මේ ටිකෙ අපි බැලුවොත් වැඩිපුරම තියෙන්නෙ නැන්දම්මලා නෑනලා නිසා දුක් විදින ලේළිලගෙ පෝස්ට්.
මේ අපේ වයසෙ කාන්තාවන්ගෙ සෝකාලාපයක්
ඉතින් ඒක අපි අපේ දුවලටත් විදින්න දෙනවද….?
තීරණය ඔබෙ අතෙ ……..
මට ඉන්නෙ පුතාලා දෙන්නෙක් හා දුවෙක්
ඉතින් අපි වෙනස් උනොත් අපේ දරුවොන්ගෙ විවාහ ජීවිතත් සුන්දර කරන්න පුලුවන්.
හැමවෙලාවෙම අපි දකින දෙයක් තියෙනවා පුතාලා දෙමාපියන්ව තනිකරන්න කැමති නෑ
නැත්නම් අම්මා කියන දේ අක්කා කියන දේ තමා අහන්නෙ
ඒ වැරැද්ද අපිට නිවැරදි කරන්න පුලුවන් කොහොමද කියලා අපි කතා කරමු.
ගොඩක් තැන්වල පුතාගෙන් වැඩ ගන්නෙ නෑ
” අපි උබලගෙන් වැඩ ගන්නෙ නෑ උබලා ඉගෙන ගෙන හොද රස්සාවක් කරලා අපිව බලාගනින් ඒ ඇති”
ඔන්න ඔය වාක්‍යයත් අර කොල්ලගෙ ඔලුවට කාවද්දලා තියෙන්නෙ.
කොල්ලනෙ කියලා කෑම එක අතට දෙනවා, වතුර එක අතට දෙනවා,
පිඟාන සෝදන්න ඔනෙ නෑ සින්ක් එකෙන් තිබ්බම ඇති,
ඇදුම් හෝදලා නවලා අල්මාරියටම දාලා දෙනවා,
ඉතින් මේ අත පය හතර හොදට තියෙන කොල්ලව අපි අබ්බගාත කරලා තියෙන්නෙ.
එයාට තියෙන්නෙ කාලා බීලා නාලා පොතක් බලන් ඉන්න.
පංති යන්න ඉස්කෝලෙ යන්න විතරයි.
ඉතින් මේ පොඩි එකා ලොකු වෙනවා කසාද බදින්න ලැහැස්තියි හැබැයි යට ඇදුමවත් හෝදගන්න දන්නෙ නෑ.
ඉතින් අම්මලා කොල්ලන්ගෙ හැම වැඩේම කරනවා කොල්ලටත් තියෙන්නෙ කාලා බිලා ඉන්න.
සැපේ ඉන්න සැපේ.
ඇයි අම්මා ඉන්නවනේ ඒවට පේ වෙලා ඉතින් කොල්ලා මොකටද ඒවා කරන්නෙ.
ඉතින් මේ කොල්ලා කසාද බැදලා එනවා අම්මලත් එක්ක මහ ගෙදර පදිංචියට……..
මනමාලි ඇවිත් තියෙන්නෙ මේ ගෙදර දොරේ වැඩපල කරගෙන ළමයි හදන් අම්මලා තාත්තලවත් බලන් ඉන්න කියලා මේ මනමාල මහත්තයගෙ හිතෙ කා වැදිලා තියෙන්නෙ මගෙ බිරිද තමා දැන් මේ වැඩ කරන්න ඔනෙ.
සමහර පිරිමි අනේ මගෙ අම්මා මෙච්චර කල් මේ වැඩ කලා දැන් ඇති කියලා අම්මව පැත්තකට කරලා අලුත ගෙනාව මනමාලිට පවරනවා ගෙදර රාජකාරි
උදේට උයන්න, දවල්ට උයන්න, රෙදි සෝදන්න, ගෙවල් අස් කරන්න, ආයෙත් රෑට උයන්න.
