අපේ පුතාගේ වයස අවුරුදු හයයි. එයාට තාම ‘ර’ ශබ්දය කියන්න බැහැ. මෙ ප්‍රශ්නය අපේ දුවටත් තිබ්බා, හැබැයි එයා අවුරුදු හතර වෙද්දී කොහොමහරි ‘ර’ කියන්න පුළුවන් වුණා. අපි ඉන්න රටේ ළමයි අවුරුදු හතරෙන් ඉස්කෝලේ යනවා. ඉතින් දැන් පුතා kindergarten 2ත් ඉවර වෙන්න එනවා මේ සති අන්තෙ. අප්‍රේල් පලවෙනි සතියේ එක වසරෙ. තාම කොලූ ට ‘ර’ කියන්න බෑ.
අපි ඉතින් හැම දේම ට්‍රයි කරනවා.එයාගෙ ‘ර’ ශබ්දය වෙනුවට එයා ගොඩක් වෙලාවට ‘ල’ ශබ්දය තමයි කියන්නේ. මේක නිසා හරි comedy scenes වෙනවා. උදාහරණයකට, දවසක් එයා මගෙන් lock එකක් ඉල්ලුවා . මම හිතුවා මොකක් හරි car toy එකට දාන්න වෙන්න ඇති කියලා හොයල යන්තම් චූටි ලොක් එකක් දුන්නා- අර luggage bag වලට දාන එකක්, මෙන්න මිනිහා අඩන්න ගත්තා. පස්සේ තමයි තේරුනේ එයාට ඕන වෙලා තිබ්බේ lock එකක් නෙමේ rock එකක්. ඔය වගේ ගොඩක් චූටි චූටි සිද්ධි වෙනවා, එයාට rice වෙනුවට lies තමයි ඕනේ . එතකොට එයාගේ යාළුවගේ නම ryan නෙමෙයි lion.
ඔය අතරේ ලඟදි දවසක් husband කිව්වා දුවට “ඔයා මල්ලිට ‘ර’ කියන්න ඉගැන්නුවොත් ඔයාට ඩිරාම් 100 දෙනවා ” කියලා. දැන් කෙල්ල මුළු දවසම කොලූ ට ‘ර’ කියන්න උගන්වනවා. Try කරල try කරල කෙල්ලගෙ පණ ගියා. මමයි හස්බනුයි දෙන්නත් මේක දැන් හොඳට enjoy කරගෙන ඉන්නවා. ඒ අතරේ දුව කියනවා මල්ලිට “මේ ඔයා ‘ර’ කිව්වොත් මට ඩිරාම් 100 හම්බ වෙනවා, ඉතින් අනේ ඔයා ‘ර’ කියන්නකො, මම ඔයාට 50ක් දෙන්නම්”
කොහොමද පොඩි මොලේ ?
හැබැයි ඉතින් තාම කොලූ ට ‘ර’ කියා ගන්න බෑ , Offer එක තාම open.
උපුටා ගැනීම: –Ayesha Aji–