ඉඟුරු තියෙන්නෙ තේ හදනකොටයි, කෑම හදනකොටයි පාවිච්චි කරන්න විතරයි කියලා ඔයා හිතාගෙන ඉන්නවා නම් මේ ලිපිය ඔයාට ගොඩාක් වැදගත් වෙයි. ඉඟුරුවල තියන ප්‍රයෝජනවත් ඖෂධීය ගුණාංග පැරණි කාලයේ සිටම ප්‍රසිද්ධයි. ඉඟුරුවල විටමින්, ක්ෂුද්‍ර පෝෂක හා අත්‍යවශ්‍ය තෙල් අඩංගු වෙනවා. එමගින් ශරීරය ශක්තිමත් කිරීම, ප්‍රබෝධමත් කිරීම හා ශරීරයේ දැවිල්ල නැති කරගන්න උදව් වෙනවා.
ඉඟුරු පාවිච්චි කරලා ඔයාගෙ සෞඛ්‍යය ශක්තිමත් කිරීමට හා ස්වාභාවික සුන්දරත්වය ආරක්ෂා කර ගැනීමට ප්‍රයෝජනවත් වට්ටෝරු කිහිපයක් ඔයාට කියලා දෙන්න අපි හිතුවා. පහසුවෙන් ගෙදරදිම හදාගන්න පුලුවන් සරල සත්කාර කිහිපයක් මගින් ලස්සන වෙන්නෙ කොහොමද කියලා දැන් අපි දැනගනිමු.
සැලකිලිමත් වෙන්න!
ඔයාට හෘද හෝ අක්මා ආබාධ තියනවා නම්, ඔයාගෙ ශරීර උෂ්ණත්වය ඉහළ ගොස් තිබේ නම් හෝ ඔයාගෙ ශ්ලේෂ්මල පටල වලට හානි සිදුවෙලා තියනවානම් ඉඟුරු භාවිතා කරන්න එපා. ඔයාට ලේ ගැලීමේ තුවාල ඇත්නම් හෝ ඔයා ගර්භනී අවධියේ 2 වන සහ 3 වන ත්‍රෛමාසිකයේ ඉන්න කෙනෙක් නම් ඉඟුරු භාවිතා කිරීමෙන් වළකින්න.
අඹරාගත් ඉඟුරු හා නැවුම් ඉඟුරු කියන දෙකම ගිඩක් ප්‍රයෝජනවත්. ඒ වගේම ඉඟුරුවලින් හදන සගන්ධ තෙලුත් ඉතා ප්‍රයෝජනවත් වෙනවා. ඔයාට ඒවා ආහාර හා බීම වර්ගවලටත් එකතු කරන්න පුලුවන්.
ඉඟුරු සාරය එකතු කරපු මාස්ක් එකක් ආලේප කරන්න කලින්, ඔයා ඉඟුරු වලට ආසාත්මික නොවන බවට වග බලා ගන්න. ඒ සඳහා මාස්ක් එක ඇඟේ ගාන්න කලින් ඔයාගෙ වැළමිටේ ටිකක් ගාලා බලන්න.
14. මාංශ පේශි ශක්තිමත් කරනවා.
ඉඟුරු ස්ක්‍රබ් එකක් මගින් ඔයාගෙ සම උණුසුම් කිරීමට හා රුධිර සංසරණය වැඩි දියුණු කිරීමට උපකාරී වෙනවා. මාංශපේශි ශක්තිමත් කරන්නත් උදව් වෙනවා.
අඹරාගත් ඉඟුරු මේස හැඳි 1 ක්, ඉඟුරු යුෂ ලීටර් බාගයක් සමඟ මිශ්‍ර කරන්න. එයටම ගොරෝසු මුහුදු ලුණු වීදුරු එකහමාරක් එකතු කරන්න. මේ ස්ක්‍රබ් එක ස්පොන්ජ් එකකට අරගෙන සමේ රැළි තියන තැන්වල ගාන්න.
13. පරිවෘත්තීය ක්‍රියාවලිය වේගවත් කරන අතර ඔක්කාරය නැති කරනවා.
ඔයාට ආහාර දිරවීමේ ගැටළු තියනවා නම් හෝ ගර්භණී කාලෙදි ඔක්කාරය ඇති වෙනවා නම් ඒ වෙලාවට ඉඟුරු කෑල්ලක් හපන්න පුලුවන්. නැත්නම් නැවුම් ඉඟුරු යෙදූ තේ එකක් බොන්න.
12. නියපොතු ශක්තිමත් කරන අතර ඒවා වර්ධනය වීමට උපකාරී වෙනවා.