දැන් අම්මට පුලුවන් බනක් භාවනාවක් කරගෙන ඉන්න
ඒත් ඉන්නවද නෑ දෙයියනේ නෑ…
අලුත ගෙනාපු මනමාලිගෙ හොද්දෙ ලුනු මදි එකයි(මදිනම් දාගෙන කන එක වෙනම වැඩක්)
හෝදපු ඇදුමෙ කහට පැල්ලමයි,
ගේ අතුගෑවට පුටුව යට තියෙන මකුලු දැලයි පේන්න ගන්නවා
ඉතින් ඉන්න බෑ කියවනවා ගස්සනවා
පුතාගෙ රෙදි ටික හෝදන්න බැරි නිසා ඒ හෝදපු එකෙ අඩුපාඩු කියවනවා
පුතාට සුදට කන්න පුරුදු කරලා ලේලිගෙ පරිප්පුවෙ මිරිස් වැඩි වෙච්ච එක හොයනවා.
ඒ අස්සෙ ලේලි ගැබ්බර වෙලා
ඇගෙ අපහසුවට ඉද ගත්තොත් කියනවා අපෝ අපිනම් නැවිලා දිගෑදිලා වැඩ කලේ
ඔය වගේ ෆෝන් ඔබ ඔබ හිටියෙ නෑ
ඕන් පටන් ගන්නවා හැබැයි දුවෙක් ඉන්නවනම්
“අනේ අපෙ කෙලීට කන්න බෑනෙ මොනවා හරි හදන් යන්න ඕනෙ
ඊයෙ කෑවද දන්නෙ නෑ”
ඕන් දිගට හරහට ඒ ටික හොයනවා ගෙදර ඉන්න ලේලිගෙ දොලදුක පේන්නෙවත් නෑ.
ඉතින් මේ ලේලි තියෙන ඔක්කොම අමාරුකම් හවස ගෙදර එන සැමියගෙ පිටින් යවනවා කුල ගේ ටික ටික අවමගුලක් වෙන්න යන්නෙ.
ඒත් මේ නැන්දම්මට තියා පුතාටත් ඕවා හිතෙන්නෙ නෑ.
නැන්දම්මට මතක නෑ මාත් ලේලි කෙනෙක් වෙලා හිටියා මගෙ නැන්දම්මා කරපුවගෙන් මගෙ හිත රිදුනා අනේ මේ කෙල්ලව මං රිදවන්න හොද නෑ කියලා හිතෙන්නෙ නෑ,
රිද්දන්න කොනිත්තන්නමයි හිත.
දරුවා හම්බ වෙනවා, අලුත් අම්මගෙ කිරි එරෙන්නෙ අඩුවෙන්ද, ළමයා කිරි බොනවද?
ඔය ටිකෙ අඩු පාඩු හොයනගමන් තව එකක් පටන් ගන්නවා
“දරුවා අපේ පුතා වගේමයි”
කණ කට ඇස නහය ඉදන් පුරස්චාර්වක දතට යනකම් ඔක්කොම අපෙ පුතා වගෙයි ඔන්න එන එන අයට කියනවා.
ලේලි වගෙ ඉන්න දරුවා වුනත් අපේ පුතා වගෙ නැත්නම් දරුවා එයාගෙ නැන්දා වගෙ ඕන් පරම්පරාවම දරුවට සම්බන්ධ කරනවා හැබැයි අම්මගෙ නිය පොත්තක්වත් දරුවට පිහිටලා නෑ.නෑ නෙමෙයි අම්මගේ කපාපු පලුව වගේ හිටියත් දරුවා ලේළිවගේ කියලා කියන්න ඇට නැති දිව නැවෙන්නෙ නෑ.
ඉතින් හැබැයි මේ නැන්දම්මම දුවගෙ නැන්දම්මගෙ කෑලි අරිනවා අපෝ “අපෙ කෙල්ලට කිසි ආදරයක් නෑ
මම හදන් ගියොත් විතරයි හොද කෑමක්”
“අපේ කෙල්ල වගේම ඉන්න දුව බෑනා වගෙ කිය කිය මැරෙන්න යනවා”
ඕන්න නැන්දම්මා ලේලිව ළග තියන් දුව ගැන අකම්පාල වෙනවා
අනේ මේ ලේලි ඔය ඔක්කොම අහගෙන ඉන්නවා
අර වැඩකරලා මහන්සිවෙලා ගෙදර එන මනුස්සයව කන්න පටන් ගන්නවා ඉතින් දෙන්නගෙ මගුල හබක් වෙන තැනටම වැඩෙ වෙලා ඒත් ප්‍රශ්නය තියෙන්නෙ කොහෙද කියලා කාටවත් පේන්නෙ නෑ.
