එදිනෙදා ජීවිතයේ ඇතැම් අවස්ථාවල ඔබේ පහසුව සඳහා ප්‍රයෝජනවත් විය හැකි උපක්‍රම කිහිපයක් ගැනයි මේ කියන්නට සූදානම.
1.මල් බඳුනක ටියුලිප් මල් කෙළින් රඳවාතබාගැනීමට
- මල් බඳුනේ මල් පහළට බරවී ඇති පෙනුමක් ගෙන ඇත්නම් තඹ කාසියක් වතුරට දමන්න. කාසියේ ඇති තඹ මඟින් මල් ප්‍රාණවත් කෙරේ.න‍ටුවේ ඇති පත්‍ර ජලයේ නොගෑවෙන සේ කපා ඉවත්කිරීමට මතක තබාගන්න.
2.ඉඳි කට්ටට නූල දමාගැනීමට දත්බුරුසුවක් භාවිතා කරන්න
- දත් බුරුසුවක කෙඳි මත නූල රඳවා ඉඳික‍ටු ඇස කෙඳි දෙසට තද කර නූල පහසුවෙන් දමාගත හැකියි.
3.තේ කහට බැඳුණු හැඳි පිරිසිදු කරගැනීමට ක්‍රමයක්
- සුදු දත් බෙහෙත් ස්වල්පයක් ගෙන මේවායේ අතුල්ලා වතුරෙන් සෝදා පිරිසිදුකරගන්න.හැඳි වලට අලුත් පෙනුමක් ලැබේවි.
4.බඳුන් වල ඇති මල් ප්‍රාණවත් කරගැනීමට උපක්‍රමයක්
- මල් මැලවීගෙන යන බවක් ඔබට පෙනේ නම් පරණ වතුර ඉවත් කර අලුත් වතුර බඳුනට දමා සීනි හැඳි කිහිපයක් එයට දමන්න. මල් වල ජලය ලබාගැනීමේ හැකියාව වැඩිකරගැනීමට යටින් අඟල් කිහිපයක් උසින් න‍ටු කපාගන්න. පැය කිහිපයක් ගත වන විට මල් ප්‍රාණාවත් වී ඇති අයුරු ඔබට දැකිය හැකියි.
5.හුලඟ ඇති විට ගිනි කූර දල්වා තබාගත හැකි ක්‍රමයක්
- ගිනි කූර ඉක්මනින් දහනය වි අවසන් වීම ඇතැම් වෙලාවල් වලදි ගැටලුවක්. සුලඟ ඇති වෙලාවට ගිනි කූර ඉක්මනින් නිවී නොයන සේ වැඩි වෙලාවක් ගිනි දල්ල ආරක්ෂා කරගැනීමට ගිනි කූර පින්තූරයේ පරිදි පහළ අතට පොති රැහීම සිදුකරන්න. ඉන් දැල්ලේ දීප්තිමත් බව වැඩිවෙනවා වගේම ලෙහෙසියෙන් නිවීයාම ද සිදුනොවේ.
6.ඇඳුම් වල දහදිය පැල්ලම් ඉවත්කරගැනීමට
- බොරු දත් කුට්ටම් පිරිසිදුකරගැනිමේදි භාවිතා වන ‘ඩෙන්චර් ටැබ්ලට්’ (denture tablet) භාවිතයෙන් ටී-ෂර්ට් වල රැඳී ඇති දහදිය පැල්ලම් ඉවත්කරගැනීමට හැකියි,. උණුසුම් වතුර සහිත බාල්දියකට මින් ටැබ්ලට් 1-3 ක් පමණ දමා පැයක් පමණ ඇඳුම පෙ‍ඟෙන්නට හරින්න. පසුව සාමාන්‍ය පරිදි ඇඳුම සෝදාගන්න.
7.ඇඳ ඇතිරි වලට පින්න ඉහෙනවාද කියා දැනගැනීමට ක්‍රමයක්
- ඇඳ ඇතිරිලි වලට පින්න ඉහෙන බව හෝ සේදූ ඇඳ ඇතිරිලි තවමත් තෙත සහිත දැයි පරික්ෂා කරගැනීමට මෙය හොඳ උපක්‍රමයකි. ඇතිරිලි යටින් කුඩා මුහුණ බලන කණ්ණාඩියක් මිනිත්තු 10 ක් පමණ තිබෙන්නට හරින්න. ඒ මතුපිට වාෂ්ප රැඳී ඇත්නම් ඉන් අදහස් වන්නේ ඇඳ ඇතිරිලි තවමත් තෙත සහිත බවයි. ඒවා තෙත සහිත වීම පුස් දිලීර බැඳීමට හිතකර පරිසරයක් ඇතිකරවයි. ඇදුම හා විවිධ ආසාත්මිකතා ඇති පුද්ගලයින් හට එය හානිකර විය හැක. එමෙන්ම රෙදි වල පෙනුමට ද හානි විය හැකිය.
8.බීජ වර්ග නැවුම් බව ආරක්ෂා වන සේ අසුරාතබාගැනීමට
- මෙම බීජ පැකට්‍ටු හුලං නොවදින බඳුනකට දමා සිලිකා ජෙල් පැකට්‍ටුවක් ද එක්කර පියන වසා අසුරාතබන්න. සිලිකා මඟින් බීජ වියළිව තබා පුස් බැඳීම හා පැළ වීම වළකයි. එමඟින් ඒවායේ ගුණාත්මක බව දිගුකල් ආරක්ෂා කරගත හැක.
උපුටා ගැනීම: The Lanka Post