ඇත්තටම මට මේ කතාව ලියන්න හිතුණේ මම මුහුණු පොතට දැම්ම කවියක් නිසා… ඒ කවියට ලැබුණු ගැහැනු ප්‍රතිචාර නිසා… ඒ ප්‍රතිචාරවලින් වැඩි ප්‍රමාණයක්ම මිතුරියන්ගෙන් ලැබුණු අදහස්… ඒත් ඒවා නිකංම නිකං ගැහැනු අදහස් නෙමෙයි… පිරිමි මිතුරන් සම්බන්ධව ගැහැනු හිත වැඩ කරන විදිය ගැන කදිම දැනුමක් පිරිමින්ට ලබා ගන්න පුලුවන් අගේ ඇති කමෙන්ට්ස් ගොන්නක් එතැන තිබුණා…
.
ගොඩාක් වෙලාවට ගැහැනු සහ පිරිමි එකිනෙකා කතා කරනවා.. යාලුවෝ විදියට ඉන්නවා.. නමුත් දැන් ඉස්සරට වැඩියෙන් කාන්තාවක් සහ පිරිමියෙක් අතර තියෙන යාලුකමට වැඩි ඉඩක් පවතිනවා.. ඒකට හේතුව මේ ඩිජිටල් ලෝකය… හරිම ලේසියෙන් සයිබරය තුළින් මෙවන් මිතුදමක් ඇති කර ගන්න හැකියාවක් තියෙනවා… අපි මේ ලිපිය කියවන්නේ මුහුණු පොතෙන් නිසා මම සයිබරයම උදාහරණයට ගන්නම්. හැබැයි මේවා සයිබරයට පමණක් ලඝු කරන්න බෑ,.. සාමාන්‍ය යාලුකම්වලටත් පොදුයි…
.
සයිබරයෙන් මෙහෙම යාලු කමක් ඇති වුනාම එකිනෙකා කතා කර ගන්නවා… ඩිජිටල් භාෂාවෙන්ම කීවොත් Chat කරනවා… ඒත් මේ චැට් කිරීමේ අවසානය බොහෝ විට ඛේදජනකව අවසන් වෙනවා… මිතුරාට මිතුරිය අහිමිව යනවා.. කොටින්ම කීවොත් තරහා වෙනවා… ඩිජිටල් භාෂාවෙන්ම කීවොත් ගිණුම Block වෙලා යනවා… නැතිනම් Chat Block වෙනවා.. Unfriend වෙලා යනවා… ඇයි එහෙම වෙන්නෙ… කවුද වැරදි… කොතනද – කාටද – කොහොමද වැරදුනේ…. ඔබටත් කවදා හරි එහෙම දෙයක් වෙලා තියෙනවා නම් නිකමටවත් හිතුවාද තමන්ට වැරදුනේ කොතැනද කියලා…. ඇයි තමන්ට බැරි වුනේ හොඳම මිතුරියව පරිස්සම් කර ගන්න…
.
ඒකට හේතුව මේකයි…
.
ගැහැනියට ඕනේ පිරිමි සමග කතාවෙන් ළං වෙන්න….. කතාවෙන් දොඩමළු වෙන්න…. කතාවෙන් විතරක් ආදරය කරන්න…. ආදරය විඳින්න…. ආරක්ෂාව ලබන්න… සැලකීම වගේම අවධානය ගන්න…. ගැහැනියකට ඕනේ ඇය කියන හැම කතාවක්ම අහගෙන ඉන්න ජාතියේ පිරිමියෙක්….. තමන්ට උපරිම සැලකිල්ල දක්වන සංවේදී පිරිමියෙක්… පටු විදියට නොහිතන පිරිමියෙක්…, එතැන මිත්‍රතාවය උපරිමයි… හැකි උපරිම සාරාංශ ගත කරලා කිව්වොත් අන්න එච්චරයි…
.
ඒත් ගැහැනිය පිරිමින් සමග එවන් ගනුදෙනුවකට මනාපය දක්වනකොට පිරිමියා ගන්නෙ සපුරාම ඒකේ ප්‍රති විරුද්ධ පැත්ත… ටික දවසක් ඔහු අමාරුවෙන් ඉවසගෙන හිටියත් පසුව ක්‍රමයෙන් මුට්ටිය දාලා බලනවා… ගැහැනියක් ඇහැට දැක්ක ගමන්, වචනයක් දෙකක් දෙඩූ සැනින් පිරිමි හොයන්නෙ රාගය…. ඔහු ඇයගේ ඇඳුම් හිතෙන් ගලවනවා…
.
