පුරාණ ඊජිප්තුවේ සෑම පුද්ගලයෙකුම මියගිය විට මමීකරනය කලේ නැත. සමාජයේ ඉහල පැලැන්තියේ මිනිසුන් පමනක් ඒ සදහා යොමුවිය. ඔවුන්ගේ ආගමික විශ්වාසය මත පදනම්ව මරනින් පසු ජීවිතයට සූදානම් වීම සදහා සුවිශේෂී වූ ක්‍රම වලට යොමු වී තිබිණි.
ඉන් සමහරක් සිත් ඇදගන්නාසුළු ක්‍රම වේදයන්‍ ය. මෑතකදී සොයාගත් එවැනි සිත් ඇදගන්නාසුළු නව සොයාගැනීමක් වුනේ රන් දිවක් සහිතව වලලනු ලැබූ මිනිසෙකු සොයා ගැනීමයි.
අවුරුදු 2,000 කට එහා කාලයකදී වලලනු ලැබූ මෙම සිරුර, මරණින් මතු ජීවිතයේදී කථා කිරීමටත්, දෙවිවරුන් හෝ මියගිය වෙනත් ආත්මයන් සමඟ කතා කිරීමටත් හැකි වේය යන විශ්වාසය මත රත්තරන් දිවක් සහිතව වලදමා ඇත. එම සිරුර “ඔසිරිස්ගේ මහා සොහොන” ලෙස නම්කර ඇති සොහොන පිහිටි ටැපොසිරිස් මැග්නාහිදී සොයා ගෙන ඇත.
මෙම භූමියේ පාතාල ලෝකයේ අදිපති සෙත් දෙවියන්ට සහ අහසට අදිපති ඔසිරිස් දෙවියන්ට කැප කරන ලද දේවාල ඇත. මරණින් මතු ජීවිතයේදී ඔවුන් මියගිය තැනැත්තන්ට උදව් කරන බව ඊජිප්තු වැසියන් විශ්වාස කර ඇත.
කලින් සඳහන් කළ පරිදි, මියගිය තැනැත්තාට මරණින් මතු ජීවිතයේදී කථා කිරීමට හැකි වන පරිදි රන් දිව තබා ඇත. මියගිය තැනැත්තා මරණින් මතු ජීවිතයට ගොස් දෙවියන් මුණගැසී ඔවුන් සමඟ කතා කළ යුතුය. නමුත් ඒ සදාහා කැපකල භූමියේ සිරුර තැන්පත් කිරීම ප්‍රමාණවත් බව ඔවුන්ගේ විශ්වාසයයි. එය එසේ නම් එම භූමියේ මිහිදන් කල අයෙකුට රත්තරන් දිවක් තබන්නේ ඇයි ?.
දිව රත්රන් වලින් සාදා ඇත්තේ ඇයිද යන්න පැහැදිලි කිරීමක් ලෙස, මියගිය තැනැත්තාට සැබෑ ජීවිතයේ නිසි ලෙස කථා කිරීමට නොහැකි නම්, ඒ සදහා අතිරේක ආධාරකයක් ලෙස එම දිව එකතු කරන්නට ඇතිබව පුරාවිද්‍යාඥයන් විශ්වාස කරයි. ඒනම් ඔහු ගොළු පුද්ගලයකු වන්නට ඇතැයි පුරාවිද්‍යාඥයන් සාක්ශි අනුව තහවුරු කරයි.
එම ස්ථානයේම, ක්ලියෝපැට්රාගේ මුහුණ එම්බොස් කර ඇති කාසි ගණනාවක් මීට පෙර සොයා ගෙන තිබෙ. සජීවී විද්‍යාවට අනුව, මෙම පුද්ගලයින් හරියටම මිය ගියේ කවදාද යන්න පැහැදිලි නැත. එකල වඩාත්ම පිළිගත් නිගමනය නම් ඔවුන් ජීවත් වූයේ ටොලමිස්ගේ පාලනය යටතේ බවය. තවත් න්‍යායකින් කියැවුණේ ඔවුන් රෝම අධිරාජ්‍ය සමයේ සිටිය යුතු බවයි. ක්ලියෝපැට්රාගේ මරණයෙන් පසු රෝමවරු ඊජිප්තුවේ පාලනය අත්පත් කරගෙන සිටි බව ඉතිහාසයේ කියවේ.
රන්වන් පැහැයෙන් යුත් මමී හැරුණු විට, සොයාගත් අනෙක් මමීකරනය කල 15 දෙනා ද සමඟ යම් නිධානයක් තබා ඇත. මේ සියල්ල වසර 2,000 කට පෙර සිට පැවත එන ඒවා බව සොයා ගෙන ඇත. නමුත් තවමත් මියගිය දිනයන් ගනනය කර නැත.
සුසාන භූමිය වටා පිළිම රාශියක මමී සිරුරු තිබී ඇති අතර පර්යේෂකයන් විශ්වාස කරන්නේ ඒවා එහි වළලනු ලැබූ අය බවයි. ඒවා ඉතා හොඳින් සංරක්ෂණය වී තිබූ අතර කොණ්ඩා මෝස්තර, හිස් වැසුම්, මුහුණු පහසුවෙන් හඳුනාගත හැකි වී තිබේ.
ඉතිහාසයේ වූ අරුම පුදුම සිදුවීම්, සංස්කෘතින් සහ කුතුහලය ගොඩනගන මැවැනි සිදුවීම ගැන දැන ගන්න page එකට like කරලා එකතු වෙන්න.. අපි තොරතුරු වලට එහා දැනුම සොයා යමු. 
උපුටා ගැනීම: රාම් වණා