මොකද මේ පුතා හැදිලා තියෙන්නෙ අම්මා මූලික වෙලානෙ.
“අනේ ඔය අපෙ අම්මා අපි වෙනුවෙන් කොච්චර නැහුනද”
ඕන් ඉතින් එයත් කියවන්න ගන්නවා
අම්මා මට ඉස්සර හැමදේම කරලා දෙනවා
කෑම බීම ළගට ඉතින් මේ පුරුදු එක්ක අම්මා තමයි පුතාගෙ ලෝකෙ රැජින
බිරිදට උදේට උයලා වලන් පිගන් හෝදන්න ගියාම තරු පේනවා
අතපය හතර හොදට වැඩ කරන සැමියගෙ තේ බීපු කෝප්පෙ කාපු පිගාන අනේ කූබිත් ඒ පිගානෙම කනවා බොනවා ඇයි විනාඩියක් අරන් ඒක හෝදලා නවලා යන්න ඉගෙන ගෙන නෑනෙ.
ඉතින් තුන් වේලට උයලා දීලා කාපු පිගාන්නත් හෝදලා යට ඇදුමත් හෝදන්න එපැයි.
ආසාවෙන් කරන එක වෙනයි මේවා රාජකාරි කරලා තියෙන එක වෙනයි.
ඉතින් මේ අත පය හතර හොදට තියෙන ඒත් අබ්බගාත පුතා නිසා හා අත හැරලා පාඩුවෙ ජීවත් වෙන්න පුතාව යවන්න බැරි අම්මලා නිසා වෙන අම්මෙක්, තාත්තෙක්, ආදරෙන් හදපු දුව කසාදයක් කියලා මල්වත්තක් හොයන් ඇවිත් කටු කැලේක අතර මං වෙලා.
ඔයාලත් කැමතිද ඔයාලට හම්බ උන නැන්දම්මලා නිසා ඔයාගෙ ජීවිත වේදනාවෙන් පිරුන නිසා ඒ වගෙ ඔයාලගෙ දරුවන්ටත් සිද්ද වෙනවා දකින්න.
නෑ කියලා හිතුවනම් අපි වෙනස් වෙමු.
ඔයාලගෙ පුතාලව අතින් අල්ලගෙන ටික ටික හිතෙන් අත හරින්න.
යට ඇදුම හෝදගන්න මුලින් පුරුදු කරන්න.
කාලා බීලා පිගාන කෝප්පෙ තියලා යන්න නොදි හෝදලා තියන්න පුරුදු කරන්න.
(පසුව හොදින් හෝදන්න එයාලට හරියට බැරිනිසා)
බිත්තරයක් ඔම්ලට් එකක් දාන්න
තේ එකක් හදාගන්න.
හොද්දක් හැදි ගාන්න පුරුදු කරන්න.
නිවාඩු දවසට ගේ ටිකක් අස් කරන්න අතුගාන්න පුරුදු කරන්න.
තමන්ගෙ රෙදි ටික නවලා අල්මාරියට දාගන්න පුරුදු කරන්න.
පොඩි පොඩි දේවල් ටික ටික පුරුදු කරන්න.
කසාදෙකට යනකොට ගැහැනියට හා පිරිමියට කියලා වෙනසක් නොවි වැඩ කරගන්න පුරුදු කරන්න කවදා හරි දවසක ඔයාට සතුටුවෙන්න පුලුවන් විදිහට හදන්න.
ඔයා හදපු පුතා නිසා තවත් ගැහැනියකගෙ ජීවිතෙ සුන්දර වෙලා තියෙනවා දකින කොට ලස්සන හිනාවක් මූනට එන විදිහට පුතාව හදන්න.
දරුවො පොඩි කාලෙම හිතේ ගැඹුරෙම තියාගන්න.
දරුවෝ අපිට අයිති නෑ එයාලගේ ලෝකෙ එයාලට නිර්මාණය කරගන්න ඉඩ හරින්න.
උපුටා ගැනීම: