අද කියන්න යන කතාව සුළු පටු කතාවක් නෙවෙයි. ලියනවද නැද්ද කියලත් ගොඩක් වෙලාවක් කල්පනා කරා. ඉතින් මං අද දේශනා කරන්ඩ යන්නේ ජය අවමංගලංච බකලං වෘතාන්තයක්. කතාව මේකයි. මේ කියන්නේ මං අත් දුටුවා වූ සත්ය ප්රේම පුරාවෘත්තයක්. ඔව් ඉතින් මං ඒ ලෙවල් කරන කාලේ නුවර වැව අසබඩ මනරම් භූමි භාගයක තිබ්බ ක්ලාස් එකකට ගියා හැම සතියෙම. මේ කියන දවසෙත් උදේම කුකුලත් බෑග් එකට ඔබල අම්මා මාව ගෙදරින් එළියට විසික් කරා ක්ලාස් යන්න කියල . හොඳම වැඩේ කියන්නේ ක්ලාස් එකට ගිහින් බලද්දි මගේ අපාය සහය සහාය මිත්ර පරාණ එකක්වත් එකක් වත් ඇවිත් නැහැ. ක්ලාස් එක ඉවර වුණායින් පස්සේ මං ජීවිතේ ප්රථම වතාවට බස් එකෙන් ගියා වැව රවුමේ ඉඳන් මාකට් එක ලඟට තනියම. අවුරුදු දහනමයක් වෙලා අම්මා මාව බස් එකේ යැව්වෙ නැත්තෙ මුල්ළමාවිය සංවර්ධනය පොඩ්ඩක් අවුල් වෙලා තිබ්බ හින්දා. එහෙම වුණත් පොඩ්ඩක් හැමවෙලේම Alert එකේ ඉන්න පුළුවන් උපන් හැකියාවක් මට පිහිටලා තියනවා. (නින්ද යන වෙලාවට ඇරෙන්ඩ)( අය යාලුවෝ එක්ක කතා කිය කිය ඉන්න වෙලාව ඇරෙන්ඩ) (කන වෙලාව ඇරෙන්ඩ ) (ෆෝන් එකේ ඉන්න වෙලාව ඇරෙන්ඩ )( වෙන කල්පනාවක ඉන්න වෙලාව ඇරෙන්ඩ)
කොහොමහරි බස් එක නැවැත්තුවාම මට නෝටිස් වුණා එහා පැත්තේ හිටපු ප්රේම භෘංග රාජ පරානයක් මගේ අත බැහැ ගන්ඩ එන්ඩ වගේ පුළුං වලා යටින් ඉඳන් එබිලා බලනවා කියලා. මං පටස් ගාලා අත අහකට අරගෙන බැස්සා බස් එකෙන්. මේන් ඒ පාර මේ භෘංග රාජයා මගේ පස්සෙනුත් එන්ඩ ගත්තා. ඊට පස්සේ මේකා අහපි අද අහවල් තැන තිබ්බේ අහවල් සර්ගේ ක්ලාස් එක ද කියලා. ඉතින් මේ උතුමා මොකක් හරි හදිස්සියකට අහනවද දන්නෑනෙ කියලා මං කිව්වා නෑ අහවල් සර්ගෙ සර්ගේ ක්ලාස් කියලා. ඊට පස්සේ බුන්ග රාජ තුමා ඇහුවා මොන අවුරුද්දේ ක්ලාස් එක ද කියලා. මං දැන ගත්තා මේ නං පුතේ හොඳකට නෙවෙයි පැමිණෙන්නේ කියලා. ඉතින් මං අම්මා කන්න දීපු සුපර් කියන්නේ නිකන් නෙවෙයි සුපර් ක්රීම් ක්රැකර් වල බලය යි නෙස්ටමෝල්ට් වල බලය ජවය ශක්තිය කාර්ය හා ක්ෂමතාව තරල ගතිය හා ද්රවස්ථිතිය භ්රමන චලිතය ඔක්කොම ටික මතක් කරගෙන දෙපා වන්දනාමාන කරලා පුළුවන් තරම් වේගෙන් ඇවිදින්ට පටන් ගත්තා. සුසන්තිකා වගේ දුවන්නත් බෑනේ බෑනෙ මහපාර නේ…… භෘංග රාජයා මගේ පස්සෙන්ම එනවා දැන් එකඑක ඒවා කිය කියා “දුවන්ඩ එපා ගිලින්නේ නෑ……….. තව කැම්පස් එහෙම එන්ඩ එපැයි .අපි එක්ක කතා කරන්ඩ බැරිද මොකක්ද ඉස්කෝලේ ඈ කොහෙද ඉස්කෝලේ ගියේ???? දුවන්නෙ ඇයි බයද ? මොලිකියුලර් බයොලොජි ෆැකල්ටි එකට ආවොත් හම්බෙයි නේ……” කියලා කියවගෙන කියවගෙන ගියා…….. මං ඉක්මනට පාර පැනලා හයියෙන් ඇවිදගෙන ගියා අම්මා ඇවිත් ඉන්න දිහාට. බුන්ග රාජා කොහේ ගියාද දන්නේ නෑ. ඕං ඒ සීන් එක එතනින් ඉවරයි.