බටර් මේස හැඳි 2 ක් උණු කරගන්න. එයටම අලිගැටපේර තෙල් තේ හැඳි 2 ක්, පච්චූලි අත්‍යවශ්‍ය තෙල් බිංදු 5 ක්, ඉඟුරු අත්‍යවශ්‍ය තෙල් බිංදු 5 ක් හා ලෙමන් අත්‍යවශ්‍ය තෙල් බින්දු 7 ක් එකතු කරන්න. අමුද්‍රව්‍ය ඔක්කොම එකට මිශ්‍ර කරලා වියළි පිරිසිදු භාජනයකට දමන්න. මේ මිශ්‍රණය මාස්ක් එකක් ලෙස හෝ ක්‍රීම් සමඟ මිශ්‍ර කරලා භාවිතා කරන්න පුලුවන්.
මතක තබා ගන්න! සමහර විට මේ අමුද්‍රව්‍ය අසාත්මිකතාවන්ට හේතු වෙන්න උඩ තියනවා. ඒ නිසා ඔයා ගොඩක් පරිස්සම් වෙන්න ඕන.
11. ප්‍රතිශක්තිය වැඩි දියුණු කරනවා.
ඉඟුරුවල ඇස්කෝර්බික් අම්ලය, විටමින් ඒ හා බී, සින්ක්, කැල්සියම්, අයඩින්, ස්වාභාවික ප්‍රතිජීවක හා ප්‍රතිජීවක ඖෂධ විශාල වශයෙන් අඩංගු වෙනවා. ඒවා මගින් අපේ ශරීරය ශක්තිමත් කරන අතර විවිධ රෝගවලින් අපිව ආරක්ෂා කරගන්නත් උදව් වෙනවා.
අඹරාගත් ඉඟුරු තේ හැන්දක්, බ්ලැක් හෝ ග්‍රීන් ටී මිලි ලීටර් 250ක් සමග මිශ්‍ර කරන්න. එයටම ලෙමන් යුෂ හා නැවුම් ඉඟුරු ග්‍රෑම් 400 ක් එකතු කරලා මී පැණි ග්‍රෑම් 250 ක ගිල්වන්න. උණ හැදුණු දවස්වලට උදේට කන්න කලින් මේ මිශ්‍රණයෙන් බේස හැන්දක් ආහාරයට ගන්න.
10. වේදනාව අඩු කරනවා
දැඩි ව්‍යායාමයෙන් පසු මාංශ පේශි වල වේදනාව, කාන්තාවන්ගේ ඔසප් වේදනාව ඵා ආතරයිටිස් ඇතුළු වේදනාකාරී ක්‍රියාවලිවල වේදනාව අඩු කරන්න ඉඟුරු හොඳ බෙහෙතක්. ඉඟුරු, කහ, ලෙමන් ගෙද්ඩි දෙකක යුෂ, මී පැණි තේ හැන්දක් හා වතුර එකතු කරලා මිශ්‍රණයක් හදාගෙන තේ හැන්දක් පානය කරන්න.
09. මොළයේ ක්‍රියාකාරිත්වය වැඩි දියුණු කරනවා.
ඉඟුරු පරිභෝජනය මගින් මොළයේ සෛලවල වයසට යාම හා සෛල මැරීමේ වේගය අඩු කරනවා. ඇල්සයිමර් හා පාකින්සන් වගේ ස්නායු විකෘති වීම නිසා ඇතිවන රෝග සමනය කරන්නත් ඉඟුරුවලට පුලුවන්. ඒ වගේම මතකය වැඩි දියුණු කරන්නත් ඉඟුරු උදව් වෙනවා.
08. වයසට යාමේ වේගය අඩු කරනවා.
ඉඟුරු වල ප්‍රතිඔක්සිකාරක විශාල ප්‍රමාණයක් අඩංගු වෙනවා. එමගින් ශරීරයේ පුනර්ජනනීය ක්‍රියාවලීන් වේගවත් කරනවා. ඒ වගේම නිදහස් රැඩිකලුන් හා විෂ ද්‍රව්‍ය ඉවත් කරනවා. එමගින් සම ඉක්මනින් වයසට යාම වළක්වනවා.
07. බර අඩු කර ගැනීමට උදව් වෙනවා.
ඉඟුරු වල “දැවෙන” මූලද්‍රව්‍ය රාශියක් අඩංගු වෙනවා. එමගින් පරිවෘත්තීය වේගවත් කරනවා. ආහාර රුචිය අඩු කරනවා. කෑමට විනාඩි 30 කට කලින් ඉඟුරු යෙදූ තේ එකක් බිව්වොත් ඔයා කන කෑම ප්‍රමාණය අඩු කරගන්න පුලුවන්. ඒ වගේම අඹරාගත් ඉඟුරු, කුරුඳු හා රතු ගම්මිරිස් ටිකක් එකතු කරපු කෙෆීර් හෙවත් යෝගට් වීදුරුවක් පානය කරන්න.
