රනින්ග් සෝමේ..  (වැල් වටාරම්)

අද දිනය මතකද උඹට..?

* අද…? අද .. අද බදාදානෙ බං..

හරි බං අද මාර්තු 22 බදාදා .. මම අහන්නෙ අද දිනයෙ උඹට මොකක් හරි ගැන මතකද..?

* හ්ම්…අඩේ නෑනෙ බං..

සෝමේ ආයෙමත් දුවන්න ගත්තා. යාළුවන්ටත් කෝල් කරලා ඇහුවා. අද දිනයෙ කිසිම විශේෂයක් නෑ.. සෝමෙට දැන් පිස්සු වගෙ..

හෙලො මචං , මේ ප්‍රියංවදාගෙ බර්ත්ඩේ එක මතකද උඹට.. ?

* ප්‍රියන්වදා කියන්නෙ කවුද බං..?

යකෝ මගෙ ගෑණි බං.. මගෙ ගෑණි..

* ⁣තොගෙ ගෑණිගෙ උපන්දිනෙ මමද බූරුවො දන්නෙ..? හිටාං අපේ ගෑණිගෙන් අහලා බලන්න.. !! ආහ්.. අගෝස්තු පහලු බං.

අද මාර්තු 22 ද බං..?

* ඔව් බං…

අපි බැන්ඳෙ අදද බං..?

* හිටාං නෝනිගෙන් අහන්න.. නෑලු නෑලු ජූලි මාසෙකලු… මොකක්ද සීන් එක..?

මචං ගෑණි මෙසෙජ් එකක් දාලා අද කවදද අහලා. මම ඒක ඕපන් නොකර නොටිෆිකේෂන් වලින් බැලුවෙ.. බලපු වෙලෙ ඉඳලා මම පිස්සෙක් ව⁣ගෙ දිනයෙ වැදගත්කම හොයනවා බං. අනේ මාව බේරගනින්..!

* හිටින් මගෙ නෝනාට කියමු උඹේ වයිෆි⁣ට කතා කරලා දැනගන්න කියලා..

අනේ පිං මචං..

—————————–

* හෙලො… උඹ කොහෙද.. ?

මම මේ උඹෙන් කෝල් එක එනකම් රේල් පාර අයිනෙ වාඩිවෙලා බං හිටියෙ මේ පැය එකහමාරෙම..

* නෝනලා දෙන්නා ඒ පැය එකහමාරෙම ෆෝන් එකේ හිටියෙ. මචං උඹේ ගෑණිට වෙඩිංග් එකකට යන්න ඕනිලු. ඒකට ඇඳුම් ගන්න උඹ එක්ක කතා කරන්න මාතෘකාවක් ඕනි වෙලා. ඒකට තමයි අර දිනය අහලා එවලා තියෙන්නෙ.. තෝ නම්..!

උපුටා ගැනීම:  පූර්ණිමා චාරුණී බණ්ඩාර