“මහත්තයො කරුනා කරල වාහනෙ ගන්න..”
“හරි හරි අයිසෙ වයිෆ්ව ඇඩ්මිට් කලා ආවා..”
“වාහනෙ ගන්න මහත්තය ඇම්බ්ලන්ස් එකක් ආවොත් “
“උබ දන්නවද මන් කව්ද කියල මෝඩ හරක..”
“මහත්තය කවුරු උනත් වැඩක් නෑ වාහනෙ ගන්න..”
” ටිකක් මානුසිකව හිතනව මිනිහො. ඇතුලට ගියා ආවා. අනික මේකට අපි සල්ලි ගෙවනව. ප්‍රයිවට් වෙලත් …”
ඌව ගනන් නොගෙන මන් ඇතුලට දිව්ව.
ඇයි යකෝ වාහනෙ විනාඩි පහක් නතර කරාම මොකද වෙන්නෙ.
“මහත්තයො අර වාහනෙ අයින්…”
කාලකන්නිය ආයෙත් කෑ ගහනව.
“මෙ මනුස්සයො.. ඉන්නව ටිකක්.. මන් ඇමති තුමා ගව ඉන්නෙ. ඕක ඇමතිගෙ වාහනයක්. තොපි ඔක්කොම එලවල දානව දැන ගනින්. මේ හොස්පිටල් එක අයිති ඇමතිට.”
“ඇම්බ්යුලන්ස් එකක් ආවොත් ඉවරයි.. “
“මොන හු###.. උබෙ නම මොකක්ද.. එක පාරක් කිව්වම උබට තේරෙන්නෑ. බලපන් උබට කරන දේ..”
මන් කෑ ගහන් පැන්නපාර සිකුරිටිය දාල යන්න ගියා.
මිනිස්සු කියන්නෙ ඇත්ත
උන් හිතාගෙන ඉන්නෙ උන් තමයි ඩොක්ටර්ස් ල කියල..
මෝඩ හරක්..
#######################################################
වෝඩ් එකේ වයිෆ්ව ඇඩ්මිට් කරල එලියට එන්න හදද්දි වේගෙන් සිකුරිටි දුවන් එනව දැක්ක..
“මොන මගුලක්ද සර්.. අර බබෙක් හම්බෙන්න ඉන්න අම්ම කෙනෙක් ඇවිත් බලන්න ඔයා වාහනෙ…”
“හරි හරි ඔහොම ඉන්නව..”
“සර්ල හින්ද අපෙයි ජොබ් නැති වෙන්නෙ..”
“කෑ නොගහ ඉදපන් මනුස්සයො..”
මන් දුවගෙන වාහනෙ ගවට ගියා.
ඇම්බියිලන්ස් එක නවත්තල එක දිගට හෝන් ගහනව.
“බූරුවා වාහනෙ පාර්ක් කරල යනකන් තෝ පොල් ගෑවද..”
සිකුරිටියට ඩර්‍යිවර් කෑ ගහනව.
“ඔය ට්‍රොලිය ගේන්න.. මොකක්ද මහත්තයො කරන්නෙ. මොලයක් නැද්ද මෙතන වාහනෙ දාල යන්නෙ..”
ඇටෙන්ඩන් කෙනෙක් මට කෑ ගහන් ආව.
මන් බැලුවෙ සිකුරිටිය දිහා ඌ මොකක්ද කියන්න කට හැදුව්.
ඒත් ඊට කලින්
ඔව් ඊට කලින් මන් ඉස්සර උනා..
“මේ සිකුරිටි මට කිව්වනන් මෙතන පාර්ක් කරන්නෙපා කියල මන් දාන්නෑ.”.
“ඇයි මන් කිව්වෙ. මොකක්ද සර් ඔහොම තිරිසනෙක් වගෙ..”
“මෙහෙමද ඔයගොල්ලන්ගෙ සිකුරිටි එක අපිට කතා කරන්නෙ. මන් මේ ගැන ක්ම්ප්ලේන් කරනවා. අපි මේවට ගෙවල එන්නෙ.”
“මහත්තයගෙනෙ වැරද්ද මහත්තයො..”
මේ වගෙ වෙලවක ඕනෙම මිනිහෙක් කරන්නෙ මන් කරන දේ.
තමන් ගැලවෙන්න හදන එක..
සිකුරිටිය පිට වැරද්ද සම්පූර්නයෙන් දාන ගමන් මන් වාහනෙ අයින් කරා.
ඌ තරහෙන් පුපුරු ගහ ගහ මගෙ දිහා බලන් හිටිය…
$######################################################
දවස් ගෙවිල ගියා.
හරියටම සති තුනක් ගියා…
යාළුවෙක් එක්ක බත්තරමුල්ලෙන් එන ගමන් බොරැල්ල කලර්ලයිට් එකේ වාහනෙ නතර කරා….
“අන්න අර මිනිහ අදත්..”
“කව්ද බන්..”
“අර වාහන තල්ලු කරන්නෙ.. උබ දැක්කද..”
“වාහන තල්ලු කරනව..”
හිනාවක් දාන් මන් ඒ දිහා බැලුව.
ඔව් පිස්සෙක්
වාහන තල්ලු කරා
මොනවද කියව කියව වාහන තල්ලු කරා.
ඒත් ඒ මූන
ඒ ඇස්
ඔව් ඒ අර සිකුරිටිය..
එදා
ඔව් එදා මන් බැනපු සිකුරිටි..
“මොකද උබ බය වෙලා වගෙ..”
“මේ වගේම එකෙක් හොස්පිටල් එකේ සිකුරිටි කරා..”
“මේ වගේම නෙමෙයි ඔය ඌ.. උට දැන් පිස්සු “
“පිස්සු ඒ ඇයි..”
“මිනිහට හිටියෙ එක කෙල්ලයි. කෙල්ලට කැන්සර් එකක් තිබ්බ. සිකුරිටි කරල තමයි මිනිහ බෙහෙත් වලට සල්ලි හෙව්වෙ..”
මගෙ පපුව ගැහෙන එක නැවතුන.
තොල් පටි වේලිල ගියා.
ඔව් ඒ මිනිහ වාහන දිහා බලන් මොනවද කිව්ව..
“ඉතින්..”
“දැන් සති තුන හතරකට කලින් කව්ද කෙනෙක් එක්ක කේස් එකක් දාන් මිනිහ ජොබ් එකෙන් අයින් කරල..”
“අයින් කරල..”
“ඔව් ජොබ් හෙව්වට ආයෙ සෙට් වෙලා නෑ. කෙල්ලත් අසනීප වෙලා. බෙහෙත් ගන්න වත් එකෙක් සල්ලි දීල නෑ..
දැන් සති දෙකකට කලින් කෙල්ල නැති උනා. එදා ඉදන් මිනිහට පිස්සු..”
මොකක්දෝ ලොකු අමුතු හැගීමක් හිතට දැනුන.
ඒත්
ඔව් ඒත් මොකුත් නොදන්න ගානට මන් හිනා වුනා.
“ඔය පේනවනෙ.. මිනිහ ඔක්කොම වාහන ගානට යවනව. එකක් වත් නතර කරන්න දෙන්නෑ..”
සමන හිනා වෙලා කියද්දි කලර් ලයිට් එක ඔන් උනා.
ඒ පිස්සු මිනිහ කෑ ගහ ගහ වාහන යැව්ව…
උපුටා ගැනීම: Lahiru Milan