06. කාමාශාව
කාම සූත්‍රයේත් ඉඟුරු ගැන සඳහන් වෙනවා. සමහර ජනප්‍රවාදයන්ට අනුව, ඉඟුරු මගින් කෙනෙකුගේ සම්බන්ධතාවයේ ගින්න අඩු කරන්න පුලුවන්. ඒ වගේම රුධිර සංසරණය උත්තේජනය කරනත්, හෝමෝන වැඩි කරන්න වගේම සංවේදීතාව වැඩි කරන්නත් ඉඟුරු ගොඩාක් ප්‍රයෝජනවත් වෙනවා.
05. දීප්තිමත් හා පැහැදිලි සමක් ලබාදෙනවා.
අඹරාගත් ඉඟුරු, මී පැණි හා ලෙමන් යුෂ සමාන ප්‍රමාණයක් මිශ්‍ර කරලා සමේ ගාන්න. එමගින් සමේ සෛල පුනර්ජීවනය වෙනවා. සම දීප්තිමත් කරනවා. මේ ආලේපනය විනාඩි 30 ක් මුහුණේ තියන්න.
04. ප්‍රතිවෛරස් බලපෑමක් ඇති කරනවා.
ඉඟුරු වල තියන සමහර මූලද්‍රව්‍යයන්ට පිළිකා මර්දනය කිරීමට හා රසායනික චිකිත්සාව අතරතුර කෙනෙකුගේ තත්වය සමනය කිරීමට හැකියාව තියනවා.
03. කුරුලෑ ඉවත් කිරීමට උපකාරී වෙනවා
අඹරාගත් ඉඟුරු තේ හැන්දක් හා ඇපල් සයිඩර් විනාකිරි තේ හැන්දක් එකට මිශ්‍ර කරන්න. සමේ දැවිල්ල හා රතු පැහැය ඉක්මනින් ඉවත් කිරීම සඳහා හැම කුරුලෑවකටම මිශ්‍රණය ආලේප කරන්න.
අඹරාගත් ඉඟුරු තේ හැන්දක්, මී පැණි තේ හැන්දක් හා කිරි ස්වල්පයක් මිශ්‍ර කරන්න. හදාගත් මිශ්‍රණය මුහුණට ආලේප කරලා විනාඩි 10-15 කට පසු සෝදන්න.
02. රුධිර සංයුතිය පාලනය කරනවා.
පර්යේෂණවලට අනුව, නිතිපතා ඉඟුරු පරිභෝජනය කිරීමෙන් කොලෙස්ටරෝල් හා රුධිරයේ සීනි මට්ටම සාමාන්‍ය තත්වයට පත් කරගන්න පුලුවන්. ඒ වගේම, රුධිර කැටි ගැසීම් හා අධි රුධිර පීඩනය වැළැක්වීමටත් ඉඟුරු උපකාරී වෙනවා. කුරුඳු කැබැල්ලක් හා ඉඟුරු ටිකක් එකට තම්බන්න. එය සිසිල් වීමට ඉඩ දෙන්න. දිනකට 2-3 වතාවක් බොන්න.
01. හිසකෙස් වර්ධනය වැඩි කරනවා. හිසකෙස් හැලීම හා හිස්සොරි වළක්වනවා.
ඉඟුරු මගින් හිස්කබලට රුධිරය ගලා ඒම, කෙස් මුල් වලට පෝෂ්‍ය පදාර්ථ සැපයීම හා හිසකෙස් හැලීම වැළැක්වීම වගේ ප්‍රයෝජන ගොඩක් ලබදෙනවා.
හිසකෙස් ශක්තිමත් කිරීමට – අඹරාගත් ඉඟුරු හා ජොජෝබා තෙල් එකට මිශ්‍ර කරලා හිසකෙස්වලට හා හිස්කබලේ ගාන්න. හොඳින් මසාජ් කරලා විනාඩි 30 කට පසු සෝදා හරින්න.
හිසකෙස් වර්ධනය වැඩි දියුණු කිරීමට – අඹරාගත් ඉඟුරු හා සුදුළූණු ස්වල්පයක් වතුර ටිකක් සමග කලවම් කරලා ටික වෙලාවක් තියන්න. එයටම ඔලිව් හෝ පොල්තෙල් ටිකක් එකතු කරන්න. හිසකෙස් මුල්වලට මිශ්‍රණය දමා හොඳින් මසාජ් කරන්න.
හිස්සොරි නැති කිරීමට – නැවුම්ව අඹරාගත් ඉඟුරු තේ හැඳි දෙකක් හා ඔලිව් හෝ තල තෙල් තේ හැඳි 3 ක් මිශ්‍ර කරන්න. මිශ්‍රණය ඔයාගෙ හිස්කබලට ආලේප කරලා විනාඩි 15-25 අතර කාලයක් තබන්න. සතියකට දෙවරක් මේ සත්කාරය කරන්න.
උපුටා ගැනීම: adobae