හිරු එලිය කියල කියන්නේ ශරීරයට අවශ්‍ය දෙයක්. එහෙත් හිරු එලිය වැඩි උනාම නම් ටිකක් අපට අමාරුයි. වැඩිපුර ඉර එලියේ ඉන්න එකත් හොද නෑ. ඒ වගේම තමා හිරු එලිය ප්‍රමාණවත්ම නොලැබීමෙන් ඔබේ ශරීරයේ වෙනස්කම් සිදුවිය හැකියි. අපි එතරම් සැලකිල්ලක නොදැක්වුවත් අපගේ ශරීරයට හිරු එලිය මගින් ලැබෙන වාසි ගොඩක් තියෙනවා.
එහෙත් දැන් පවතින කාර්යබහුල ජීවිතයත් සමග හිරු එලිය අපහට ලැබෙන බොහෝම අඩුවෙන්. ඒක නිසා හිරු එලියෙන් ලැබෙන වාසි සහගත දේවල් ගැන ඔබ දැනුවත් වී සිටීම වටිනවා. බටහිර රටවලට වඩා අපට නම් මදි නොකියන්නම හිරු එලිය ලැබෙනවානේ. ඉතින් මේ නොමිලයේම ලැබෙන දෙයින් අපට ප්‍රයෝජන ලබාගන්න පුලුවන්.
හිරු එලිය මගින් ශරීරයට ලැබෙන මේ දේවල් ගැන දැනගත්තම නම්, ශරීරයට හිරු එලියෙන් ප්‍රමාණවත් ලෙස ලබාගන්නට ඔබ උනන්දු වේවි. ඔබත් හිරු එලිය ප්‍රමාණවත් ලෙස නොලබන අයෙක් නම් මේ දේවල් ගැන සැලකිලිමත් වන්න. ප්‍රමාණවත් ලෙස හිරු එලිය ශරීරයට නොලැබීමෙන් ශරීරයට සිදුවන දේවල් 8 ක් මෙසේයි.
1. විශාදය වැනි රෝගී තත්වයන් වලට ගොදුරු වීම
හිරු එලිය අපගේ පිටත ශරීරයට පමණක් නෙමෙයි අපගේ මානසික යහ පැවැත්මටත් බලපානවා. හිරු එලිය ප්‍රමාණවත් ලෙස නොලැබීමෙන් විශාදය වැනි රෝග ඔබට ඇතිවන්නට පුලුවන්. මෙම රෝගී තත්වයන් ඇතිවීම වලක්වාලන්නට හිරු එලියට පුලුවන්.
2. දත් කුහර ඇතිවීම
දත් කුහර සාමාන්‍යයෙන් අපි හැමෝටම ඇතිවන සාමාන්‍ය දෙයකි. එහෙත් ඔබ දන්නවාද ඔබට නිසි පරිදි හිරු එලිය නොලැබීමෙන් දත් කුහර පවා ඇතිවන්නට ඉඩ ඇති බව. ඉතින් මේ හිරුගේ ආලෝකය දත් වලට පවා බලපානවා. සෑම දත් කුහර ඇතිවීමක්ම හිරු එලිය අඩු නිසාවෙන් ඇති නොවන අතර, ඔබ හිරු එලිය ප්‍රමාණවත් ලෙස නොලබන්නෙක් නම් ඒ ගැන සැලකිලිමත් වන්න.
3. ප්‍රමාණවත් ලෙස හිරු එලිය නොලැබීමෙන් ප්‍රතිශක්තීකරණය පහත වැටේ
ප්‍රතිශක්තීකරණය කියල කියන්නේ ඔබගේ ශරීරයේ වැදගත් දෙයක්. විශබීජ වලට හොදින් සටන් කරන්නට ශරීරයේ හොද ප්‍රතිශක්තීකරණයක් තිබිය යුතුමයි. ඉතින් ඔබගේ ශරීරයට හිරු එලිය නොවැටුනොත් ශරීරයේ ඇති සුදු රුධිරාණු පහත වැටෙන්නට පුලුවන්. එම නිසා නිසි පරිදි හිරු එලිය ලබාගන්න සැලකිලිමත් වන්න.
4. සතුටු සිතුවිලි අඩුවීම සිදුවේ
අපට සතුටු සිතුවිලි ඇතිවන්නට සෙරටොනින් හෝමෝනය ඉවහල් වේ. නිසි පරිදි හිරු එලිය නොවැටීමෙන් එම හෝමෝනය පහල යන්නට ඉඩ ඇත. හෝමෝන වල ක්‍රියාකාරීත්වයටත් හිරු එලිය බලපෑම් කරයි.
5. ශරීරයේ වේදනා ඇතිවීම
හිරුගේ ආලෝකය මගින් අපගේ ශරීරයේ මන්ශ පේශීන් උණුසුම් කරයි. එමගින් අපගේ ශරීරයේ ඇතිවන ආතරයිටීස් වැනි වේදනාවන් සමනය කරන අතර, ශරීරයේ ඇති වේදනාවන් අඩු කරන්නටද නිසි පරිදි ආලෝකය ලැබීම ඉවහල් වේ.
6. ස්නායු පද්ධතියට බලපෑම් කරනවා
ඔබ කුඩා කාලයේදී දිගු කාලීනව නිසි ලෙස හිරුගේ ආලෝකය නොලැබුනොත්, ඔබ වැඩිහිටියෙකු වන විට මධ්‍යම ස්නායු පද්ධතියේ රෝගී තත්වයන් ඇතිවිය හැකිය. එම නිසා ස්නායු පද්ධතියේ යහ පැවැත්මට, ප්‍රමාණවත් ලෙස ආලෝකය ලැබීම සිදුවිය යුතුය.
7. ප්‍රජනන හැකියාව අඩුවීම
කාන්තාවකගේ ශරීරයට හිරු එලිය නිසි ලෙස නොලැබීමෙන්, මෙලටනින් ශරීරය තුල අධික ලෙස තැන්පත් විය හැක. එමගින් ප්‍රජනන හැකියාවට බාධා ඇති කරවන්නට ඉඩ ඇත. එම නිසා හිරුගේ ආලෝකය නිසි පරිදි ලැබීම යහපත් වේ.
8. හදවතේ ක්‍රියාකාරීත්වයට
හදවත් රෝග වලින් අපව ඈත් කරන විටමින් ඩී ශරීරය තුල නිපදවන්නට හිරුගේ ආලෝකය අවශ්‍යය වේ. හිරු එලිය නොමැතිව විටමින් ඩී නිපදවන්නට ශරීරයට හැකියාවක් නැත. හිරු එලියේ ඇති අධෝරක්ත කිරණ මගින් අපගේ රුධිර පීඩනය පාලනය කරයි. එම නිසා හදවතේ ක්‍රියාකාරීත්වය සදහා නිසි පරිදි හිරු එලිය ලබාගත යුතුවේ.
උපුටා ගැනීම: BENIPOST