ඔයාගේ දරුවටත් දෙවෙනි බස අදුන්වල දෙන්නේ කොහොමද කොයි කාලේද කොයි විදියට ද කියලා අද අපි බලමු……
ඔබේ ගෙදර වැඩියෙන්ම කථා වෙන්නේ සිංහලෙන් නිසා දරුවට ඉංග්‍රීසි මාධ්‍යයෙන් ඉගෙනගන්න බැරි වෙයි කියලා ඔයත් බයද…..
එහෙනම් මේක කියවන්න මේ විදියට කරන්න…
දරුවෙකුගේ ජිවිතේ මුල් අවුරුදු 3 තමයි එයාගේ neuro linguistic pathway එක සම්පුර්ණයෙන්ම හැදෙන්නේ… ඒ නිසා මුලින්ම ඔයා කරන්න ඕනි ඔයාගේ දරුවට එක භාෂාවක් හරියට කථා කරන්න පුරුදු කරන්න… මම අවුරුදු 14 ක්‌ වාග් ව්‍යාධි වේදිනියක් / වාග් චිකිත්සක වරියක් ලෙස මේ සම්බන්ද මගේ දැනුමින් ඔයාගේ දැවෙන ප්‍රශ්නයකට කොහොමද සාර්ථක ප්‍රයෝගික උත්තරයක් හොයන්නේ කියලා මේ කියන්නේ….
මුලින්ම හොදින් බබා සිංහලෙන් කථා කරන්න පුරුදු කරන්න පළමු අවුරුදු තුන…
හොදට බබා කථා කරද්දී අවුරුදු තුනේදී ඔයාට එයාට ඉංග්‍රීසි දෙවැනි බසක් ලෙස හදුන්වා දෙන්න පුළුවන්….
එයාගේ play group සහ මොන්ටිසෝරි එක ඉංග්‍රීසි මාධ්‍ය යෙන් අවුරුදු 4 දී පටන්ගන්න පුළුවන් ඔයාට ඔයා එයාට ඉංග්‍රීසියෙන් grade 1 ඉදල සියළුම විෂයන් උගන්වන්න බලාපොරොත්තු වෙනවා නම්….
ඔයාට ඒකට…..
ඉදිරියේදී රජයෙන් හදුන්වා දෙන්න බලාපොරොත්තු වන සැම ප්‍රදේශයකම නොමිලේ ඉගැනීම සදහා ඇති කරවන ද්වි භාෂා මුල් ළමාවිය සංවර්දන මධ්‍යස්ථාන හෝ……
දැනටමත් යම් ගෙවීමක් කරල යන්න පුළුවන් British council එකෙන් හැම ප්‍රදේශයකම වගේ දාල තියෙන ESL method එකෙන් උගන්වන ESOL centers වලට දරුවා යොමුකරන්න පුළුවන්…
ඒ වගේම ඕනෑතරම් play group සහ pre school දැනටමත් තියෙනවා ඉංග්‍රීසියෙන් උගන්වන….
ඒ වගේම නොමිලේ දැනුම ලබාගන්න පුළුවන් දෙමාපියන් ට රජයේ වාග් චිකිත්සක සායන වලින් කොහොමද සිංහල කථා කරන දරුවට ඉංග්‍රීසි අදුන්වල දෙද්දී කරන්න අවශ්‍ය ක්‍රියාකාරකම් ගැන සහ මූලික විද්‍යනුකුල මග පෙන්වීම
කරන්න තියෙන්නේ ඔයා රජයේ රෝහලේ OPD එකේ ඉන්න වෛද්‍ය වරයට ඔබේ ගැටලුව කියලා වාග් චිකිත්සක සායනයට දරුවා සහ ඔබ යොමු කරව ගන්න.
ඒ වගේම මේ සම්බන්ද අන්තර්ජාලයේ ඕනෑතරම් තොරතුරු තියෙනවා ඒවා කියවන්න
සරලව මම ඔබ‍ට අදියර කීපයක් කියන්නම් මේක කරන්න ඕනි විදිය
සැම විටම ඔබේ දරුවට අවුරුදු තුනෙන් පස්සේ පින්තුර පෙන්වද්දී ඒවායේ යටින් නම ලියල තියෙන්න ඕනි ඉංග්‍රීසියෙන්. ලා කහ පාට මතුපිටේ කළු අකුරින් පැහදිලිව ලියන්න. ඒක තමයි දැන් research වල ඉතාම කාර්යක්ෂමව මොළය ග්‍රහණය කරගන්න විදිය කියලා පෙන්වා දීලා තියෙන්නේ.
ඒ වගේම ඉංග්‍රීසියෙන් පින්තුර කථා කියාදෙන්න පටන්ගන්න. ඒ කිව්වේ බබා සිංහලෙන් දන්න කතාව දැන් අපි එයා එක්ක පින්තුර විතරක් භාවිතා කරමින් ඒ කිව්වේ picture stories භාවිතා කරමින් එයා පින්තුර පිළිවෙලට තියමින් හදද්දී ඔයා සරලව ඉංග්‍රීසි වාක්‍ය කණ්ඩ වලින් කියලා එයාට වචන සහ වාක්‍ය ඛණ්ඩ කනට ඇහෙන්න සලස්වන එක. මේ වෙලාවේදී එයා ඒ වාක්‍ය ඛණ්ඩ කියන්න ඕනි නෑ ඇහෙන්න විතරයි අවශ්‍ය. සිංහල සහ ඉංග්‍රීසි phonological sequences එයාගේ කථන හා භාෂා මධ්‍යස්ථාන පටලගන්නේ නැතුව හරියට register කරගන්නේ අන්න එහෙම කරද්දී. එකම කතාව සතියට තුන් වරක් දවසක් හැර දවසක් කරන්න. දවස ගානේ වෙනස් වෙනස් picture stories භාවිතා කරන්න එපා හැමවෙලේම සතියට එකක් බැගින් කරන්න…
දරුවට හැම වේලේම ඉංග්‍රීසි කථා කරන්න අවශ්‍ය නෑ කොහෙත්ම එයාට සුපුරුදු පරිදි එයාගේ කථා කරන සිංහල භාෂවෙන් කථා කරන්න දෙන්න… හැබැයි අර මම කිව්ව විදියට එයා එක්ක ඉගෙනුම් ක්‍රියා කාරකම් කරන වෙලාවේදී කටයුතු කරන්න……
හැම වචනයකටම අදාල semantic net work එකක් තියෙනවා. ඒ කිව්වේ හැම වචනයක් එක්ක ම සම්බන්ද තවත් වචන ගොඩක් තියෙනවා. නාම පද ක්‍රියා පද නාම විශේෂණ ක්‍රියා විශේෂණ ආදී එකී මේකී නොකී….