ඒත් කල්ප කාලාන්තරයක් යාලුවෝ වගේ ඇසුරු කළත් කවදාවත් වැදගත් ගැහැනියක් පිරිමියෙකුගෙ ශරීර උණුසුම හොයන්නෙ නෑ… මේවා ව්ද්‍යා ත්මකවත්, පර්යේෂණාත්මකවත් හොයාගෙන තියෙන කරුණු…. පිරිමි රාගය පස්සේම දුවන එකට එක අතකට පිරිමින්ට බැනලා වැඩකුත් නෑ, මෙවැනි හැසිරීම් පිරිමි සෛල තුලින් එන්නේ ගල් යුගයේ ඉදලා… ඒත් දැන් ගල් යුගය නොවන නිසා සහ මිනිසා බුද්ධිමත් නිසා ගල් යුග සිතිවිලි අනුව යන්නත් බෑ…
.
පිරිමි sex හොයනකොට ගැහැනුන් හොයන්නෙ හුදු මිත්‍රත්වය පමණයි… “යාලුකමක් අවසානයේ පිරිමින්ගෙන් සීයට අනූ නමයක්ම බලාපොරොත්තු වෙන්නෙ මොකක්ද කියලා අමුතුවෙන් කියන්න ඕනේ නෑනේ…” ඒ කතාව දවසක් කිව්වෙත් ගැහැනියක්මයි.
.
ගැහැනියකට sex ඕනේ නම් ඇවසි වෙලාවට එයාලා ඒවා ගෙදර හබියට කියලා කැමති විදියට කරව ගන්නවා… ඒ වගේම තමයි දික්කසාද වෙච්චි, නැතිනම් මහත්තයා සියවස් ගාණක් රට ඉන්න ගැහැනු පවා හුදෙක්ම පිරිමියෙක් සමග යාලු වෙනවා නම් ඒ රැකවරණය, ආදරය, මිත්‍රතාවය, සෙනෙහස උදෙසා සද්භාවයෙන්ම පමණයි..
.
විදෙස් ගැහැනු නිතර කියන වචනයක් තමයි “Caring” කියන්නෙ… ඇත්තටම ඒ තනි වචනය තුළත් බොහෝ දේවල් අන්තර් ගත වෙනවා… මේවා නොදන්නා පිරිමි ‘සැමියා රට නිසා අසහනේට මැසේජ් එවනවා’ කියලා හිතලා පීලි පනිනවා… එයා ඩිවොස් නිසා පාලු ඇති කියලා හිතලා පිරිමියා ගැහැනිය වැරදියට කියව ගන්නවා…
.
ගැහැනුන්ගේ මොළය සකස් වෙලා තියෙන්නෙ කතා බස් කිරීම් මගින් සබදතා වැඩි දියුණු කර ගන්න මිසක් ලිංගික සබදතා මගින් ළං වෙන්න නෙමෙයි… ඇත්තම කියනවා නම් රාගයට කැමති ගෑනු ඉන්නේ සීයට ඉතාමත් අඩු ප්‍රති ශතයක්.. ඒක නිසා sex මගින් සබදතා ඇති කර ගන්න කිසිම වැදගත් ගැහැනියක් කැමති වෙන් නෑ…
.
වැදගත් ගැහැනු පිරිමින්ගෙන් හොයන්නේ මිතුදම විතරයි… වැදගත් ගැහැනු පිරිමින්ගෙන් මෙහෙම මිතුදම හොයන කොට නොවැදගත් පිරිමි ගැහැනුන්ගෙන් පතිවත පීරන්න යනවා.. නැතිනම් ඇගේ සිල් රෙද්ද නහයෙන් ගලවන්න හදනවා…. කනගාටුවට කරුණ ඒකයි…
.
ජීවිත කාලය පුරාම නොබිදෙන (ගැහැනු – පිරිමි) මිතුදමක් එකිනෙකා අතරේ තබා ගන්නට ඇවසි නම් sex ගැන කතා නොකරන්න… පරිස්සමෙන් වචන පාවිච්චි කරන්න… රාගය ගැන කතා කළත් එකිනෙකා අතර එය හුවමාරුකර ගත යුතුයැයි ඇයට දැනෙන්නට නොතියන්න… ඇයට sex ඕනේ නම් විශ්වාසය ඇතිවෙන තුරු සිට, පිරිමියාව ඊට පොළඹවා ගන්න විදිය ගැහැනු දන්නවා…. ඒත් හැමදාටමත් නෙමෙයි, මුලු ජීවිත කාලයටම ගැහැනියකට එහෙම හිතෙන්නෙ එකම එක වතාවක් වෙන්නත් පුලුවන්… ඒක එහෙම වෙන්නෙත් ගැහැනුන්ට ආවේනික ස්වභාවධර්මයාගේ යම් වැරුද්දක් නිසා (අපි ඒවා ගැන පසුව කතා කරමු..) නමුත් පිරිමි මුදුනා වෙලා එවැනි දේවල්වලට මහන්සි වෙලා අන්තිමේදී සියල්ල වනසා ගන්නවා…
.
