අතීතයේ පටන් මිනිසුන් සොබාදහම සමඟ ගනුදෙනු කරනු ලැබුවේ ඉතාමත් ප්‍රවේසම් සහගතවය. එහෙත් අද වන විට කෘතිම දේවල් බහුල වීමත් ඒ සියලු දේ මිනිසාට සුවපහසු ළඟා කර දීමත් නිසා මිනිසුන් වැඩි වශයෙන් කෘතිම දේවල් භාවිතා කිරීමට පෙළඹ තිබේ.මෙලෙස භාවිතයට ගනු ලබන බොහෝ ද්‍රව්‍ය මිනිසාට මෙන්ම පරිසරයටද ඉතාමත් අහිතකරය.ඒ පිළිබඳව බොහෝ පුද්ගලයින්ට අවබෝධය ඇතත් මිනිසුන් දිගින් දිගටම මෙම උපකරණ භාවිතා කිරීම වැඩි කර ගන්නවා මිසක අඩු කර ගෙන ඇති බවක් පෙනෙන්නට නොවේ.
ඒ අතර වැඩි වශයෙන් දක්නට ඇත්තේ ප්ලාස්ටික් බඳුන් හා ලන්ච් ශීට් පොලිතීන්.ආදියයි. එනම් ආහාරයට ගනු ලබන පිඟාන කෝපය මෙන්ම ආහාර රැගෙන යනු ලබන ලන්ච් ශීට් ද මිනිස් ශරීරයට මෙන්ම පරිසරයට උදාකර දෙන්නේ යහපත් තත්ත්වයක් නොවේ.
එමෙන්ම අද වන විට ඉදිආප්ප සකස් කිරීමේදී යොදා ගන්නා ප්ලාස්ටික් ඉදි ආප්ප තට්ටු මගින් එහි අඩංගු මයික්‍රෝ ප්ලාස්ටික් අංශු හා වෙනත් විෂ වායු ඉඳිආප්ප සමඟ මිශ්‍රවේ. ප්ලාස්ටික් මෙලෙස උණුවතුර හෝ හුමාලය සමග මිශ්‍ර වීම මේ තත්ත්වය ඇතිවීමට වැඩි වශයෙන් හේතුවේ.මේ ආකාරයට මෙවැනි ආහාර සකස් කර පරිභෝජනය කිරීම මගින් මිනිසාට ඇතිවන නොයෙක් බෝනොවන රෝග තවදුරටත් ඇතිවීම වළක්වා ගත නොහැකිවේ.එමෙන්ම උණු වතුර පානය කිරීම සඳහා ප්ලාස්ටික් කෝප්ප, බෝතල් පරිහරණය කිරීමෙන් ද එහි අඩංගු මයික්‍රෝ ප්ලාස්ටික් අංශු ජලය සමග මිශ්‍ර වී ශරීරයට එකතු වේ.
ප්ලාස්ටික් භාණ්ඩ භාවිතා කිරීමේදී ඇතිවන රෝග
- ප්‍රතිශක්තිකරණය දුර්වල වීම. ශ්වසන පද්ධතිය ආශ්‍රිත රෝග හට ගැනීම.
- පිළිකා ඇතිවීම.
- දරුඵල අහිමි වීම
මෙම රෝග අතරින් වැඩි වශයෙන් ඇතිවිය හැකි වන්නේ මාරාන්තික පිළිකා රෝගයයි.අදවනවිට කුඩා දරුවන්ට ද පිළිකා රෝග බහුලව ඇති වීමට ඔබ දැනුවත්ව හෝ නොදැනුවත්ව කරන මෙවැනි ක්‍රියා බෙහෙවින් හේතුවන බවනම් කිවයුතුමය.
