මම කවදාවත් බල්ලෙක්ව ඇති කරලා නෑ
මගෙ පොඩි කාලේ ඉදන්ම ආශාවක් තිබ්බේ පූසොන්ට
පූසෝ කියන්නේ තරමක් ආඩම්බරකාර සත්තු කොට්ටාසයක්
මම හිතන්නේ මම පූසොන්ට ආදරේම ඒක හින්දා වෙන්න ඇති
මම කොහොමත් වැඩියෙන්ම මට ආඩම්බරකාරකම් පෙන්වන
ඕනේ කෙනෙකුට ආදරෙයි
මොකද ඒ ආඩම්බරකම ඇතුළේ අමුතු ලෙන්ගතුකමක් මට දැනෙනවා
ඒත් මම කියන්න යන්නේ මම ගැනවත් පූසෝ ගැනවත් නෙමෙයි බල්ලො ගැන
බල්ලා කියන්නේ මිනිසාට අතීතයේ ඉදන්ම ලෙන්ගතුකමක් පාන සතෙක්නේ
බල්ලා සහ ස්වාමියා අතර තියෙන සම්බන්දය අපිට සුලබව සාහිත්‍යයේදී පවා අහන්න පුළුවන් දෙයක්
මම බල්ලෝ ගැන දන්නේ බොහොම අඩුවෙන්
ඒ කියන්නේ උන්ගේ උප්පැන්න සහතික කියවන්න මම දන්නේ නෑ
ඒ උනාට බල්ලා කියන සතා සමාජය ඇතුළේ
මොන වගේ භූමිකාවක ඉන්නවද කියලා මම සාමාන්‍ය ප්‍රමාණයකට අද්‍යනය කරලා තියෙනවා
බල්ලා කියන සතා ග්‍රාමීයව වැඩිපුරම හැදී වැඩෙන්නේ පිරිම් පාර්ෂවයට සමීපව
ඒත් මම දන්න අත්දැකීම් වලට අනුව
නාගරිකව බල්ලා පිරිමි සහ ගැහැනු යන දෙපාර්ෂවය අතරම ජනප්‍රිය චරිතයක්
ග්‍රාමීය තරුණියක් බල්ලෙක්ව තුරුල් කරන් ඉන්නවා මම දැකලා තියෙන්නේ බොහොම අඩුවෙන්
මම හිතන්නේ ඒක ග්‍රාමීය මිනිසුන්ගේ ආකල්පමය සාදකයක්
ගමේ තරුණියක් බල්ලෙක්ව තුරුල් කරන් හුරතල් කරනවා දැක්කොත්
“අන්න බලපන්කෝ අරකි කසාද බදින්න ඕනේ වයසෙදී බල්ලෙක්ව බදාගෙන දගලනවා”
“ඕකිට පුදුම මාරුවක්නේ තියෙන්නේ තියෙන ආමාරුවට බල්ලෙක් හරි කමක් නෑ”
ඔන්න ඔයවගේ ප්‍රාතමික ගෝත්‍රික කතා අහන්න වෙන වෙලාවලුත් තියෙනවා.
නමුත් නාගරික තරුණියන්ට ඔය ප්‍රස්නේ අඩුයි
මම දන්න විදියට
තරුණියන් බල්ලාට කොච්චර සමීපද කියන්න මම දන්න හොදම උදාහරණයක්
මගෙ හිටපු පෙම්වතියන් දෙදෙනෙකු ආශ්‍රයෙන් පැහැදිලි කරන්න පුලුවන්
දෙන්නෙක් උනාට එකම කතාවක්
ඒ පෙම්වතියන් දෙදෙනාම ගෙදර කෙනෙක් විදියට මාව අදුන්වලා දුන්නේ බල්ලට විතරයි.
ඉතින් මට තේරුනා බල්ලා සහ තරුණිය අතර කොතරම් කිට්ටු සම්බන්දයක් පවතින්න ඇද්ද
දැන් එම පෙම්වතියන් දෙදෙනාම මාගෙන් වෙන් වී සිටී
අදටත් අහම්බෙන් හරි ඒ කෙල්ලයි බල්ලයි මට මුණ ගැසුනොත්
කෙල්ල දැක්කේ නැති ගානට ගියත්
බල්ලා තවමත් නැට්ට වන වන මගෙ ළගට එන්න උත්සහා කරනවා
කොතරම් උත්සහ කරත් බල්ලා ස්වාමියාගෙ එක වචනයට පවා යටවෙන හරිම හීලෑ සතෙක්
බල්ලාගේ තවත් සාමාජීමය වශයෙන් වැදගත්ම ලක්ෂණයක් තමා ඌ ඉක්මනට මිනිස්සුන්ව ආකර්ෂණය කරගැනීමට සමත් වීම
ඒ වගේම ඌ හොද කෙලෙහිගුණයක් තියෙන සතෙක්
අපි කොහේ හරි ගිහිල්ලා අපිට මගදි හම්බවෙන බල්ලෙක්ට බිස්කට් එකක් හරි දුන්නාම
අපි ආයෙත් අවුරුදු දහයකට පස්සෙ යනකොට ඌව හම්බ උනත් ඌට අර දීපු බිස්කට් එක මතක් වෙලා නැට්ට වන වන ළගට එනවා
ඒ බිස්කට් කන්න නෙමේ මුල්ම වතාවේ දැනුන ලෙන්ගතුකට කෙලෙහි ගුණය
වර්තමානය වනවිට බල්ලාගේ ආර්තික වටිනාකම ඉතා ඉහල මට්ටමක තියෙන්නේ
මිනිසාගේ මෙන්ම බල්ලාගෙත් වටිනාකම තීරනය වන්නේ
ඌගේ පරම්පරාව තත්වය තරාතිරම අනුව
ලක්ෂයක් දෙකක් දීලා මිළදී ගන්නා බල්ලෙකුට ලැබෙන
ආදරය කරුණාව වෙනුවට
පාරේ ඉන්න හොරි හැදිලා පඩි හැලිච්ච බල්ලෙකුට ලැබෙන්නේ
ගල් පාරවල් පොලු පාරවල්
මමනම් කියන්නේ බලු ආදරේ පටන් ගන්න ඕනේ මහ පාරේ කන්න නැතිව නහුටු ගැහිලා ඉන්න බල්ලන්ගෙන් කියලා
ලක්ෂයක් දෙකක් වියදම් කරලා බල්ලෙක් ගෙදරට අරන් එන එකේ
පාරේ නන්නත්තාර වෙලා ඉන්න බල්ලෙක්ට බෙහෙත් ටිකක් අරන් දීලා ඌව
ගොඩ දාන්න පුළුවන්නම් බලු ආදරේ කියන සංකල්පයට ලොකු වටිනාකමක් ලැබෙයි.
උපුටා ගැනීම: Waasala Madusanka