස් හා නොදැමුණු එකක් බවත්, තමා කුමන ආකාරයේ කෙනෙක්ද යන්න පිළිබඳව සෑම විටම අවංක වන බවත්ය. ඔබගේ සැබෑ ස්වරූපය ඒ ආකාරයෙන් පිළිගැනීම හෝ නොපිළිගැනීම අන් පුද්ගලයන්ගේ කාර්යයකි. ඔබ සැමවිටම අතරමගදී අඩුපාඩු හදාගෙන ඉදිරිය බලා යන අයෙක්. ඔබ තමා පිළිබඳ සැක පහළ නොකරන අතර තමා පිළිබඳ ඇති විශ්වාසයයි ඔබව ඉදිරියට ගෙන යන්නේ.
6 – මෙම හිස් කබල තෝරාගැනීමෙන් අදහස් වන්නේ ඔබ ඔබගේ ආත්මය සමග ගැඹුරු සම්බන්ධතාවයක් පවත්වා ගන්නා අයෙකු බවයි. ඔබ අන් පුද්ගලයන්ගෙන් වෙනස් වන්නේ ඔබේ ආධ්‍යාත්මිකතාවය නිසා වන අතර ඔබව ඉදිරියට ගෙන යන්නේ ඔබේ ආත්මය විසිනුයි. හිස් කබලේ නළල ප්‍රදේශයේ දක්වා ඇති කුරුසයෙන් අදහස් වන්නේ ඔබ ආගම දහමට නැඹුරු පුද්ගලයකු බව නොවන අතර ( ඔබ ආගමට නැඹුරු පුද්ගලයෙකුද විය හැකියි)ඔබ තමා තුළ ඇති අභ්‍යන්තර හඬ මගින් බලපෑමට ලක්වන පුද්ගලයෙකු බවයි. ඔබට ඔබ පිළිබඳව ඇති අවබෝධය සහ ඔබේ ශක්තීන් සහ දුර්වලතාවයන් පිළිබඳව ඇති අවබෝධය ලැබෙන්නේ ඔබට තමාගේ සිතුවිලි පිළිබඳව ඇති ගැඹුරු අවබෝධයත් සමගයි. බොහෝ පුද්ගලයන්ට ඔවුන්ගේ ආත්මය ඔවුන්ට කතා කරන අබිරහස් ආකාරය අවබෝධ නොවුනත් ඔබ ඔබේ අභ්‍යන්තර හඬ හඳුනා ගැනීමට සහ එයට අවධානය යොමු කිරීමට හොඳින් දන්නා පුද්ගලයෙක්. මෙය ඉතා දුර්ලභ පමණක් නොව ලඟා කරගැනීමට ඉතා අපහසු ලක්ෂණයක්.
7 – මෙම හිස්කබල තෝරාගැනීමෙන් අදහස් වන්නේ ඔබ උත්සාහයක් නොදරාම පිරිසක් ඉදිරියේ කැපී පෙනෙන පුද්ගලයෙකු බවයි. ලැයිස්තුවේ උඩු රැවුලක් සහිත එකම හිස්කබල මෙය වන අතර එය ඉතා කැපී පෙනෙන ආකාරයකට ඉදිරිපත් කර තිබෙනවා. එයින් අදහස් වන්නේ ඔබට අන් පුද්ගලයන්ගෙන් වෙනස් වීම සඳහා වෙහෙස වීම අවශ්‍ය නොවන බවයි. ඔබ දැනටමත් අන් පුද්ගලයන්ගෙන් වෙනස් වන අතර ඔබගේ තේරීම්,ආකල්ප හෝ ජීවිතය සම්බන්ධයෙන් ඔබගේ ප්‍රවේශය කිසිදු අවස්ථාවක අන් පුද්ගලයන්ගේ බලාපොරොත්තු අනූව හැඩගැස්වීමට හෝ වෙනස් කිරීමට නොයන පුද්ගලයෙක්. ඔබ සිදු කරන තෝරාගැනීම් සහ ඔබගේ තීරණ ඔබ නොදැනුවත්වම හෝ අන් අයගෙන් වෙනස් ඔබටම ආවේණික ඒවායි. රටාවෙන් පිටපැන සිදුකරන වෙනස් දේවල් අගය නොකරන සමාජයක වෙනස් පුද්ගලයෙකු වීම ඉතා අපහසු වුවත් ඔබ ඔබටම ආවේණික වූ වෙනස් බව පිළිබඳව ඉතා ආඩම්බරයෙන් සහ අභිමානයෙන් පසු වන අයෙක්.