පොලිතීන්, ලන්ච් ශීට් යනු පරිසරය විනාශ කරන මිනිසුන්ගේ හා සතුන්ගේ සෞඛ්‍යයට හානි කරන නොදිරන ද්‍රව්‍යයන්ය. මෑතකදී කරන ලද පරීක්ෂණ වලට අනුව හෙලිවී ඇත්තේ පරිසරයට මුදා හරින මෙවැනි ද්‍රව්‍ය ආහාරයට ගෙන අලි, මාළුන්, ආදී නොයෙක් සතුන් මිය යන බවයි.
ලන්ච් ශීට් වුවද භාවිතයට ගැනීමට පෙර පිරිසිදු නොකර භාවිතා කරන අතර එයද සෞඛ්‍යයට ඉතාමත් අහිතකරවේ. එනම් ලන්ච් ශීට් කපන විට එහි අඩංගු දූවිල්ලක් වැනි කුඩා අංශු එහි රදා පවතින අතර එයට ආහාර එකතු කර ගෙන පරිභෝජනය කිරීම ද පිළිකා ඇතිවීමට බෙහෙවින් හේතුවන බව අදවන විට සොයාගෙන තිබේ.
මෙවැනි මිනිසාට මෙන්ම පරිසරයටද අහිතකර ද්‍රව්‍ය බහුලව භාවිතා කරන රටක් බවට අද ශ්‍රී ලංකාවද පත්ව තිබේ. ඒ නිසාම අදවන විට මෙම තත්ත්වය වෙනස් කිරීම සඳහා රජය වෙනම වැඩපිළිවෙළක් සකස් කරමින් සිටින බව සදහන් කර තිබේ. කෙසේ වෙතත් මෙම තත්වය බහුලව දැක ගත හැක්කේ සුපිරි වෙළඳ සැල් වලය. එනම් වසරකට ෂොපිං බෑග් මිලියනයක් පමණ ඔවුන් භාවිතා කර තිබේ .
මිනිසුන්ට මෙන් ම සත්වයාටද හිතකර පරිසරයක් ගොඩනැගීමට නම් අප සියලු දෙනාටම අතීතයේ භාවිතා කරන ලද පරිසර හිතකාමී බඩු බාහිරාදිය නැවත සකස් කිරීම සිදු කළ යුතු වබව කිව යුතුමය. මක්නිසාදයත් එය අද යුගයේ අවශ්‍යතාවක් බවට පත්ව තිබේ.
එනම් ලන්ච් ශීට් වෙනුවට කෙසෙල් කොළ, නෙළුම් කොළ, කලං කොළ භාවිතා කළ හැකිය.
ප්ලාස්ටික් ඉදි ආප්ප තට්ටු වෙනුවට බටපතුරු, පං, වේවැල්, උණ පතුරු ආදියෙන් අලංකාරවත් ඉඳිආප්ප තට්ටු සකස් කරගත හැකිය.
ප්ලාස්ටික් පිඟන් කෝප්ප මිල අඩු බව සත්‍යයකි. නමුත් ඒවැනි දෑ භාවිතා කිරීම මගින් වැළදෙන රෝග වලට දහස් ගණන් වියදම් කිරීමට සිදුවන හෙයින් වීදුරු පිඟන් කෝප්ප මෙන්ම මැටි පිඟන් කෝප්ප භාවිතා කිරීම කළ හැකිය.
ෂොපින් බෑග් වෙනුවට රෙදි මගින් හා පන් කොළ වලින් නිම කරන ලද බෑග් පරිහරනය කළ හැකිය.
මෙවැනි සෞඛ්‍ය සම්පන්න එමෙන්ම පරිසර හිතකාමී භාණ්ඩ භාවිතා කිරීම මගින් ඔබගේ සෞඛ්‍ය තත්වය මෙන්ම පරිසරයද රැකගත හැකිය. ඔබත් අදම ඔබගේ නිවසේ මෙම ප්ලාස්ටික් නිෂනිශ්පාදන භාවිතා කිරීම අවම කරන්න. එය ඔබට මෙන්ම ඔබගේ පවුලේ සෞඛ්‍යයටත් පරිසරයටත් වඩාත් හිතකර වනු ඇත.
උපුටා ගැනීම: The Lanka Post