පිරිමි ගාථාව (වැල්වටාරම්)

කඳයි බඩයි විතරක් තියෙන මොලේ උඩ ඉඳගෙන පොල්කොළ හුළඟේ යවමින් රට පටලන්න පඬි ටෝක් දෙන සියල්ල දත් වගේ රඟන අති පණ්ඩිරත්නලාටත් නෙවෙයි.

ගහක කොලක නදියක බහ දෙබහ නාඳුනන මලෙකැ මෙලෙක සුවඳ නාඳුනන

පොතක පතක සුව නාඳුනන,

තුවානමක් වදින්න බැරි දූවිලි චුට්ටියක් ඔරොත්තු දෙන්නැති බොයිලර් කුකුල්ලු වගේ සෙම සෙවල තෙත නානු ඇදෙන දිය පාසී වගේ පිරිමින්ටත් නෙවෙයි.

ගෑණියෙක්ට,මවක්ට,සහෝදරියක්ට ගරු කරන්න නොදන්න ඒ ඒ අවස්ථාව අනුව සදාචාරාත්මක දයාබරිත වෙන්න දන්නැති ගෑණියෙක් ඇඟේ වැදුනත් ක්ෂණිකව කොට වලිග දඟර වලිග කර ගන්න,

ගෑණියෙක් දිහා කාමුක මානසිකත්වයකින් බලන යටි බඩින් යට පාලනයක් නැති ගඳ හිත් තියෙන පිරිමින්ටත් නෙවෙයි.

ගෑණූ කැමති ඕනෑම දෙයක් දරාගන්න පුලුවන් කයින්,මනසින් ශක්තිමත් බුද්ධිමත් පිරිමින්ට..

විනයක් තියෙන පිරිමියෙක්ට.

ගෑණියෙක්ට ඇහුම්කන් දෙන,ගරු කරණ,පිළිගැනීමක් දෙන

ගෑණියෙක්ව බුද්ධියෙන් අවබෝධ කරගන්න පුලුවන්.

සිතුවිල්ලකින් හෝ ගෑණියෙක් හෙළා නොදකින මහත්මයෙක් වගේ හැසිරෙන වචනයක් කතා කරත් එක වචනය වචන 1000ක් හා සමාන බරක් ගැඹුරක් දැනෙන බුද්ධිමත් ජවසම්පන්න ක්‍රියාශීලි අශ්වයෙක් වගේ පිරිමියෙක්ට.

කොච්චර ආවේග ආවාත් ඒවා මැඩපවත්වා ගැනීමේ සුපිරි හැකියාව තියෙන ඉවසන්නම බැරි අවස්ථා වලත් ආරූඪ වුනු මහසොහොනාව හංගන් යටපත් කරන් තීක්ෂණ බුද්ධියෙන් තීන්දු තීරණ ගන්න පුලුවන් අහිංසක රිටිගල ජයසේන-=(මහසොහොනා) වගේ පිරිමියෙක්ට..

මොන ජාතියේ බලු පිරිමියෙක් වුනත් ශිෂ්ඨ සම්පන්න ශීලාචාර ගැහැණියක්ව යටි හිතේ ඉඩක හංගන් හදවතින්ම ගරු කරමින් රකිනවා.

විනය ගරුක පිරිමි පමණක් නෙවෙයි රැලේ යන පිරිමියෙක් වුනත ඕකිට මොකුත් කියන්න එපා බං ඕකී අහිංසකී හොඳ එකී කියලා ඉඳහිට සමාජය ඉස්සරහ ගෑණියෙක් වෙනුවෙන් කට අරින්නේ ඒ හින්දයි.

ඒක පිරිමි ගතිය.

අන්න ඒ ගතිය නැති එකා පිරිමි නෙවෙයි පිරිමි වෙසින් ඉන්න සුනඛ ඝණයේ අමුතු ජාතියක්

පිරිමියෙක්ගේ තියෙන්නම ඕනි වැදගත්කම සහ මනෝහික්මීම ලෝකෙට හොරෙන් නිරීක්ෂණය කිරීමේ හැකියාව ගෑණියෙක්ට සහජයෙන්ම පිහිටලා තියෙනවා ,,

ඒක අඳුන ගත්තායින් පස්සෙන් පහු උන් ඒකට වහ වැටෙනවා.

ඒ හින්දා ගෑණූ කොයි විදිහේ පිරිමියෙක්ට අයිති වෙලා උන්නත්,වයස් භේදයකින් තොරවම ගෑණියෙක් ජවසම්පන්න පෙනුම තියෙන බුද්ධිමත්,ආදරය ආරක්ෂාව,රැකවරණය නොඅඩුව ඇතැයි දැනෙන

තමන්ට උපරිමයෙන් නිසි වටිනාකමක් දේ යැයි විස්වාසයක් ගොඩනැඟුණු පිරිමියෙක්ට යටිහිතින් මත් වෙලා වගේ ආදරේ කරනවා.

ලාබාල තරුණ කෙල්ලෝ පවා වයසින් මුහුපුරා ගියපු පිරිමියෙක්ට වුනත් ඔහු බුද්ධියෙන් සන්නද්ධ නම්,සංවර වාග් ස්ටයිලිෂ් නම් පිරිසිදු පෙනුම නම්,පක්ෂපාතී නම් සෙනේබර නම් එයා ගාව තියෙන *වැදගත්වලත්තකමට වහ වැටිලා කාන්දමට ඇදෙන ඇල්පෙනෙත්ති වගේ ඇදිලා ගිහින් පපුව අඩියම කකාරං මුළු ඇඟම හිරිවට්ටගෙන දැනෙන ඒ හැඟීම එක්ක එහෙම පිරිමි ගාවට ආකර්ෂණීය වෙලා යනවා. හරියට සීනී කොහෙ තිබ්බත් කූඹී කනවාමයි වගේ.

එහෙම කෙනෙකුට තමන්ව හිතින් ගතින් අයිති වේවා කියලා ලෝබ වෙවී කොයි මොහොතෙත් ප්‍රාර්ථනා කරනවා.

ඒ නිසයි අදටත් ගෑණූ

මහසොහොනාට වඩා

අහිංසක ජයසේනට ආදරේ කරන්නේ රහසින්..

සටහන:- නූෂා රණසිංහමුදියන්සේ