8 – මෙයින් අදහස් වන්නේ ඔබ දීප්තිමත් ආත්මයක් සහිත පුද්ගලයකු බවයි. ඔබ කායික අලංකාරත්වය නොව සිතුවිලි වල අලංකාරත්වය අගය කරන කෙනෙක්. හිස් කබලේ නළලේ දියමන්තියක් තිබීමෙන් අදහස් වන්නේ ඔබ ගැඹුරු, අර්ථයක් සහිත සාකච්ඡාවන් වලට ප්‍රිය කරන කෙනෙක් බවයි. ඔබ අන් පුද්ගලයන්ගේ සිතුවිලි වලින් විස්මයට පත්වන කෙනෙකු වන අතර ඔවුන්ගේ හැසිරීමට වඩා එම හැසිරීමට හේතු වූ කාරණාවන් පිළිබඳව උනන්දුවක් දක්වන අයෙක්. ඔබ කෙනෙකුව සැබැවින්ම අගය කරනවා නම් ඒ ඔවුන්ට හිමි අලංකාර මනස නිසයි. සිතුවිලි වලින් සහ ක්‍රියාවෙන් පිරිසිදු පුද්ගලයන්ව පමණක් ඔබ පිළිගන්නේ මේ හේතුව නිසයි. මේ නිසා ඔබ සැමවිටම තෝරා ගන්නේ ඔබ මෙන්ම හොඳ අවබෝධයකින් සහ ක්‍රමානුකූල බවකින් යුත් පුද්ගලයන්වයි.
9 – මෙම හිස්කබල තෝරාගැනීමෙන් අදහස් වන්නේ ඔබ පිළිගත් රටාවෙන් පිටත සිතීමට කැමති, විචිත්‍රවත්, නිර්මාණශීලී පුද්ගලයකු බවයි. හිස් කබලෙහි ඇස් වල දීප්තිමත් පුලිඟුවක් සටහන් වන අතර ඒ වටා ඉතාමත් සියුම් ලෙස වර්ණ ගැන්වූ රටාවන් වලින් යුක්තයි. ඒ ආකාරයටම ඔබ තුළත් විශාල ගින්නක් බවට පත්වීමට සූදානම් පුලිඟුවක් තිබෙන අතර, ඉතා සුවිශේෂී යමක් නිර්මාණය කිරීම සඳහා මේ පුළිඟුවට මගපෙන්වන්නේ ඔබේ නිර්මාණශීලි ආත්මය විසිනුයි. ඔබ ඔබගේ මනස සහ ආත්මය එකක් බවට පත් කරගෙන ඔබේ නිර්මාණාත්මක පැතිකඩ මුදාහළ දිනක ලෝකයා විසින් ඉතාමත් විශ්මයෙන් ඔබ දෙස බලා සිටිනු ඇත.
10 – මෙම හිස්කබල තෝරාගත් ඔබ විවිධ රසයන් සහ විවිධ මානයන්ගෙන් යුත් පෞරුෂ ලක්ෂණ ඇති පුද්ගලයෙක්. ඉතා අලංකාර යමක් නිර්මාණය කිරීම සඳහා මෙම හිස් කබලෙහි ආධ්‍යාත්මිකත්වය, ස්වභාවිකත්වය සහ වර්ණ එකට මිශ්‍ර කර ඇති අයුරු දක්නට ලැබෙනවා. එයින් අදහස් වන්නේ එක සමාන පහසුවකින් ජීවිතයේ විවිධ පැතිකඩයන් අවබෝධ කර ගැනීමට සහ කළමනාකරණය කර ගැනීමට දන්නා ඔබ අන් පුද්ගලයන් විසින් අගය කරන ආකාරයකට ජීවත්වන පුද්ගලයෙකු බවයි. ඔබේ පෞරුෂත්වයට විවිධ පැතිකඩවල් ඇති නිසා ඕනෑම අවස්ථාවකට ගැළපෙන පරිදි ඉක්මනින් හැඩගැසීමට ඔබ දන්නා නමුත් කිසිදු ඔබ අවස්ථාවක ඔබ නොවන ව්‍යාජ පෞරුෂත්වයක්‌ ආරෝපණය කර නොගන්නා කෙනෙක්.
උපුටා ගැනීම: VOICE Official Lanka Post Blog