( රාගය නැති – ආදරය – සෙනෙහස ඇති ) මිතුදමක් ඔබට තිබුණොත් ලෝකාවසානය දක්වාම එකිනෙකාට ගරු කරමින් සබදතා පවත්වා ගත හැකි වෙනු ඇත. එසේ නොවුනහොත් අවසානයේ ඉතිරි වන්නේ හැඩීම්, දත්මිටිකෑම් මෙන්ම වෛරය සහ පළිගැනීම්ද පමණි…
.
නමුත් අවාසනාවකට වගේ ලෝක රූ රැජින තමන්ගෙ ප්‍රිය මිතුරිය වුවත් ඇයගෙන් තමා බලාපොරොත්තු වන රාගය නොලැබෙන බව පිරිමියාට දැනුනොත් ඔහු ඇයව මග හරිනවා… නිකං නොවේ ඇයට දෙස් දෙවොල් තියා අත හරිනු ඇත… එවැනි සිදුවීම් යම් ගැහැනියකට වෙලා තියෙනවා නම් හොදින්ම අවබෝධ කර ගත යුතු දෙයක් තමයි පිරිමින්ගෙ විදිය ඒක බව… හරි නොගියාම බැනලා එලවලා දාලා ඔවුන් සුද්දවන්තයන් වෙන්න හදනවා… බෝසත්වරු වෙන්න හදනවා….
.
අවාසනාවකට බොහෝ පිරිමින්ගෙ පැත්තෙන් ඒකයි ඇත්ත කතාව.. එහෙම දෙයක් වුනොත් ගැනැනියකට සතුටු විය හැකියි, මන්ද ඔබේ මිතුරා, මිත්‍රත්වය මනින මිනුම් දණ්ඩ රාගය බව ඔබට සැක හැර ඔප්පු කර පෙන්වා ඇති නිසා…
.
ඔබ විශ්වාස කළත් නැතත් අවසාන වාක්‍ය හත අට අනික් පැත්තටත් ඒ වගේම වලංගුයි… ඒ කියන්නෙ කලාතුරකින් ගැහැනුත් ඉන්න පුලුවන් ඉහත ලෙස හැසිරෙන… ඒත් විරලයි… අවාසනාවට ඒකත් ඇත්ත…
.
ඒක නිසා ඩිජිටල් ලෝකයේ අපි තටු සලා ඉගිලෙනකොට මේ හැම දෙයක් ගැනම මනා අවබෝධයෙන් ඉන්න ඕනේ… ඩිජිටල් ලෝකයෙන් හරි ඉක්මනට මිතු දම් ඇති කර ගන්න පුලුවන්…. ඒ වගේම ඒ මිතු දම් හරි ඉක්මනට නැති වෙන්නත් පුලුවන්…
.
මිතු දම් ඇති වෙන සැරේට අහස් මාලිගා තනන්නයි, මිතු දම් නැති වෙන සැරේට බලාපොරොත්තු බිඳ ගන්නයි ගියොත් තමන්ගෙ වටිනා කාලය නිරපරාදේ නාස්ති වෙලා යනවා… සමහර විට මානසික රෝග පවා ඇති වෙන්න පුලුවන්….. එබැවින් හැම දේම හරියට දැනගෙන මේ ඩිජිටල් වනාන්තරයට ඇතුළු වන්න…. එවිට ඔබට හැඩීම් දත්මිටි කෑම් නොමැතිව සයිබර් සිරි (විඳ), ඉන් නොනැවතී අමතර දැනුමකුත් (ලැබ), සැබෑ මිතුදමක අසිරියත් (ගෙන), දිවියද සරු කර ගත හැකි වෙනු ඇත.
.
ගැහැනු ආදරය කරන්නෙ ආදරයට… සමහර විට ඒක බොළද ආදරය වෙන්නත් පුලුවන්… (ආදරයේ වර්ගීකරණය එකිනෙකාට සාපේක්ෂයි..) වර්තමාන ඩිජිටල් ගැහැනිය තමන්ගේ මානසික ආතතිය, දෘඩ වෙහෙස මකා ගන්නෙත් ඩිජිටල් විදියටමයි… නූතන ගැහැනියට අවශ්‍ය වන්නෙ වෙහෙසෙන මනසට මඳ විවේකයක්… ගතට සතුටක් නෙමෙයි…
.
