තමන්ගේම කියලා ගෙදරක් කියන්නේ අපි ඕන කෙනෙක්ට තියෙන ලොකු හීනයක්. හැබැයි ගොඩ දෙනෙක්ට තමන් හීන දැකගෙන හිටපු ගෙදරම ජීවත්වෙන්න ලැබෙන්නේ නැහැ. මොකද ඉතින් ගෙයක් හදනවා කියන එක එහෙම ලේසි පහසු වැඩක් නෙමෙයි. ඒකට ගොඩාක් සල්ලි වැයවෙන්න පුලුවන්. හැබැයි එහෙම වෙන්නේ ඉතින් අපි අර සාම්ප්‍රදායික ගෙයක්ම හදන්න බලාපොරොත්තු වෙනවනම් තමයි. ඒ වෙනුවට අපිට පුලුවන් ඒ සාම්ප්‍රදායික ගෙවල් හදන රටාවෙන් ටිකක් මිදිලා, වෙනස් විකල්ප ආකෘතියක ගෙයක් සැලසුම් කරගන්න. එතකොට අපිට පුලුවන් අපිට දරන්න පුලුවන් ගානට වෙනස්ම විදියේ නිවසක් හදාගන්න. අපි අද ඔයාලට අරගෙන එන්නේ අන්න ඒ වගේ වෙනස්ම ආකාරයේ අමුතුම ගෙවල් කිහිපයක් පිළිඹඳවයි.
01. ස්කොට්ලන්තයේ බෲන්ගේ නිවස
ටිකක් අත්භූත ලෙස පෙනෙන මේ නිවස ලෙයාර්ග් ගම්මානය අසල ලොච් ෂින් හි පිහිටා තිබෙනවා. 2015 දී ඇති වූ කුණාටුවකින් පසු ප්‍රදේශවාසීන් බෲන්ගේ මෙම නිවස සෑදීම සඳහා මුදල් එකතු කළ බව පැවසෙනවා. මෙහි ලොකු පවුලක් ජීවත්වුන බවට විහිළු කතාවක් තියෙනවා.
02. ශීතකරණ නිවාසයක්
සාමාන්යයෙන් ඉස්සර ගෙවල් වල වගේ දැන් හදන ගෙවල් වල බිම් ගබඩා කාමර හදන්නේ නැහැ. මෙවැනි ගොඩනැගිල්ලක් සාමාන්යයෙන් භාවිතා කරන්නේ ආහාර හා වයින් ආදිය ගබඩා කිරීම සඳහා යි. කෙසේ වෙතත් මෙය නිවසක් හැටියට භාවිතා කිරීමට ඉතා යෝග්‍යයි. මොකද මෙම බිම් ශීතකරණයේ උෂ්ණත්වය නියතව පවතිනවා.
03. චෙක් ජනරජයේ ඇති කුඩාම නිවස
මෙම නිවස පිහිටා ඇත්තේ ප්‍රාග් හීය. එහි මුහුණත පළල මීටර් 2.25 ක් පමණි. එය 19 වන ශතවර්ෂයේ මැද භාගයේ සාමාන්‍ය නිවාස 2 ක් අතර ඉදිකර ඇති අතර එය විවිධ කාලවලදී කලා චිත්‍රාගාරයක් සහ කඩ කාමරයක් විය. දැන් එය වෙස්ටිබියුලයක් ලෙස භාවිතා කරයි.
04. දහසක් දූපත් මන්දිරය, ඇමරිකා එක්සත් ජනපදය සහ කැනඩාව
ඇමරිකා එක්සත් ජනපදයේ සහ කැනඩාවේ දේශ සීමාවේ දූපත් 1,864 ක් ඇත.මේ අතරින් විශාලතම දූපත් ජනාවාස වී ඇති අතර විශාලතම දිවයිනේ 1,500 කට ආසන්න පිරිසක් වාසය කරනවා. ජස්ට් රූම් ඉනෆ් නම් දූපතට ඇත්තේ පිටුපස මිදුලක් සහිත නිවසක් පමණ‍යි. එසේම, මෙහි දූපත් සියල්ලටම සන්නිවේදනයන් සපයන්නේ එක් සමාගමක් විසිනි.
05. තායිලන්තයේ ස්ටීව් අරීන්ගේ නිවස
ස්ටීව්ගේ අසාමාන්‍ය ගෝලාකාර නිවස ලොව පුරා බොහෝ නිර්මාණශීලී පුද්ගලයින්ට මේ ආකාරයේ නිවෙස් සදහා ලොකු පෙළඹීමක් ඇති කරලා තියෙනවා. ඔහු මෙම නිවස ඉදිකොට ඇත්තේ කාබනික අඹ ගොවිපලකය. මැටි ගඩොල්වලින් නිමවා ඇති මෙම නිවස සහ එහි අභ්‍යන්තරය සඳහා ස්ටීව් හට ඩොලර් 9,000 ක් වැය වෙලා තියෙනවා.
06. වර්ග මීටරයක නිවසක්
ලෝකයේ කුඩාම නිවස වන මෙය ඉදිකර ඇත්තේ බර්ලිනයේ ගෘහ නිර්මාණ ශිල්පියෙකු වන වැන් බෝ ලෙ-මෙන්ට්සෙල් විසිනි. එහි වර්ග ප්‍රමාණය වර්ග මීටර 1 ක් වුවද නිවසට දොරක්, ජනේලයක් සහ පුටුවක් ඇත. මෙම කුඩා නිවස කිලෝ 40.8 ක් බරින් යුක්ත වන අතර එහි රෝද පවා ඇත.
