ස්වයං ප්‍රකාශිත සාතන්වාදියෙකු වන ඇල්ගරාඩ් සත්ව බිලි පූජා කිරීම, පනපිටින් මරා සතුන්ගේ රුධිරය පානය කිරීම සහ තම නිවසේ විව්ධ යාග පැවත්වීම සිදුකල අතර මිනීමැරුම් චෝදනා කිහිපයකටද යටත් විය.
ඇල්ගරාඩ්ගේ මුල් ජීවිතය ගැන වැඩි යමක් දන්නේ නැත. ඔහු ජෝන් ඇලෙක්සැන්ඩර් ලොසන් නමින් 1978 අගෝස්තු 12 වන දින කැලිෆෝනියාවේ සැන් ෆ්රැන්සිස්කෝ හි උපත ලැබීය. පසුව ඇල්ගරාඩ් සහ ඔහුගේ මව උතුරු කැරොලිනාවේ ක්ලෙමොන්ස් වෙත පදිංචියට ගියහ.
පසුසු අල්ගරාඩ් නම් මෙම පුද්ගලයා ගැන “ද ඩෙවිල් යූ නෝ” නම් වාර්තා චිත්‍රපටය නිෂ්පාදනය කොට අධ්‍යක්ෂණය කළ පැට්‍රීෂියා ගිලෙස්පී පැවසුවේ ඔහුගේ ළමා කාලය පිළිබඳ කථා බොහෝ විට ප්‍රතිනිර්මාණය කළ බැවින් ඔහුගේ ජීවිතය පිළිබඳ සැබෑ අවබෝධයක් ලබා ගැනීම දුෂ්කර බවය.
ඇල්ගරාඩ්ගේ මව සින්තියා පවසන්නේ තම පුතා කුඩාකල සිට්ම භින්නෝන්මාදය සහ ඇගෝරාෆෝබියා ඇතුළු මානසික රෝග කිහිපයකින් පෙලුනු බවය.
සින්තියාට මුලින් ඇල්ගරාඩ්ට අවශ්‍ය මනෝචිකිත්සක උපකාරය ලැබුණද, ඇය සතු මුදල් ඉවර වූ අතර ඔහුට තවදුරටත් ප්‍රතිකාර ලබා ගැනීමට නොහැකි විය. එබැවින් ඔහුගේ මානසික සෞඛ්‍යය ඉතා ඉක්මනින් පිරිහී ගියේය.
2002 දී ඔහු සිය නම පසුසු ඉල්ලා අල්ගරාඩ් ලෙස වෙනස් කළේය. එය එක්සොරිස්ට් චිත්‍රපටයේ සඳහන් ඇසිරියානු භූතයාට උපහාර දැක්වීමකි. ඔහුගේ නම වෙනස් වීමෙන් පසුව, ඇල්ගරාඩ් සමාජයෙන් බැහැරව සිටීම, පච්ච කොටා ගැනීම සඳහා ඔහුගේ මුහුණ වසා ගැනීම සහ දත් ලකුණු කර ගැනීම ආරම්භ කර ඇති අතර ඔහු නිතිපතා සත්ව පූජා කළ බවත් කාලගුණය පාලනය කළ හැකි යැයි කියා සිටි බවත් ඔහු ඇසුරු කල මිනිසුන් පවසයි.
මනෝචිකිත්සකයෙකුට අනුව, ඇල්ගරාඩ් වසරකට එක් වතාවකට වඩා ස්නානය නොකළ අතර වසර ගණනාවක් තිස්සේ දත් මැද නැත. කෙසේ වුවත් ඇම්බර් බර්ච් සහ ක්‍රිස්ටල් මැට්ලොක් නමින් ඔහුට පෙම්වතියන් දෙදෙනෙකු විය.
හිල් ඩ්‍රයිව් හි පසුසු අල්ගරාඩ්ගේ නිවස වැරදි ක්‍රියා සඳහා කේන්ද්‍රස්ථානයක් බවට පත්වි තිබූ අතර ඕනෑම අයෙකුට අවශ්‍ය තාක් කල් පැමිණ නැවතී සිටිය හැකිය. ඇල්ගරාඩ් තම නිවසේ ඔවුන් කළ දේ ගණන් ගත්තේ නැත. ඔහු එම නිවසේ ස්වයං හානි අධ්‍යයනයන්ට ඉඩ දුන් අතර කුරුල්ලන්ගේ රුධිරය පානය කිරීම, හාවන්ව බිලි පූජා කිරීම, අධික මත් ද්‍රව්‍ය භාවිතා කිරීම සහ ලිංගික පාර්ටි පැවැත්වීම සිදුකර ඇත.
