එල්.ටී.ටී.ඊ. බෝම්බ පුරවපු ලොරියකින් මහ බැංකුවට පහර දුන්නේ 1996 ජනවාරි 31 වැනිදා. ඒ කියන්නේ අදින් හරියටම අවුරුදු 25 කට කලින්. මේ ප්‍රහාරයෙන් පුද්ගලයන් 91 ක් දෙනෙක් ජීවිතක්ෂයට පත්වුණා. තවත් 1,400 දෙනෙකුට මරණීය තුවාල සිද්ධ වුණා. තවත් ඒ වගේ පිරිසකට සුළු තුවාල සිද්ධ වුණා.
බෝම්බ ලොරියක් මහ බැංකුවේ හැප්පුවත් මහ බැංකුව සම්පූර්ණයෙන්ම විනාශ කරලා දාන්න ප්‍රභාකරන්ට බැරි වුණා. ඒත් ඊට අවුරුදු 19 කට පස්සේ, හරියටම කිව්වොත් 2015 පෙබරවාරි 27 වැනිදා මෛත්‍රී-රනිල් ප්‍රමුඛ යහපාලන ආණ්ඩුව තියෙද්දි ටයිකෝට් දාගත්තු වැදගත් හොරු කණ්ඩායමක් මහ බැංකුව නැත්තටම නැති කරලා දැම්මා.
එදා දෙමළ ජාතිකයෙක් වෙච්චි ප්‍රභාකරන්ට බෝම්බයෙන් කරන්න බැරි වුණු දේ, රනිල් වික්‍රමසිංහගේ ගජ මිතුරෙක් වගේම දෙමළ ජාතිකයෙක් වෙන අර්ජුන් මහේන්ද්‍රන් සහ එයාගේ බෑණා වෙන අර්ජුන් ඇලෝසියස් ඉලක්කම් විජ්ජාවක් දාලා නියමෙට කළා. සිංගප්පූරු පුරවැසියෙක් වෙන මහේන්ද්‍රන්ව, හිටපු අගමැති රනිල් මහ බැංකුවේ අධිපති කළේම ඔය හොරකම කරන්න ලේසි වෙන්න.
දැන් තියෙන පොහොට්ටු ආණ්ඩුව බලයට ආවෙම මහ බැංකු හොරුන්ට දඬුවම් දෙනවා කියලා. ඒත් මේ වෙද්දි ඒ ගැන කතාවක්වත් නැහැ. අර්ජුන් මහේන්ද්‍රන් සිංගප්පූරුවට වෙලා යෙහෙන් වැජඹෙනවා. එයාගේ බෑණා ලංකාවට වෙලා යෙහෙන් වැජඹෙනවා.
මේ කට්ටිය කරපු හොරකමේ ප්‍රතිවිපාකවලට ජනතාව වන්දි ගෙවනවා.
මට මතක් වෙන්නේ රංජන් හිරේ යද්දි කියපු කතාවක්.
“මුන් ඔක්කොම යාලුවෝ මල්ලි….”