උදාහරණයක් විදියට “කෙසෙල් ” කියන වචනය ගමුකො. කෙසෙල් එක්ක කථා කරද්දී ලියද්දි සම්බන්ද පද ගොඩක් තියෙනවා. ටිකක් කියන්න ම් ඔයාට අදහසක් ගන්න… කෙසෙල් කොල පාටයි, කහ පාටයි, කෙසෙල් කනවා, කෙසෙල් රසයි, කෙසෙල් ලෙල්ල, ලෙලි ගසා පට්ටය ඉවත් කරනවා, කෙසෙල් ඇබුල්, කෙසෙල් ඉදිලා, කෙසෙල් පෙති, කෙසෙල් පෙති කපල, අලු කෙසෙල්, කෙසෙල් උයනවා,ect ect
ලියල ඉවර කරන්න බෑ ගොඩක් වෙලා යන නිසා මෙතන
අන්න එහෙම සතියට වචනයක් බැගින් අරන් ඒකෙ semantic network එක දරුවාට ඉංග්‍රීසියෙන් හදුන්වා දෙන්න බොහොම රසවත් විදියට…
භාෂාව ඉගෙනීම කිසිම වෙලාවක දරුවට වදයක් කරන්න එපා. සෙල්ලම් ක්‍රියාකාරකම් මගින් සහ ඔබේ එදිනෙදා ක්‍රියාකාරකම් වලට දරුවා සම්බන්ද කරගැනීමෙන් මේ දේවල් ඉතා පහසුවෙන් කරන්න පුළුවන් විශේෂයෙන් කාලයක් වෙන් කරගන්නේ නැතුවම….
මේ හැම දේම කරන්න නම් තවත් අත්‍යවශ්‍ය එක දෙයක් තියෙනවා. ඒ තමයි ඔබේ අවංක උත්සාහය කැපවීම තියෙන්න ඕනි. මුලින්ම ඔබත් යමක් ඉගෙනගන්න ඕනි. ඔබේ දෙවැනි භාෂාව ආශ්‍රිත දැනුම වැඩිකර ගන්න ඕනි.
කොහොම උනත් ඉදිරියේදී රජයෙන් දෙමාපියන් වගේම දරුවන්ට පහසුවක් සලසන්න මේ අඩු පාඩු හදාගන්න ඔබ‍ට ලගා විය හැකි ආකාරය ට මුල් ළමා විය සංවර්දන මධ්‍යස්තාන පිහිටුවයි. එතකොට ඔබ‍ට බොහොම පහසුවෙන් ඔබේ දරුවට දෙවෙනි භාෂාවෙන් grade 1 ඉදල සියළුම විෂයන් ඉගෙනගන්න පුළුවන් වේවි කිසිම අපහසුවකින් තොරව…..
එතකන් දැන්ම ඉදන් මේ ටික පටන්ගමු ඔයත් ඔයාගේ දරුවට දෙවෙනි භාෂාව ලෙස ඉංග්‍රීසි හදුන්වා දීලා ඉංග්‍රීසියෙන් මුල සිටම එයාට අධ්‍යාපනය දෙන්න කැමති කෙනෙක් නම්…
සාරාංශයක් ලෙස මේ පෝස්ට් එක කෙටි කරොත් වාක්‍ය කිහිපයකට ….
මුල් අවුරුදු 3 හොදට සිංහල උගන්වන්න ඔබේ දරුවට….
එතකොට සිංහල හොදින් කතාකරන්න පුළුවන් කිසිම ප්‍රශ්නයක් වෙන්නේ නෑ සිංහල phonology වලට.
ඉන්පසු දෙවෙනි බස හදුන්වා දෙන්න.
පළමු අවුරුදු තුන තුල සම්පුර්ණයෙන්ම neuro linguistic path way එක complete වෙනවා. ඊටපස්සේ දරුවට ඕනෑ තරම් භාෂාවන් ඉගෙනගන්න පුළුවන්.
අවුරුදු 3 න් පස්සේ ඉංග්‍රීසි හදුන්වා දීලා දිගටම කරගෙන ගිහිල්ල 1 වසර ඉදන් දිගටම ඉංග්‍රීසියෙන් සියළුම විෂයන් ඉගෙනගන්න අවස්ථාව ලබා දෙන්න ඔබේ දරුවට. සිංහල වලට වත් ඉංග්‍රීසි වලට වත් කිසිම බලපෑමක් නෑ එතකොට. සිංහල විෂයක් ලෙස කොහොමත් පාසලේ උගන්වන නිසා සිංහල ත් කියවන්න ලියන්න පුරුදු වෙනවා ඉංග්‍රීසි මාධ්‍යයෙන් ඉගෙනගත්තට…
උපුටා ගැනීම: සොනාලී .සී. ජයතිලක