ඔව් ඕක වෙලා අවුරුද්දකින් විතර පස්සේ මම ගියා පොඩි පබ්ලික් වැඩකට. හැබැයි අපේ සීයට අනූ නවයෛ දශම නමයක් විෂබීජ අයින් කරන අති ආරක්ෂාකාරී අම්මා තුමී යන්ඩ දුන්නේ නෑ මුලින්ම. කොහොම හරි රණ්ඩු දාලා……… කන්නෙ නැතුව ඉඳලා…… උම්මා දෙන්ඩ හදද්දි මූණ අනිත් පැත්ත හරවලා……… මගේ තුන් සූත්රයෙන් එකක් වන “ඔයාලා මට ආදරේ නෑ….. ” සූත්තරේ ට්වෙන්ටි ෆෝ සෙවන් නන් ස්ටොප් ප්ලේ කරල මම කොහොම කොහොම හරි අර වැඩේට පර්මිසොන් ඉල්ලා ගත්තා. ඔව් ඉතිං මායි මගේ අපායසහාය මිත්තරයා යි කතා කරගත්ත විදිහට ගියා වැඩේට එදා.
වැඩේ කියන්නේ ඕං ඔතන හිටියා බුන්ග රාජයෙක් අපි දෙන්නම එක්ක කතා කර කර හිටියා. මට ඉතින් දැකලා පුරුදුයි. අනේ ඉතින් කවුද මේ….??? බලද්දී අර භෘංග රාජයා ම තමා…….. ඕං ඊට පස්සේ පහුවදා ඉඳන් මැසේජ් කෝටියයි…….. භෘංග රාජා කියපු විදිහට එයාගේ එයාගෙ ගර්ල් ෆ්රෙන්ඩ් ඩෙංගු හැදිලා මැරුණා ලු…….. විශ්වාස නැත්තං කොළඹ යද්දි දඹුල්ල හම්බෙනවා ලු ……. එතනින් කොහෙන්දෝ හැරිලා යද්දි සොහොන් හම්බෙනවලු…… ගිහින් බලන්න අනිවාර්යෙන් යද්දි සෙරෙප්පු ගලවලා යන්ඩ ලු හාමිනේගෙ සොහොන ඇතිලු එතන. කොහොම හරි මං එයාගෙ මැරිච්ච් හාමිනේ වගේලු වගේ ලු ඒ හිනාවමළු තියෙන්නේ…….. කතා කරන්නෙත් ඒ විදිහටම ලු…… අපි බැන්දහම අම්මලා අප්පච්චිලා ඔක්කොමල අපි ළඟ තියාගෙන බලාගමු ලු……….. අනේ ඇත්තට බඳින්ඩ දැන් කවුද කැමති කිව්වේ????? මං ඉතින් ආපු තරහ ට බුන්ග රාජයා ට අමතලා ඉතින් බ්ලොග් කොරලා දෑම්මා.