ඔලුවේ තියෙන සේරම දේවල් කාට හරි කියලා දැම්මාම ගැහැනු මනස හරි ඉක්මනට සැහැල්ලු වෙනවා… ඉතින් ඒවා අහගෙන ඉන්න කැමති අයට එයාලා හිතෙන් ළං වෙනවා.. ගැහැනියක් එහෙම පිරිමියෙකුට ළං වෙලා පොඩි බුරුලක් දුන්නාම පිරිමියා ගෝනි නැතිව කරේ නගින්න හදනවා… අන්න එතකොට ගැහැනිය ඒ පිරිමියාව ඒ ගෝනිය ඇතුලටම ඔබලා කට බැදලා දානවා..
.
වර්තමාන ගැහැනිය පර්චස් කිහිපයක ගෙයක් හදාගෙන වටේට තාප්ප බැඳගෙන ජීවත් වෙන්නෙ කට්ට තනියම…. ශාරීරිකව වගේම මානසිකවත් ඔවුන් කොටු වෙලා… අහල පහල අයත් එක්කවත් වැඩි භජනයක් නෑ.. කතා කරන්න ඉන්නෙ දරුවොයි සැමියයි විතරයි… දරුවොත් ඩිජිටල් ලෝක තුළ හිරවෙලා… පවුලේ කට්ටියත් අඩුයි.. බොහෝ විට න්‍යෂ්ටික පවුලක්… විවාහ වෙලා කල ගියාම තමන්ගෙ සැමියා මේ ‘ගෑනු කතා’ අහන් ඉන්න ප්‍රියතාවයක් දක් වන්නේ නෑ… සැමියාට ඒවා හුදෙක් කුණු ගොඩවල් පමණයි…
.
කොච්චර හිත හයිය උගත් ගැහැනියක් වුනත් ආසයි යටි හිතෙන් බොළද වෙන්න, තමන් කැමති පිරිමියෙක් ළඟ හිතෙන් හරි රැදෙන්න… විශේෂයෙන්ම නූතන ඩිජිටල් ගැහැනිය සම්බන්ධව මේක බොහෝ සත්‍යයයි… අන්න එතැන තමයි හැරුම් ලක්ෂයය..
.
පිරිමියෙකුට පුලුවන් නම් ගැහැනියක් කියන හැම දේම අහගෙන ඉන්න…. සැමියාට පුලුවන් නම් බිරිඳ කියන හැම දේම අහගෙන ඉන්න….
පෙම්වතාට පුලුවන් නම් පෙම්වතිය කියන හැම දේම අහගෙන ඉන්න…
මිතුරාට පුලුවන් නම් මිතුරිය කියන හැම දේම අහගෙන ඉන්න…
හොද ඇහුම්කන් දෙන්නෙක් වෙලා කියන හැම දේම…
හැම දෙයක්ම වගේ අහගෙන ඉන්න…..
හොදම යාලුවෝ වගේ හැම දේම එකිනෙකා අතර කතා බහ කර ගන්න… අදහස් හුවමාරු කර ගන්න….
සැමියාට පුලුවන් නම් බිරිඳ තමන්ගේ හොඳම යාලුවා කර ගන්න….
.
මම එතැනින් එහාට කිසිවක් කියන්න යන්නෙ නෑ !!!
.
පුලුවන් අය ඒක කරලම බලන්න. (හැබැයි ටිකක් අමාරුයි…) උපතින්ම මේ ලක්ෂණය ඇතිව ඉපදෙන අයට මේක ඇගේම තියෙන දෙයක්.. කොටින්ම කිව්වොත් එයාලට මේක Nothing. එහෙම නැති අයට ටිකක් මහන්සි වෙන්න වෙනවා.. අලුතෙන් පුරුදු පුහුණු වෙන්න වෙනවා… හිතන්න වෙනවා..
.
ඒත් ආයාසයෙන් හරි පුරුදු කර ගත්තත් පාඩුවක් වෙන්නෙත් නෑ… පුත්තලම් බූරුවෝ තුන් හතර දෙනෙකුගේ වයස ගත්තු පිරිමින්ට නම් මේකට දැන් පුරුදු වෙන්න කාලය සමහර විට මදි වෙයි… ඒත් අලුතින් හැදෙන පරම්පරාවට උත්සාහ කළොත් බැරි වෙන එකකුත් නෑ.
…………………………. ……………………….. ……………………. ………………………….
…………………………. ………………………. …………………… …………………………..