07. හිම ක්‍රීඩාකරුවන්ගේ හරිත නිවාස
දක්ෂ හිම ක්‍රීඩකයෙකු වන මයික් බැසිච් විසින් මෙම නිවස කදුකරයක සුඛෝපභෝගී ලෙස නිමවා ඇත. මෙය වර්ග මීටර් 23ක් තරම් කුඩාය. මේ සදහා ඔහු යොදාගෙන ඇත්තේ පරිසරයෙන්ම සොයාගත් අමුද්‍රව්‍ය වලින් වන අතර විදුලිය සපයා ගෙන ඇත්තේ සූර්‍ය කෝෂ මගිනි.
එසේම මයික් විසින් තවත් නිවසක් ප්‍රවාහනය කිරීමට හැකිවන අයුරින් නිමවා තිබෙනවා. මේ සදහා ඔහුගේ මිතුරන්ගේ උපකාරද ලැබී තිබෙනවා.
08. නෙදර්ලන්තයේ ඇකිළිය හැකි නිවාස
හයිජ්මන් ඉදිකිරීම් ආයතනය විසින් මෙම කුඩා ඇකිළිය හැකි නිවාස නිපදවා ඇත. විශ්වාස කිරීමට නොහැකි වුනත් ඇත්තටම එක දවසක් ඇතුලත මෙම නිවාස ඇකිලීම හා දිගහැරීම කළ හැකිය. මෙම නිවාස සඳහා කුස්සියක්, විසිත්ත කාමරයක් සහ නිදන කාමරයක් සපයනු ලැබේ. තවද සුවපහසු ගෘහ භාණ්ඩත් මේ සමග සපයනු ලබයි.
09. කොස්ටා රිකා හි ගුවන් යානයක පිහිටි හෝටලය
මෙම භාවිතයෙන් ඉවත් කළ බෝයිං වර්ගයේ ගුවන් යානය කොස්ටා රිකා හි ව්‍යාපාරිකයෙක් විසින් මිලදී ගෙන එහි අනර්ඝ හෝටලයක් නිර්මාණය කොට ඇත. මෙය කලපුවක ස්ථාන ගත කොට ඇත.
10. එක්ස්බරි බිත්තර නිවාසය
ස්ටීවන් ටර්නර් නම් ගෘහ නිර්මාණ ශිල්පියා විසින් මෙම බිත්තරයක හැඩැති සුවිශේෂී නිවස නිර්මාණය කොට ඇත. ඇදහිය නොහැකි මෙම එක්ස්බරි බිත්තර නිවාසය (දිග – මීටර් 6, විෂ්කම්භය – මීටර් 2.8) ජලයේ පිහිටා ඇති බැවින් ඔබට සොබාදහමේ ජීවත්වීමට හැකිය. මෙහි උදුනක්, ෂවර් එකක් හා හැමොක් එකක්ද ඇත. මෙය සදහා විදුලිය ලබාගෙන ඇත්තේ සූර්‍ය කෝෂ මගිනි.
11. මහා බ්‍රිතාන්‍යයේ කුඩාම නිවස, පියර් හවුස්
කොන්වි හි පිහිටි මෙම නිවස ගිනස් වාර්තා පොතේ ඇත. එහි වර්ග ප්‍රමාණය වර්ග මීටර් 5.49 කි. 16 වන සියවසේ සිට 1900 දක්වා මිනිසුන් එහි වාසය කර ඇත. මෙහි අවසන් වරට ජීවත් වූයේ රොබට් ජොන්ස් නම් ධීවරයායි, නමුත් සිවිලම පහත් වැඩි නිසා ඔහුට එයින් පිට වීමට සිදු වුණා. අද වන විට මෙය ජෝන්ස් ගේ පරම්පරාව විසින් කෞතුකාගාරයක් ලෙස පවත්වාගෙන යනවා.
12. ඇල්ප්ස් හි UFOGEL එකෝ විලා
මෙම නිවස වර්ග මීටර් 45ක් පමණ ප්‍රමාණයක් වේ. මෙය පීටර් ජන්ග්මන් නැමැත්තෙක් විසින් නිර්මාණ කළ නිවසකි. මේ නිවසේ ඔඅබට් වුවත් අවශ්‍ය නම් කුලියට දින කිහිපයක් ගත කළ හැකියි.
13. ඇවිදින ගෙදර
මෙම නිවස නිර්මාණය කර තිබෙන්නේ N55 සහ Wysing Art Center නම් ආයතන දෙක මගින්. මෙහි සම්පූර්ණ ප්‍රමාණය මීටර් 3.72×3.5×3.5 පමණ වේ. මෙය කිලෝග්‍රෑම් 1200ක් බර වේ. මෙය පැයට කිලෝමීටර් 37ක පමණ වේගයෙන් ධාවනය කළ හැකි අතර, ඒ සඳහා අවශ්‍ය ශක්තිය සුලගෙන් සහ සූර්‍යකෝෂ හරහා ලබා ගනී.
උපුටා ගැනීම: Ceylon journal