ඊට පස්සේ තමා හොදම අංජබකර සීං එක වුනේ ……. මාස හය හතකට පස්සෙ පාරේ ඇවිදන් යද්දි දවසක් හම්බුනා කියන්නකො මූණ ඉස්සරහට…. ඕන් ඉතින් ආයෙ කියවන්ඩ පටන් ගත්තා…….. ” මාව බ්ලොක් කරාට කමක් නෑ චූටි අම්මා….. මං ඔයාගෙ අම්මටයි අප්පච්චිටයි ම ප්රොපෝසල් එකක් ගේන්නං” කියලා පාර මැද දොඩවන්න ගත්තා. මට අට්ඨ පුරපුරිස පුග්ගලා වගේ……….. මං අම්මා ඉන්නවා කියලා මාරු උනා එතනින් හෙමීට……..
ඊට පස්සේ තමා හොදම කෑල්ල මං ඕක වෙලා ටික කාලෙකට පස්සේ මගේ යාළුවෙක් එක්ක කතා කරද්දි ඔය කතාව කිව්වා. කිව්වා විතරයි මේ මනුස්සයාගේ ඇස් දෙක බිත්තර ගෙඩි දෙකක් වගේ කොරන් බලන් හිටියා…… මං මොකද කියලා ඇහුවට පස්සෙ එතුමිය ප්රකාශ කරනවා……. අදාල ප්රේම බෘංග රාජයා එයාටත් ඒ විදිහටම කියලා තියනවා කියලා. මට බුන්ග රාජා කිව්වේ මොලිකියුලර් බයෝලොජි ෆැකල්ටි කියලනෙ…….. මගේ මිතුරු තුමීට කියලා තියෙන්නේ පොර පී එච් ඩී එකට බෙල්ජියමෙ යනවා කියලා ලු…… ඇත්තද දන්නෙ නෑ ඉතින් ඈ…….
මට ඩෙංගු හැදිලා මැරුණා කියපු පලවෙනි හාමිනේ මිතුරු තුමී ගේ ගේ විදියට මැරිලා තියෙන්නේ ඇක්සිඩන්ට් එකකින් බුන්ගයගෙ ඇස් ඉස්සරහම තමා… ඒ වගේම මගේ මිතුරු තුමී දන්න තව යාලුවෙක්ටත් භෘංග රාජයා ඔය ටිකම කියලා තියනවලු.. එයාට අනුව බුංග රාජා ගේ පළමු හාමිනේ මැරිලා තියෙන්නේ කෙහෙල් පොත්තක් පෑගිල වැටිලලු. ඊට පස්සේ බැලින්නම් බුංග රාජාගේ මොන්ටිසෝරියෙ දහයට ගනින්න කියලා දීලා තියෙන්නේ වෙනස් විදිහකට ඒකයි අපිට මඤ්ඤං වෙලා තියෙන්නේ …. ඒ මොන්ටිසෝරියේ දහයට ගනින විදිහ මෙන්න මෙහෙමයි….. එකයි එකයි එකයි එකයි එකයි එකයි එකයි එකයි එකයි එකයි ….. එහෙම උපකල්පනයක් දාලා අපිට කල්පිත පුරෝකතනය කරලා අදාල පරිදි වෙනස් විය හැකි වාදයක් ගොඩනගාගන්ඩ පුළුවන්.
මෙහෙමයි මං කලින්ම කිව්වනේ ඇත්ත සිද්ධියක් මේක කියලා………..මං මේක ලියන්න හිතුවේ මේකයි. කියවන ඔයාලා හැමෝම දැන ගන්ඩ මේ වගේ මිනිස්සු සමාජයේ සමාජෙ ඉන්නවා කියලා……. මේ වගේ අයට රැවටෙන්න එපා….. රාජාගේ ඇත්ත තොරතුරු හොයලා බැලුවහම පොර ඇත්තටම යමක් කමක් ඉගෙන ගත්ත මනුස්සයෙක්. ඒත් හැසිරීම ඔහොමයි. අපි හැමෝම දැන ගන්ඩ ඕනේ මෙහෙම මිනිස්සුත් ඉන්නවා කියලා.
ඒ වගේම ඔයා නුවර නං ඔයාටත් පළවෙනි ගර්ල් ෆ්රෙන්ඩ් මැරිල ඔයාව ඒ මැරිච්ච හාමිනේ වගේ පේන භෘංග රාජයෙක් හම්බුනොත් පොඩ්ඩක් පරිස්සම් වෙන එක හොඳයි……………………..