ඔහුව මුල්වරට අත්අඩංගුවට ගැනුනේ මිනීමරුවෙකුට නිවසේ සැගවී සිටීමට උදවු කිරීම නිසාය. පසුව නිවස පරික්ශා කිරීමෙදී නිවසේ සෑම තැනකම කුණු කසළ සහ සත්ව මළකඳන් පිරී තිබූ අතර බිත්ති මත ලේ ගලායම් හැමතැනකම දැකිය හැකි විය.
ඉන්පසු 2014 ඔක්තෝම්බර් 5 වන දින 35 හැවිරිදි ඇල්ගරාඩ් සහ ඔහුගේ පෙම්වතිය වන 24 හැවිරිදි ඇම්බර් බර්ච් යන දෙදෙනාම අත්අඩංගුවට ගනු ලැබුවේ මිනිසුන් දෙදෙනෙකුගේ ඇටසැකිලි ඇල්ගරාඩ්ගේ නිවසේ පිටිපස්සේ වළලා තිබී හමුවීම නිසාය.
ඔක්තෝබර් 13 වන දින මෙම පුද්ගල සිරුරු ජොෂුවා ෆ්‍රෙඩ්රික් වෙට්ස්ලර් සහ ටොමී ඩීන් වෙල්ච් ලෙස හඳුනාගෙන ඇති අතර ඔවුන් දෙදෙනාම 2009 දී අතුරුදහන් වි ඇත.
ඇල්ගරාඩ් සහ බර්ච් අත්අඩංගුවට ගැනීමෙන් ටික කලකට පසු, ඇල්ගරාඩ්ගේ අනෙක් පෙම්වතිය වන 28 හැවිරිදි ක්‍රිස්ටල් මැට්ලොක්වද සොයාගත් තවත් එක් පුද්ගලයෙකුගේ මරණය සම්බන්ධයෙන් චෝදනා ලැබ සිටියේය. එහිදී සිරුරක් භූමදානය සඳහා ඇය උදව් කළ බවට සැක කෙරිනි.
2009 ජුලි මාසයේදී ඇල්ගරාඩ් විසින් වෙට්ස්ලර්ව ඝාතනය කළ බවත් ඔහුගේ දේහය භූමදානය කිරීමට බර්ච් උදව් කළ බවත් පසුව චෝදනා එල්ල විය. මේ අතර, බර්ච් 2009 ඔක්තෝම්බර් මාසයේදී වෙල්ච්ව ඝාතනය කළ බවට චෝදනා කළ අතර ඇල්ගරාඩ් එම භූමදානය සඳහා උදව් කර තිබේ. හිසට වෙඩි තැබීමෙන් දෙදෙනාම මිය ගොස් ඇත.
දේපළවල නටබුන් සොයාගත් විගස, ප්‍රාන්ත නිවාස නිලධාරීන් මෙම නිවස “මිනිස් වාසයට නුසුදුසු” යැයි සැලකූහ. 2015 අප්‍රියෙල් මාසයේදී පසුසු අල්ගරාඩ්ගේ බිහිසුණු නිවස කඩා බිඳ දමන ලදී.
2015 ඔක්තෝබර් 28 වන දින අලුයම ඇල්ගරාඩ් උතුරු කැරොලිනාවේ පිහිටි මධ්‍යම බන්ධනාගාරයේ සිර මැදිරියක මියගොස් සිටියදී සොයා ගන්නා ලදී. මරණය සියදිවි නසා ගැනීමක් ලෙස තීන්දු විය. ඔහුගේ වම් අතෙහි ගැඹුරු කැපුමක් හේතුවෙන් ඔහු මරණයට පත්විය. ඇල්ගරාඩ් භාවිතා කළ මෙවලම තවමත් සොයාගෙන නොමැත.
උපුටා ගැනීම: රාම් වණා